Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

କାଶ୍ମୀର ମୁସଲମାନ ହୋଇଥିବାରୁ ସେମାନଙ୍କୁ ଗିରଫ କରାଯାଇଛି: ପରିବାର

10/03/2020 at 4:21 PM

ନୂଆଦିଲ୍ଲୀ ୧୦।୩:  ଯେହେତୁ ସେମାନେ କାଶ୍ମୀର ମୁସଲମାନ ତେହେତୁ ସେମାନଙ୍କୁ ଇସ୍ଲାମିକ୍ ଷ୍ଟେଟ୍ ସମ୍ପର୍କ ଓ ସିଏଏ ବିରୋଧୀ କହି ଗିରଫ କରାଯାଇଛି। ଏହା କହିଛନ୍ତି ଦିଲ୍ଲୀ ଶାହିନବାଗ୍‌ରେ ଲୋକଙ୍କୁ ଉସକାଇବା ଅଭିଯୋଗରେ ଗିରଫ ହୋଇଥିବା   ଜାହାନଜୀବ ସାମୀ ଓ ତାଙ୍କ ପତ୍ନୀ ହିନାଙ୍କ ପରିବାର। ଏଠାରେ ରହୁଥିବା ସାମୀଙ୍କ ଭଉଣୀ ସେରିଶ ସାମି କହିଛନ୍ତି ସେମାନେ କାମ ଦାମ କରୁଥିବା ଲୋକେ ପେଟପାଟଣା ଲାଗି କାମ କରିବାକୁ ଦିଲ୍ଲୀ ଆସିଥିଲେ।  ନା ସିଏଏରେ ଆମର ଆଗ୍ରହ ଅଛି ନା ଆଇଏସ୍ କ’ଣ ଆମେ ଜାଣିଛୁ ବୋଲି ସେ କହିଛନ୍ତି।

ଏପରିକି ଆମର କାଶ୍ମୀର ପ୍ରସଙ୍ଗରେ ବି କୌଣସି ଆଗ୍ରହ ନାହିଁ ବୋଲି ସେହାରିଶ କହିଛନ୍ତି। ଯଦି ସେଭଳି କୌଣସି ଗତିବିଧି ସହ ଆମର ସମ୍ପର୍କ ଥାଆନ୍ତା ତେବେ ଆମ ପିଲାମାନେ ଚାକିରୀ କାହିଁକି କରିଥାନ୍ତେ ବୋଲି ପ୍ରଶ୍ନ କରିଛନ୍ତି।   ତେବେ ଦିଲ୍ଲୀ ପୋଲିସ ସ୍ପେଶିଆଲ ସେଲ ଡିସିପି ପ୍ରମୋଦ କୁମାର କୁଶୱାହ ସେମାନଙ୍କର ସୋସିଆଲ ସାଇଟ୍ ଟେଲିଗ୍ରାମ, ଫେସ୍‌ବୁକ୍, ଥ୍ରୀମା, ସିୟୋରସ୍ପଟ, ଇଂଷ୍ଟା ଓ ଟ୍ୱିଟରରେ ସେମାନଙ୍କର ଅନେକ ଆକାଉଣ୍ଟ ଥିବା କହିଥିଲେ। ଯାହା ଦ୍ୱାରା ସେମାନେ ଲୋକଙ୍କ ମଧ୍ୟରେ ଘୃଣା ସୃଷ୍ଚି କରିବା ଭଳି ପୋଷ୍ଟ ସବୁ କରୁଥିବାର ଜଣାପଡିଥିବା କହିଥିଲେ।

ତେବେ ଗିରଫ ଯୁବକଙ୍କ ମା ମେହଜବିନ ବେଗମ ତାଙ୍କ ପୁଅ କି ବୋହୁ କେବେ କୌଣସି ସନ୍ଦିଗ୍ଧ ଗତିବିଧିରେ ଜଡିତ ନଥିବା କହିଥିବା ବେଳେ  ପୁଅର ଦାଢି ଥିବା ଓ ବୋହୂ ବୁର୍ଖାରେ ରହୁଥିବାରୁ ପୋଲିସ ତାଙ୍କୁ ଗିରଫ କରିଥିବା ଅଭିଯୋଗ କରିଛନ୍ତି। ତେବେ ଇତିମଧ୍ୟରେ ସାମି ଓ ତାଙ୍କ ପତ୍ନୀଙ୍କ ପିତାମାନେ ଦିଲ୍ଲୀ ପହଞ୍ଚି ସାରିଥିବା ବେଳେ ସେମାନଙ୍କ ସହ ଆଲୋଚନା କରିଥିବା ଜଣାପଡିଛି।

ସାମି ବିଟେକ୍ ପଢିଥିବା ବେଳେ ଏମବିଏ ଉତୀର୍ଣ୍ଣ ହୋଇ ଶ୍ରୀନଗରସ୍ଥିତ ବ୍ରିଟେନର ଏକ ଆଇଟି କମ୍ପାନୀରେ କାମ କରନ୍ତି। ତେବେ ଜମ୍ମୁ-କାଶ୍ମୀରରେ ଇଣ୍ଟରନେଟ୍ ବନ୍ଦ ହେବା ଯୋଗୁ କମ୍ପାନୀ ସେମାନଙ୍କୁ ଦିଲ୍ଲୀରେ ଆଣି କାମ ଦେଇଥିଲା। ଗତ ଅକ୍ଟୋବରରେ ସାମୀ ହିନା ବେଗଙ୍କୁ ବିବାହ କରିଥିଲା। ହିନା ଫିନାନ୍ସରେ ଏମବିଏ କରିଛି। କାଶ୍ମୀରରେ ସାମିଙ୍କ ପିତା ଏକ କାରଖାନା ଚଳାଉଥିବା ବେଳେ ମା ଜଣେ ଅବସରପ୍ରାପ୍ତ ଶିକ୍ଷୟିତ୍ରୀ।  

   Related Posts