ନୂଆପଡା ୩୧।୫: କରୋନା ମୁକାବିଲା ପାଇଁ ସରକାରଙ୍କ ପକ୍ଷରୁ ଅନେକ ପଦକ୍ଷେପ ନିଆଯାଉଛି । ହେଲେ ନୂଆପଡା ଜିଲ୍ଲା କୋମନା ବ୍ଲକ୍ ନୂଆଗାଁ ପଞ୍ଚାୟତର ଲୋହୋଣ୍ଡୋପାଲି ଗାଁରେ ତାର ବ୍ୟତିକ୍ରମ ଦେଖାଯାଇଛି । ଘରର ସୁବ୍ୟବସ୍ଥା ଅଭାବରୁ ଗଛତଳେ ସଂଗରୋଧ ଜୀବନ ବିତାଉଛନ୍ତି ଗୋଟିଏ ପରିବାର । ଏବେ ଅବଧି ସରିବା ପରେ ଗାଁକୁ ଯାଇ ଅଧାଭଙ୍ଗା ଘରେ ରହୁଛନ୍ତି ।
{"id":279145,"sizeSlug":"large"}ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା କୋମନା ବ୍ଲକ୍ ନୂଆଗାଁ ପଞ୍ଚାୟତର ଲୋହୋଣ୍ଡୋପାଲି ଗାଁରେ ଜନୈକ ବ୍ୟକ୍ତି ତାଙ୍କ ମା’ଙ୍କ ସହ ୬ ଜଣ ରାୟଗଡା ଜିଲ୍ଲାରେ ଇଟାଭାଟିରେ କାମ କରୁଥିଲେ । ହେଲେ ମହାମାରୀ କରୋନା ଯୋଗୁଁ ସରକାରଙ୍କ ପକ୍ଷରୁ ଲକ୍ ଡାଉନ୍ ଘୋଷଣା ହୋଇଗଲା । ଯାହାପରେ ସେମାନଙ୍କର କାମଧନ୍ଦା ବନ୍ଦ ହୋଇଗଲା । ହେଲେ ଲକ୍ ଡାଉନ୍ ପାଇଁ ଯାନବାହନ ଚଳାଚଳ ନହେବାରୁ ଅନେକ କଷ୍ଟରେ ନିଜ ଗାଁରେ ପହଞ୍ଚିଥିଲେ ।
{"id":279146,"sizeSlug":"large"}ଅନ୍ୟ ଜିଲ୍ଲାରୁ ଆସିଥିବାରୁ ହୋମ୍ କ୍ବାରେଣ୍ଟାଇନ୍ ପାଇଁ ସ୍ଥାନୀୟ ସରପଞ୍ଚ ପରାମର୍ଶ ଦେଇଥିଲେ । ହେଲେ ନିଜସ୍ବ ଗୋଟିଏ ଘର ନଥିବାରୁ ହୋମ୍ କ୍ବାରେଣ୍ଟାଇନ୍ ପାଇଁ ସୁ-ବ୍ୟବସ୍ଥା ନଥିବାରୁ ବିଦ୍ୟାଳୟ ଗୃହରେ ରହିବା ପାଇଁ ସ୍ଥାନୀୟ ସରପଞ୍ଚଙ୍କୁ ଅନୁରୋଧ କରିଥିଲେ । ହେଲେ ନିଜ ବିଲରେ ଗଛତଳେ ଥିବା ଏକ କୁଡିଆରେ ରହିବାକୁ କହି ଜରିପାଲ ଦେଇ ବିଲରେ ଥିବା ଖଳାରେ ଚୁଲି ତିଆରି କରି ହୋମ୍ କ୍ବାରେଣ୍ଟାଇନରେ କଟାଇଛନ୍ତି ।
{"id":279147,"sizeSlug":"large"}ଗତକାଲି ତାଙ୍କର ସମୟ ସରିଥିବା ବେଳେ ସେମାନେ ନିଜର ଅଧାଭଙ୍ଗା ଘରକୁ ଯାଇ ରହିଛନ୍ତି । ତେବେ ଗତ ବର୍ଷ ମିଳିଥିବା ଆବାସ ଯୋଜନାରେ ଘର ଖଣ୍ଡିଏ ମିଳିଥିବା ବେଳେ ତାହା ଅଧାପନ୍ତରିଆ ଭାବରେ ପଡି ରହିଛି । ତେଣୁ ଜିଲ୍ଲା ପ୍ରଶାସନ ପକ୍ଷରୁ ସହଯୋଗ ହେଲେ ଘର ସମ୍ପୂର୍ଣ୍ଣ କରିବା ସହ ସୁରକ୍ଷିତ ରହି ପାରିବେ ବୋଲି ପ୍ରକାଶ କରିଛନ୍ତି ।