Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

‘ବୁଲାତି ହେ ମଗର ଯାନେ କା ନେହିଁ’: ପ୍ରସିଦ୍ଧ ସାୟର ରାହତ ଇନ୍ଦୋରୀଙ୍କ କରୋନାରେ ନିଧନ

11/08/2020 at 5:13 PM

ଇନ୍ଦୋର ୧୧।୦୮: ‘ବୁଲାତି ହେ ମଗର ଯାନେ କା ନେହିଁ’ ହେଲେ ଆର ପାରିକୁ ଚାଲିଗଲେ ପ୍ରସିଦ୍ଧ ସାୟର ରାହତ ଇନ୍ଦୋରୀ। କରୋନାରେ ଇନ୍ଦୋରୀଙ୍କ ପରଲୋକ ଘଟିଛି। ରାହତ ଇନ୍ଦୋରୀ କରୋନା ସଂକ୍ରମିତ ହେବା ପରେ ଇନ୍ଦୋରର ଅରବିନ୍ଦ ହସ୍ପିଟାଲରେ ଭର୍ତ୍ତି ହୋଇଥିଲେ। ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ନିଧନ ଘଟିଛି। ମୃତ୍ୟୁବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା। ତାଙ୍କ ନିଧନରେ ପୁରା ରାଜ୍ୟରେ ଶୋକର ଲହରି ଖେଳି ଯାଇଛି। ରାଜ୍ୟର ସମସ୍ତ ନେତା ତାଙ୍କ ନିଧନରେ ଶୋକ ବ୍ୟକ୍ତ କରିଛନ୍ତି।

ରାହତ ଇନ୍ଦୋରୀ କୋଭିଡ୍-୧୯ ଚିହ୍ନଟ ହେବା ପରେ ସୋମବାର ହସ୍ପିଟାଲରେ ଭର୍ତ୍ତି ହୋଇଥିଲେ। ମଙ୍ଗଳବାର ସେ ସାମାଜିକ ଗଣମାଧ୍ୟମରେ ନିଜେ କରୋନା ସଂକ୍ରମିତ ହୋଇଥିବା ସୂଚନା ଦେଇଥିଲେ। ରାହତ ଇନ୍ଦୋରୀ ପୂର୍ବରୁ ବହୁବିଧ ରୋଗରେ ପୀଡିତ ଥିଲେ। ସେ ମଧୁମେହ ଓ ହୃଦ ସମ୍ବନ୍ଧିତ ସ୍ଵାସ୍ଥ୍ୟଗତ ସମସ୍ୟା ଦେଇ ଗତି କରୁଥିଲେ।  

ଅରବିନ୍ଦ ହସ୍ପିଟାଲର ଡାକ୍ତର ବିନୋଦ ଭଣ୍ଡାରୀ କହିଛନ୍ତି ହସ୍ପିଟାଲରେ ଭର୍ତ୍ତି ହେବା ପରେ ଦୁଇ ଥର ଇନ୍ଦୋରୀଙ୍କ ହୃଦଘାତ ହୋଇଥିଲା। ଏହା ପରେ ତାଙ୍କ ସ୍ଵାସ୍ଥ୍ୟବସ୍ଥା ଅଧିକ ବିଗିଡିବାରେ ଲାଗିଥିଲା। ଆମେ ଶତ ଚେଷ୍ଟା ପରେ ବି ତାଙ୍କୁ ବଞ୍ଚାଇ ପାରିଲୁ ନାହିଁ। ତାଙ୍କୁ ୬୦ ପ୍ରତିଶତ ନିମୋନିଆ ହୋଇଥିଲା।

ସୂଚନାଯୋଗ୍ୟ ଡ. ରାହତ ଇନ୍ଦୋରୀ ରବିବାର ହସ୍ପିଟାଲରେ ଭର୍ତ୍ତି ହୋଇଥିଲେ। ମଙ୍ଗଳବାର ସକାଳେ ସେ ଟ୍ଵିଟ୍ କରି କହିଥିଲେ, କୋଭିଡ୍‌ର ପ୍ରାରମ୍ଭିକ ଲକ୍ଷଣ ଦେଖିବାକୁ ମିଳିବା ପରେ କାଲି ମୋର କରୋନା ଟେଷ୍ଟ କରାଯାଇଥିଲା, ଯାହାର ରିପୋର୍ଟ ପଜିଟିଭ୍ ଆସିଛି। ଅରବିନ୍ଦ ହସ୍ପିଟାଲରେ ଭର୍ତ୍ତି ହୋଇଛି, ଦୁଆ କରନ୍ତୁ ଯେତେ ଶୀଘ୍ର ଏହି ରୋଗକୁ ହରାଇ ପାରିବି।

ଶିବରାଜ ସିଂହଙ୍କ ଶୋକ ପ୍ରକଟ

ରାହତ ଇନ୍ଦୋରୀଙ୍କ ନିଧନରେ ପୂରା ମଧ୍ୟ ପ୍ରଦେଶରେ ଶୋକର ଲହରି ଖେଳି ଯାଇଛି। ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ମଧ୍ୟ ଟ୍ଵିଟ୍ କରି ଦୁଃଖ ବ୍ୟକ୍ତ କରିଛନ୍ତି। ସେ ଲେଖିଛନ୍ତି ନିଜ ସାଏରିରେ ଲକ୍ଷ-କୋଟି ଲୋକଙ୍କ ହୃଦୟରେ ରାଜ କରୁଥିବା ପ୍ରସିଦ୍ଧ ଶାୟର ହରଦିଲ ଅଜିଜ ରାହତ ଇନ୍ଦୋରୀଙ୍କ ପରଲୋକରେ ମଧ୍ୟ ପ୍ରଦେଶ ଓ ଦେଶ ପାଇଁ ଏକ ଅପୂରଣୀୟ କ୍ଷତି। ମୁଁ ଈଶ୍ଵରଙ୍କୁ ପ୍ରାର୍ଥନା କରୁଛି ତାଙ୍କ ଆତ୍ମାଙ୍କୁ ଶାନ୍ତି ଦିଅନ୍ତୁ ଏବଂ ତାଙ୍କ ପରିଜନ ଓ ପ୍ରଶଂସକଙ୍କୁ ଏହି ଦୁଃଖ ସହ୍ୟ କରିବାକୁ ଶକ୍ତି ଦିଅନ୍ତୁ।  

   Related Posts