Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ପାଣିରେ ବୁଡିଯାଇଥିବା ୨ବର୍ଷର ଶିଶୁକୁ ଡାକ୍ତର ମୃତ ଘୋଷଣା କଲେ : ହେଲେ ପରିବାର ଲୋକେ ଶିଶୁକୁ ବଞ୍ଚାଇବା ପାଇଁ ନେଲେ ଗୁଣିଆର ସାହାରା, ତାପରେ କ’ଣ ହେଲା ଜାଣନ୍ତୁ…

17/08/2019 at 12:20 PM

ମାଲକାନଗିରି(ରଣଜିତ ସାହା)୧୭|୮: ଆଜିର ଦିନରେ ମଣିଷ ଚନ୍ଦ୍ରରେ ପାଦ ରଖି ସାରିଥିବା ବେଳେ । ବିଜ୍ଞାନ କ୍ଷେତ୍ରରେ ଭାରତ ବିଶ୍ବର ଏକ ନମ୍ବର ହେବାର ଲକ୍ଷ୍ୟ ରଖିଛି । ହେଲେ ଆମେ ସେହି ଭାରତର ମଣିଷ ଯେଉଁଠି ଏଯାଏ ଲୋକଙ୍କ ମନରୁ ଅନ୍ଧ ବିଶ୍ବାସ ଓ କୁ ସଂସ୍କାର ଦୁର ହୋଇ ପାରିନାହିଁ । ଯେଉଥି ଲାଗି ମାଲକାନଗିରି ପରି ପଛୁଆ ଜିଲ୍ଲାରେ ମୃତ ଶିଶୁକୁ ବଞ୍ଚାଇାବା ଲାଗି କରାଯାଉଛି ଗୁଣି ଗାରିଡି । ହେଲେ ଆଜିର ଯୁଗରେ ଏହା ସମ୍ଭବ କି ଆସନ୍ତୁ ଦେଖିବା ଏହି ରିପୋର୍ଟ ।

ଟିକିଏ ଭଲ ଭାବେ ଦେଖନ୍ତୁ ଏହି ଦୃଶ୍ୟକୁ ଜଣେ ମୃତ ଶିଶୁର ଜୀବନ ଫେରାଇ ଆଣିବା ଲାଗି କେମିତି ଚାଲିଛି ଗୁଣିଆଙ୍କ ଚିକିତ୍ସା । ଭୋଲାନାଥଙ୍କ ନାମ ସ୍ମରଣ କରି କେମିତି ମୃତ ଶିଶୁଟିକୁ ମୁଣ୍ଡ ଉପରେ ରଖି ଘିରି ଘିରି ହୋଇ ବୁଲୁଛି ଗୁଣିଆ । ଅନେକ ସମୟ ଧରି ଏମିତି ବୁଲିବା ପରେ ଗୁଣିଆ ମନ୍ତ୍ର ପାଠ କରୁଛି ଓ ଅନ୍ୟ ମାନେ ମୃତ ଶିଶୁଙ୍କ ହାତ ଗୋଡରେ ଶୋରିଷ ତେଲ ଲଗାଇ ଘଷି ଘଷି ଦେହ ଗରମ କରୁଛନ୍ତି । ଆଉ କିଏ ପୁଣି ମୃତ ଶିଶୁର ପାଟି ଭିତରେ ଫୁଙ୍କି ଫୁଙ୍କି ପବନ ଦେବାକୁ ଚେଷ୍ଟା କରୁଛି ।

ଏପରି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲାରେ । ବାଲିସାଗର ସାହିରେ ରହୁଥିବା ଶଙ୍କର ଓ ରିନା ବିଶ୍ବାସଙ୍କ ଏକ ମାତ୍ର ଦୁଇ ବର୍ଷର ପୁଅ ସମରଦୀପ ଏମ.ଭି.୧୦ ଗ୍ରାମରେ ଥିବା ନିଜ ମାମୁ ଘରକୁ ବୁଲି ଯାଇଥିଲେ । ତେବେ ଛୋଟ ପିଲାଙ୍କ ସହ ନିକଟସ୍ତ ପୋଖରୀକୁ ଚାଲି ଯାଇଥିବା ବେଳେ ସେଠାରେ ପାଣିରେ ବୁଡିଯାଇଥିଲେ ।

