Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ମୁଣ୍ଡ ଗୁଂଜିବାକୁ ଯେଉଁ ଘର ଥିଲା ତାକୁ ଭାଙ୍ଗିଦେଲା ବାତ୍ୟା : ଏବେ ପୁରା ପରିବାର ରହୁଛନ୍ତି ପାଇଖାନାରେ

16/05/2019 at 3:49 PM

କେନ୍ଦ୍ରାପଡା ୧୬|୫: ବାତ୍ୟା ସବୁ କିଛି ସାରିଦେଲା । ମୁଣ୍ଡ ଗୁଂଜିବାକୁ ଯେଉଁ ଘର ଥିଲା ତାହା ଭାଙ୍ଗିଲା । ଏବେ ପୁରା ପରିବାର ରହୁଛନ୍ତି ପାଇଖାନାରେ । କେନ୍ଦ୍ରାପଡ଼ା ଡେରାବିଶ ରଘୁଦେଇପୁର ଗାଁର କ୍ଷୀରୋଦ ଜେନାଙ୍କ  ପରିବାର ୧୩ ଦିନ ହେବ ରହୁଛନ୍ତି ପାଇଖାନାରେ ।

ପାଇଖାନାରେ ମୁଣ୍ଡ ଗୁଞ୍ଜିଛନ୍ତି  ପୁରା ପରିବାର । ଏଇଠି ପରିବା କଟା, ରୋଷେଇବାସ, ଖିଆ ପିଆ ସବୁ କିଛି ଚାଲିଛି । ଲୁଗା ପଟା, ବାସନ କୁସନ ବି ଥୁଆହୋଇଛି ପାଇଖାନାରେ । ଏଇ ପାଇଖାନା ବି ପାଲଟିଛି ଶୋଇବା ଘର । ଏ ଦେଖିବାକୁ ମିଳିଛି କେନ୍ଦ୍ରାପଡ଼ା  ଡେରାବିଶ ରଘୁଦେଇପୁର ଗାଁରେ |

ଗାଁର କ୍ଷୀରୋଦ ଜେନାଙ୍କ ପରିବାର ପାଇଁ ଏଇ ପାଇଖାନା ଏବେ ସବୁକିଛି । ବାତ୍ୟାରେ ନିଜର ଝାଟିମାଟି ଘରର ଛପର ଉଡ଼ିଗଲା ।  ସ୍ଵଚ୍ଛ ଭାରତ ଯୋଜନାରେ ଯେଉଁ ପାଇଖାନା ଖଣ୍ଡିକ ତିଆରି କରିଥିଲେ ସେଇଟି ଏ ଦୁଃସମୟରେ କାମ ଦେଇଛି । ରାତିରେ ପାଳି କରି ପରିବାରର ସଦସ୍ୟମାନେ ଏହି ଚାଖଣ୍ଡେ ଜାଗାରେ ଶୋଉଛନ୍ତି |

ବାତ୍ୟା କ୍ଷତିଗ୍ରସ୍ତ କ୍ଷୀରୋଦଙ୍କ ପରିବାର କହିଲେ ସ୍ତ୍ରୀ ଏବଂ ୨ ଝିଅ । ବାତ୍ୟା ଦିନ ରାତିରେ ଜୀବନ ବଞ୍ଚାଇବା ପାଇଁ କ୍ଷୀରୋଦଙ୍କ ପରିବାର ନିକଟସ୍ଥ ସ୍କୁଲ ଘରକୁ ଚାଲି ଯାଇଥିଲେ | ବାତ୍ୟା ପରେ ଯେତେବେଳେ ଫେରିଲେ ଦେଖିଲେ ଘରର ଅବସ୍ଥା କିଛି ଏମିତି । ଘରେ ସାଇତି ଥିବା ଧାନ, ମୁଗ ବି ନଷ୍ଟ ହୋଇଯାଇଥିଲା | ଏହି ଗାଁରେ ଅନେକ କ୍ଷୟକ୍ଷତି ହୋଇଥିଲେ ବି ଏଯାଏଁ ପହଞ୍ଚିନି ପ୍ରଶାସନ ।

ଦେଖାଯାଉ ସବୁକିଛି ହରାଇଥିବା କ୍ଷୀରୋଦ ଦୁଃଖ ବୁଝିବାକୁ କେବେ ପ୍ରଶାସନ ରଘୁଦେଇପୁରରେ ପହଞ୍ଚୁଛି ।

   Related Posts