Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ବ୍ଲକ୍ କାର୍ଯ୍ୟାଳୟରେ ପସି ଟେଣ୍ଡରଧାରୀଙ୍କ ଡିଡି ଚିରିବା ଘଟଣା, ଯୁବ ନେତା କରୁଣା ସାଗର ଖଟୁଆ ଗିରଫ
  • ||
  • କରଞ୍ଜିଆ : ନିଆଁ ଲାଗି ଫାଟିଗଲା ଗ୍ୟାସ୍ ସିଲିଣ୍ଡର, ଅଳ୍ପକେ ବର୍ତ୍ତିଲା ପୁରା ପରିବାର
  • ||
  • ଟାଙ୍ଗୀ : ଜୁଆ ଆଡ୍ଡା ଉପରେ ପୋଲିସର ଚଢାଉ, ୮ ଜୁଆଡି ଗିରଫ
  • ||
  • ଭୁବନେଶ୍ବର : ୧୯ ଜିଲ୍ଲା ପାଇଁ ବଜ୍ରପାତ ସତର୍କ ସୂଚନା ଜାରି
  • ||
  • ଭୁବନେଶ୍ବର : ଟୋକିଓ ଅଲିମ୍ପିକ୍ସ : ଓଡିଆ ଖେଳାଳି ବୀରେନ୍ଦ୍ର ଲାକ୍ରାଙ୍କୁ ପୁରୁଷ ହକି ଦଳର ଉପଅଧିନାୟକ ଦାୟିତ୍ବ
  • ||
  • ଗଞ୍ଜାମ : ଟିକା ପ୍ରମାଣପତ୍ର ଲଗାଇବେ ଦୋକାନୀ, ନଚେତ ଖୋଲିପାରିବେନି ଦୋକାନ
  • ||
  • ଭୁବନେଶ୍ବର : ବିଳମ୍ବ ହୋଇପାରେ ପଞ୍ଚାୟତ ନିର୍ବାଚନ- ରାଜ୍ୟ ନିର୍ବାଚନ କମିଶନ ସଚିବ
  • ||
  • ପୁରୀ : ଯୁବଶିଳ୍ପୀଙ୍କ କମାଲ୍, ଆଇସକ୍ରିମ୍ କାଠିରେ ନିର୍ମାଣ କଲେ ମହାପ୍ରଭୁଙ୍କ ଗଜାନନ ବେଶ
  • ||
  • ତେଲକୋଇ : ଦନ୍ତାହାତୀ ଉପଦ୍ରବ, ଗାଁରେ ପସି ଭାଙ୍ଗିଲା ଘର, ଟେକି ନେଲା ଚାଉଳ ବସ୍ତା
  • ||
  • ଖୋର୍ଦ୍ଧା : ଗୋରୁ ଭର୍ତ୍ତି କଣ୍ଟେନର ଜବତ, ୨୦ରୁ ଅଧିକ ଗୋରୁ ଉଦ୍ଧାର, ଜଣେ ଗିରଫ
  • ||

ସାମୁହିକ ଆତ୍ମହତ୍ୟା: ଗୋଟିଏ ପରିବାରର ୪ଜଣ ଏକାଥରେ ଲଗାଇଲେ ଫାସୀ, ଋଣ ବୋଝ ସହିନପାରି ଆତ୍ମହତ୍ୟା କରିଥିବା ସନ୍ଦେହ

