ବାଲେଶ୍ବର ୨୧/୩:  ଘର ସମ୍ମୁଖରେ ପରିବାର ଲୋକଙ୍କ ମୃତଦେହ ଦେଖି ପରିବାର ଲୋକେ ତାଜୁବ ହୋଇଛନ୍ତି। ଆଜି ସକାଳେ ରୋଷେଇ କରିବା ପାଇଁ ଗାଁରୁ ତିନି ଜଣ ଯାଇଥିଲେ ।  ସେମାନଙ୍କ ମଧ୍ୟରୁ ଜଣଙ୍କୁ ମୃତ ଓ  ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ଦେଖି  ପରିବାର ଲୋକେ ଭୟଭୀତ ହୋଇପଡିଥିବା ବେଳେ ଅଟୋ ଡ୍ରାଇଭରଙ୍କ  ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ।

ଗୁରୁତର ରୋଷେୟାକୁ ସୋର ଡାକ୍ତରଖାନାରୁ ବାଲେଶ୍ବରକୁ ସ୍ଥାନାନ୍ତର କରାଯାଇଛି । ସୋର ଥାନା ଜହ୍ନି ଗାଁର ରଘୁନାଥ ଜେନା ଓ ତାଙ୍କର ଅନ୍ୟ ଦୁଇ ଜଣ ସାଥି ରୋଷେଇ କରିବାକୁ ଭଦ୍ରକ ଯାଇଥିଲେ ।  ରାତି ୧ଟା ବେଳେ ଅଟୋ ଡ୍ରାଇଭର ରଘୁନାଥର ମୃତଦେହ ଓ ଅନ୍ୟ ଜଣେ ରୋଷେୟାକୁ ଗୁରୁତର ଭାବେ ଜହ୍ନି ଗାଁର ରଘୁନାଥଙ୍କ ଘରେ ପହଞ୍ଚାଉଥିଲା। ରଘୁନାଥକୁ ସୋର ଡାକ୍ତରଖାନା ଆଣିବାରୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲା। 

ଗୁରୁତର ଜଣକୁ ସୋର ଡାକ୍ତରଖାନାରୁ ବାଲେଶ୍ଵର ସ୍ଥାନାନ୍ତରିତ କରାଯାଇଛି ।  ମୃତ ଓ ଆହତ ପରିବାର ସନ୍ଦେହ ପ୍ରକାଶ କରି ସୋର ଥାନାରେ ଅଭିଯୋଗ କରିଥିବା ବେଳେ ଅଟୋ ଡ୍ରାଇଭର ସହିତ ସାଥୀ ହୋଇ ଯାଇଥିବା ଅନ୍ୟ ଜଣେ ରୋଷେୟା ଫେରାର ହୋଇଯାଇଛନ୍ତି।