କଳାହାଣ୍ଡି ୨।୧: ମେଡିକାଲରେ ମିଳିଲାନି ମହାପ୍ରୟାଣ ଗାଡି । କାନ୍ଧରେ ଶବ ବୋହି ନେଲେ ମୃତକଙ୍କ ପରିବାରଲୋକ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଭବାନୀପାଟଣା ମୁଖ୍ୟ ଚିକିତ୍ସାଳୟରେ । ମୃତ୍ୟୁର ୪ଘଣ୍ଟା ପରେ ବି ମିଳିଲାନି ମହାପ୍ରୟାଣ ଗାଡି । ଫଳରେ ଶବ ବୋହି ନେଲେ ପରିବାରଲୋକ । ରାସ୍ତାରେ ହସ୍ପିଟାଲ କର୍ତ୍ତୃପକ୍ଷ ମହାପ୍ରୟାଣ ଗାଡି ବ୍ୟବସ୍ଥା କରାଇଦେଇଥିଲେ ବି ମୃତକ ପରିବାର ମନା କରିଦେଇଥିଲେ ।
{"id":205668,"sizeSlug":"large"}
ସୂଚନାଯୋଗ୍ୟ ଯେ, ଗତକାଲି ସନ୍ଧ୍ୟା ୬ଟା ସମୟ ରେ ଭବାନୀପାଟଣା ମୁଖ୍ୟଚିକିତ୍ସାଳୟରେ ଲାଞ୍ଜିଗଡ ଥାନା ବରାପାଲି ଗାଁର ମହିଳା କୁନି ନାଏକଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଥିଲା । ସେହି ସମୟରୁ ମୃତକଙ୍କ ପରିବାରଲୋକ ମହାପ୍ରୟାଣ ଗାଡି ଯୋଗାଇ ଦେବାପାଇଁ ହସ୍ପିଟାଲ କର୍ତ୍ତୃପକ୍ଷଙ୍କୁ ଅନୁରୋଧ କରିଥିଲେ । ମାତ୍ର ରାତି ୧୦ଟା ପର୍ଯ୍ୟନ୍ତ ହସ୍ପିଟାଲ କର୍ତ୍ତୃପକ୍ଷ ମହାପ୍ରୟାଣ ଗାଡି ଯୋଗାଇ ଦେଇ ନଥିଲେ । ଯାହାକୁ ନେଇ ହସ୍ପିଟାଲ ପରିସରରେ ଉତ୍ତେଜନା ଦେଖାଦେଇଥିଲା । ହସ୍ପିଟାଲ ସୁରକ୍ଷାରେ ଥିବା ପୋଲିସ ମୃତକଙ୍କ ପରିବାର ଲୋକଙ୍କୁ ଧମକ ଦେଇଥିବା ମୃତକ ପରିବାର ଅଭିଯୋଗ କରିଛନ୍ତି ।
{"id":205669,"sizeSlug":"large"}
ରାତି ୧୦ଟାରେ ପରିବାର ଶବକୁ କାନ୍ଧରେ ବୋହି ନେଉଥିବା ବେଳେ ହସ୍ପିଟାଲ କର୍ତ୍ତୃପକ୍ଷ ଆମ୍ବୁଲାନ୍ସ ଯୋଗାଇ ଦେଇଥିଲେ । ହେଲେ ମୃତକଙ୍କ ପରିବାରଲୋକ ଆମ୍ବୁଲାନ୍ସରେ ଶବ ନେବାକୁ ମନା କରିଦେଇଥିଲେ । ଏଭଳି ଘଟଣା ସାମ୍ନାକୁ ଆସିବା ପରେ ଭବାନୀପାଟଣା ଉପ-ଜିଲ୍ଲାପାଳ ଓ ଭବାନୀପାଟଣା ଥାନା ଅଧିକାରୀ ଭବାନୀପାଟଣାଠାରୁ ୭କି.ମି. ଦୂର ଭବାନୀପୁର ଗାଁ ନିକଟରେ ଶବ ବୋହି ନେଉଥିବା ମୃତକଙ୍କ ପରିବାର ଲୋକକୁ ବୁଝାସୁଝା କରି ଆମ୍ବୁଲାନ୍ସ ଯୋଗାଇ ଦେଇଛନ୍ତି । ଘଟଣାର ତଦନ୍ତ ପାଇଁ ଉପ-ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।
