Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ଖାଁ ଖାଁ ଲାଗୁଛି ପଞ୍ଚଲିଙ୍ଗେଶ୍ୱର ଶୈବପୀଠ, ମୁଖ୍ୟ ଫାଟକରେ ଝୁଲୁଛି ତାଲା, ଦୁର୍ଦ୍ଦିନରେ ୧୦୦ରୁ ଉର୍ଦ୍ଧ୍ୱ ବ୍ୟବସାୟୀଙ୍କ ପରିବାର

20/09/2020 at 10:01 PM

ନୀଳଗିରି,୨୦/୦୯:  କରୋନାର କରାଳ ରୂପ ପ୍ରତିଫଳିତ ହୋଇଛି ପ୍ରସିଦ୍ଧ ଶୈବପୀଠ ପଂଚଲିଙ୍ଗେଶ୍ୱରରେ। ଆଜକୁ ୭ ମାସ ଧରି ମୁଖ୍ୟ ଫାଟକରେ ତାଲା ଝୁଲୁଥିବା ବେଳେ ପୀଠ ତଳେ ୧୦୦ରୁ ଉର୍ଦ୍ଧ୍ଵ ବ୍ୟବସାୟୀଙ୍କ ପରିବାର ଦୁର୍ଦ୍ଦିନରେ ଗତି କରୁଥିବା ଜଣାପଡିଛି। ବାଲେଶ୍ଵର ଜିଲ୍ଲା ନୀଳଗିରି ଠାରୁ ମାତ୍ର ୮ କିଲୋମିଟର ଦୂରରେ ଦେବଗିରି ପାହାଡ଼ରେ ବିରାଜମାନ ଅଛନ୍ତି ବାବା ପଞ୍ଚଲିଙ୍ଗେଶ୍ୱର ମହାଦେବ। ଝରଣା ଭିତରେ ଥିବା ପାଞ୍ଚଲିଙ୍ଗକୁ ପ୍ରତ୍ୟକ୍ଷ ଠାକୁର ଭାବେ ମାନିଥାନ୍ତି । ରାଜ୍ୟ ତଥା ରାଜ୍ୟ ବାହାରୁ ପର୍ଯ୍ୟଟକ ଙ୍କ ସୁଅ ଛୁଟିଥାଏ ରହି ଶୈବପୀଠ କୁ। ବାବାଙ୍କ ଆଶିଷ ଲାଭ କରିବା ସହିତ ପାହାଡ଼ ପର୍ବତ ଓ ଝରଣା ର ପ୍ରାକୃତିକ ଦୃଶ୍ୟ କୁ ବେଶ ମନଭରି ଉପଭୋଗ କରିଥାନ୍ତି।

ଦୈନନ୍ଦିନ ହଜାର ହଜାର ପର୍ଯ୍ୟଟକ ଆସୁଥିବା ବେଳେ ପୀଠ ତଳେ ବ୍ୟବସାୟୀ ମାନେ ବେଶ ବେପାର ବଣିଜ କରି ନିଜର ପରିବାର ପୋଶନ୍ତି। ୧୦୦ରୁ ଉର୍ଦ୍ଧ୍ଵ ଦୋକାନୀ କିଏ ଫୁଲ ,ବେଲପାତ୍ର,ନଡିଆ କଦଳି ବିକ୍ରି କରିଥାନ୍ତି ତ ଆଉ କିଏ ପଥର ବାସନ ସହ ବିଭିନ୍ନ ମୂର୍ତି ବିକିଥାନ୍ତି। ଖାଲି ସେତିକି ନୁହଁ  ଚା ଦୋକାନ ଠାରୁ ଆରମ୍ଭ କରି ହୋଟେଲ, ଜଳଖିଆ ଦୋକାନ, ଭେରାଇଟି ଷ୍ଟୋର କରି ଚଳିଥାନ୍ତି। ହେଲେ ସମସ୍ତଙ୍କ ଦୋକାନ ବଜାର ବନ୍ଦ କରାଇଦେଇଛି ମହାମାରୀ କରୋନା।

ମାର୍ଚ୍ଚ ମାସ ଠାରୁ ଆଜି ପର୍ଯ୍ୟନ୍ତ ପୀଠର ମୁଖ୍ୟ ଫାଟକରେ କଟକଣା ପାଇଁ ତାଲା ଝୁଲାଇ ଦିଆଯାଇଛି। ପର୍ଯ୍ୟଟକଙ୍କ ଅନୁପସ୍ଥିତରେ ଏବେ ୧୦୦ରୁ ଉର୍ଦ୍ଧ୍ବ ବ୍ୟବସାୟୀଙ୍କ ପରିବାର ଚଳିବା ପାଇଁ ସଂଘର୍ଷ କରୁଛନ୍ତି। ଏପରିକି ଚଳିତ ବର୍ଷ ଶ୍ରାବଣ ମାସର ସୋମବାରରେ କାଉଡ଼ିଆଙ୍କ ଜଳାଭିଷେକ ଧୋଇ ହୋଇଯାଇଛି। ପୂଜା କରି ପୂଜକ ନିଜର ପରିବାର ଚଳାଉ ଥିବାବେଳେ ଭକ୍ତଙ୍କ ବିନା ଏବେ ପରିବାର ଚଳାଇବା କଷ୍ଟକର ବ୍ୟାପାର ହୋଇଛି।

ବାବାଙ୍କ ନୀତିପୂଜା କରି କରୋନା ଭଳି ମହାମାରୀ ସଂସାରରୁ କିପରି ଲୋପ ପାଇବ ଏନେଇ ପୂଜକ ସର୍ବଦା ବାବାଙ୍କୁ ପୂଜାକରି ଜଳାଭିଷେକ କରୁଛନ୍ତି। ତେବେ କେବେ କରୋନା ଲୋପ ପାଇ ପୁଣି ଥରେ ଏହି ପ୍ରସିଦ୍ଧ ପୀଠ ଖୋଲାଯାଇ ସ୍ଵାଭାବିକ ପରିସ୍ଥିତି ଫେରିବ ଏନେଇ ଆଶା ବାନ୍ଧି ସମସ୍ତେ ଅନାଇ ରହିଛନ୍ତି।

   Related Posts