19/09/2020 at 1:20 PM

ଜୟପୁର ୧୯/୦୯ : ରାଜସ୍ଥାନ ରାଜଧାନୀ ଜୟପୁର କନୌତା ଥାନା ଅଞ୍ଚଳରେ ସାମୁହିକ ଆତ୍ମହତ୍ୟା ମାମଲା ସାମ୍ନାକୁ ଆସିଛି । ଜୟପୁର ଇତିହାସରେ ଏହିଭଳି ଘଟଣା ପ୍ରଥମଥର ଘଟିଛି । ଗୋଟିଏ ପରିବାର ୪ଜଣ ଏକସଙ୍ଗେ ଫାସୀ ଲଗାଇ ଆତ୍ମହତ୍ୟା କରିଛନ୍ତି । ପରିବାର ମୁଣ୍ଡରେ ଋଣ ବୋଝ ଥିଲା । ପ୍ରତିଦିନ ଲୋକେ ତାଙ୍କୁ ଋଣ ଟଙ୍କା ମାଗିବାକୁ ଯାଉଥିଲେ । ଫଳରେ ପରିବାର ସଦସ୍ୟ ଚିନ୍ତିତ ହୋଇପଡିଥିଲେ । ମୃତକଙ୍କ ପରିବାରର ଗହଣା ବ୍ୟବସାୟ ଥିଲା । ଗତକାଲି ଅପରାହ୍ନ ସମୟରେ ତାଙ୍କ ଘରକୁ ଜଣେ ମହିଳା ଯାଇଥିଲେ । ମହିଳା ତାଙ୍କୁ ବାକି ଟଙ୍କା ମାଗିଥିଲେ ଓ ତାଙ୍କୁ ନାନା ଅପମାନ କରିଥିଲେ ବୋଲି ଜଣାପଡିଛି ।

ସୂଚନା ଅନୁଯାୟୀ, ମୃତକ ପରିବାର ମହିଳାଙ୍କୁ କହିଥିଲେ ଯେ ଘର ଓ ଦୋକାନ ବିକ୍ରି କରିବା ପରେ ତାଙ୍କ ଟଙ୍କା ତାଙ୍କୁ ଫେରସ୍ତ କରିଦେବେ । କିନ୍ତୁ ପରିବାରର ୪ ସଦସ୍ୟ ରାତିରେ ହିଁ ଫାସୀ ଲଗାଇ ଆତ୍ମହତ୍ୟା କରିଦେଇଥିଲେ । ଏମାନଙ୍କ ମଧ୍ୟରୁ ୩ଜଣ ହଲରେ ଓ ଜଣେ କୋଠରୀରେ ପଙ୍ଖାରେ ଫାସୀ ଲଗାଇ ଆତ୍ମହତ୍ୟା କରିଛନ୍ତି । ଦୁଇଜଣଙ୍କ ଗୋଡ ବନ୍ଧା ହୋଇଥିଲା । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏଫଏସଏଲ ଟିମକୁ ଘଟଣାସ୍ଥଳକୁ ଡକାଯାଇଛି | ତେବେ ମୃତକଙ୍କ ଘରୁ କୌଣସି ସୂଇସାଇଡ ନୋଟ ମିଳିନାହିଁ ।

ଜୟପୁର ଅତିରିକ୍ତ ଡିସିପି ମନୋଜ ଚୌଧୁରୀ କହିଛନ୍ତି ଯେ, କନୌତା ଥାନା ଅନ୍ତର୍ଗତ ଯାମରୋଲି ରାଧିକା ବିହାରରେ ଗୋଟିଏ ପରିବାରର ୪ଜଣଙ୍କ ଶବ ତାଙ୍କ ଘରୁ ଉଦ୍ଧାର ହୋଇଛି । ପ୍ରାଥମିକ ଯାଞ୍ଚରେ ଜଣାପଡିଛି  ଯେ ପରିବାର ଅଲବରରେ ରହୁଥିଲେ ଏବଂ ଗତ ୫ ବର୍ଷ ହେଲା ଜୟପୁରରେ ଗହଣା ତିଆରି କାମ କରୁଥିଲା । ତେବେ ଟଙ୍କା ଲେଣଦେଣ ଓ ଋଣ ବୋଝ ଯୋଗୁଁ ପରିବାର ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ପୋଲିସ ଟିମ ମାମଲାର ତଦନ୍ତ ଜାରି ରଖିଛି । ମୃତକଙ୍କ ମଧ୍ୟରେ ପରିବାରର ମୁଖ୍ୟ (୪୫),ତାଙ୍କ ପତ୍ନୀ(୪୧), ଦୁଇ ପୁଅ(୨୩ ୨୦ ବର୍ଷୀୟ) ସାମିଲ ଅଛନ୍ତି ।

   Related Posts