ଗାଁ ଲୋକେ ଉଦ୍ଧାର କରି ତୁରନ୍ତ ଜିଲ୍ଲା ସଦର ଚିକିତ୍ସାଳକୁ ନେଇଥିଲେ । ହେଲେ ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ । ଏଥିରେ ପରିବାର ଲୋକଙ୍କ ମନ ମାନିନଥିଲା । ଜଣେ ଗୁଣିଆକୁ ଘରେ ଡାକି ମୃତ ଶିଶୁଟିକୁ ବଞ୍ଚାଇବା ଲାଗି ଆରମ୍ଭ ହୋଇଥିଲା ଉଦ୍ୟମ ।  ହେଲେ ଥରେ ପ୍ରାଣ ହରାଇ ସାରିଥିବା ମଣିଷର ଜୀବନକୁ ଯେ ଆଉ ଫେରାଇ ହେବ ନାହି ତାହାକୁ ସହଜରେ ଗ୍ରହଣ କରିପାରୁ ନଥିଲେ ପରିବାର ଲୋକେ ।

ଏହି ଘଟଣା ଗଟିଥିଲା ରାସ୍ତା ଉପରେ । ଲୋକଙ୍କ ଗହଳି ଭିତରେ ଦିର୍ଘ ସମୟ ଧରି ଗୁଣିଆଙ୍କ ଏପରି ଚିକିତ୍ସା ପରେ ଫଳା ଫଳ ଏଇଆ ହେଲା ଯେ ଗୁଣିଆ ଜଣକ କହିଲେ ମୋର ବିଦ୍ୟା ଫେଲ୍ ମାରିଛି ମୃତ ଶିଶୁଟିକୁ ଆଉ ବଞ୍ଚାଇ ହେବ ନାହିଁ । ବାସ ଗୁଣିଆଙ୍କ ଠାରୁ ଏତିକି କଥା ଶୁଣିବା ପରେ ଘରେ ପଡିଯାଇଥିଲା କାନ୍ଦ ବୋବାଳି ।

ନିଜର ଏକମାତ୍ର ପୁଅକୁ ହାରାଇ ବାପା ମାଆଙ୍କ ଛାତି ଫାଟି ଯାଉଥିବା ବେଳେ । ସଂପର୍କୀୟ ମାନେ ମଧ୍ୟ ଦୁଖଃରେ ଭାଙ୍ଗି ପଡିଥିଲେ । ତେବେ ଏଇଠି ମଧ୍ୟ ପୁଣି ଥରେ ଗୁଣି ଗାରେଡି ଫେଲ୍ ମାରିଥିବା ବେଳେ ଡାକ୍ତିରୀ ବିଦ୍ୟା ହିଁ ପାଶ ହୋଇଛି ।   

ଏଇଠି ଆମେ କାହାକୁ ଦୋଷାରୋପ କରିବାକୁ ଚାହୁଁ ନାହୁଁ । ଆମେ କେବେଳ ଏକିତି କହିବାକୁ ଚାହୁଁଛୁ ଯେ ଧର୍ମ ଓ ଶାସ୍ତ୍ରରେ ସବୁଠି ଉଲ୍ଲେଖ ରହିଛି ଯେ ଜନ୍ମ ହେଲେ  ମୃତ୍ୟୁ ନିଶ୍ଚିତ । ମହାକାଶ ଯାତ୍ରା କରୁଥିବା ଆଜିର ବିଜ୍ଞାନ ମଧ୍ୟ ଏହାକୁ ମାନିଛନ୍ତି । ହେଲେ ଆମ ସମାଜରେ ଏବେବି କାହିଁକି ଏମିତି କୁ ସଂସ୍କାର ଭରି ରହିଛି । କାହିଁକି ଆଧୁନିକ ଯୁଗର ମଣିଷ ଆଜି ମଧ୍ୟ ଅନ୍ଧ ବିଶ୍ବାସ ଛାଡି ବିଜ୍ଞାନକୁ ଗ୍ରହଣ କରିପାରୁନାହିଁ ।

   Related Posts