ଘଟଗାଁ ୦୫।୧୨: କେନ୍ଦୁଝର ଜିଲ୍ଲା ଘଟଗାଁ ବ୍ଲକ କାଳିଆବେଡ଼ା ଗାଁରେ ଅଭାବନୀୟ ଘଟଣା ଘଟିଛି । ନିଜ କକା ପୁଅ ଭାଇକୁ ଟାଙ୍ଗିଆରେ ହାଣିଛ ଭଉଣୀ । ଘଟଣାସ୍ଥଳରେ କକା ପୁଅ ଭାଇକୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, କାଳିଆବେଡ଼ା ଗାଁର ସାଗୁ ମୁଣ୍ଡାଙ୍କ ପୁଅ ଘନଶ୍ୟାମ ମୁଣ୍ଡାଙ୍କ ସହିତ ବଡ଼ ବାପାଙ୍କ ସହ ଦୀର୍ଘ ଦିନ ହେଲା ବିବାଦ ଲାଗିରହିଛି । ସମ୍ପତ୍ତିକୁ ନେଇ ପ୍ରତିଦିନ ଝଗଡା ଲାଗିରହିଥିଲା । କିନ୍ତୁ ଗତକାଲି ସଂଧ୍ୟାରେ ସମ୍ପତ୍ତିକୁ ନେଇ ବିବାଦ ଦେଖାଦେଇଥିଲା । ବିବାଦରୁ ଉଭୟଙ୍କ ମଧ୍ୟରେ ସାମାନ୍ୟ କଳି ଆରମ୍ଭ ହୋଇଥିଲା । ଏହାପରେ ଏହା ଧିରେ ଧିରେ ଚରମସୀମାରେ ପହଞ୍ଚି ମାରପିଟ୍ ରୂପ ନେଇଥିଲା | ମାରପିଟ୍ ହେଉ ହେଉ ଘଟଣାସ୍ଥଳରେ ଘନଶ୍ୟାମଙ୍କ ବଡବାପା ଝିଅ ଡୁମୁରି ମୁଣ୍ଡା ଏକ ଟାଙ୍ଗିଆରେ ନିଜ କାକା ପୁଅ ଘନଶ୍ୟାମଙ୍କୁ ଆକ୍ରମଣ କରିଥିଲେ । ଘନଶ୍ୟାମଙ୍କ ମୁଣ୍ଡରେ ଆଘାତ ଲାଗିଥିଲା । ଯାହାଫଳରେ ଘନଶ୍ୟାମ ରକ୍ତ ଜୁଡୁବୁଡୁ ହୋଇ ତଳେ ପଡିଯାଇଥିଲେ। ସ୍ଥାନୀୟ ଲୋକେ ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଘନଶ୍ୟାମଙ୍କୁ ଗୁରୁତ୍ବର ଅବସ୍ଥାରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି
