Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ସାର୍ଟିଫିକେଟ୍ ଅସଲି, ଛାତ୍ରୀ ନକଲି : ସହପାଠୀଙ୍କ ସାର୍ଟିଫିକେଟ୍‌ରେ କଲେଜରେ ପାଠ ପଢୁଛନ୍ତି ଫେଲ୍ ଛାତ୍ରୀ

23/10/2019 at 11:51 AM

ବ୍ରହ୍ମପୁର ୨୩।୧୦: ସହପାଠୀଙ୍କ ସାର୍ଟିଫିକେଟ୍ ଓ ମାର୍କସିଟ୍ ରେ ଚଞ୍ଚକତା କରି ଫେଲ୍ ହୋଇଥିବା ଛାତ୍ରୀ କଲେଜରେ ପଢୁଛି ପାଠ । ପାସ୍ ଛାତ୍ରୀଙ୍କ ଅଭିଯୋଗ ପରେ କଲେଜ ଅଧ୍ୟକ୍ଷ ଉଭୟ ଛାତ୍ରୀଙ୍କ ପରିବାର ଲୋକଙ୍କୁ ଡକାଇ ଆଲୋଚନା କରୁଛନ୍ତି ।

ସୂଚନାଯୋଗ୍ୟ ଯେ, ଏଭଳି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା  ସାନଖେମୁଣ୍ଡି ବ୍ଲକ୍ ପାଟପୁର ବିଶ୍ବସରାୟ ବିଜ୍ଞାନ ମହାବିଦ୍ୟାଳୟରେ । ରାମଚନ୍ଦ୍ରପୁର ଗ୍ରାମର ହେଉଛନ୍ତି ଦୁଇ କଲେଜ ଛାତ୍ରୀ । ନକଲି ଛାତ୍ରୀ ହେଲେ ସିମାଞ୍ଚଳ ବରାଡ଼ଙ୍କ ଝିଅ ସୁନିତା ବରାଡ଼ । ଅନ୍ୟ ଜଣେ ଛାତ୍ରୀ ହେଲେ ଲିପ୍ସା ମଣ୍ଡଳ ।

ଲିପ୍ସା ବିଶ୍ବସରାୟ ବିଜ୍ଞାନ ମହାବିଦ୍ୟାଳୟର ଯୁକ୍ତ ଦୁଇ ଛାତ୍ରୀ । ସେ ପାସ୍ କରି ଏକ ବର୍ଷ ହେଲା ପାଠପଢା ଛାଡି ଦେଇଥିଲେ । ଏବେ କଲେଜକୁ ସାର୍ଟିଫିକେଟ୍ ନେବାକୁ ଆସିବା ପରେ  ଜାଣିଲେ ଯେ ତାଙ୍କ ନାଁରେ ତାଙ୍କ ସହପାଠୀ ଅସଲି ସାର୍ଟିଫିକେଟ୍ ମାର୍କସିଟ୍ ମାଗି ନେଇ ଆଧାର କାର୍ଡକୁ ନକଲି କରି ଅନଲାଇନରେ ସେହି କଲେଜରେ ଯୁକ୍ତ ତିନି କଳା ବିଭାଗରେ ଅଧ୍ୟୟନ କରୁଛନ୍ତି । ପୁଣି ଖୋଦ୍  ଲିପ୍ସା ମଣ୍ଡଳଙ୍କ ନାଁରେ ।

ଫଳରେ ସେ କଲେଜ ଅଧ୍ୟକ୍ଷଙ୍କୁ ଲିଖିତ ଅଭିଯୋଗ କରିଥିଲେ । ତାପରେ ଖୋଳତାଡ ଆରମ୍ଭ ହୋଇଥିଲା । ସବୁ କାଗଜ ପତ୍ର ଯାଞ୍ଚ ହେଲା। ତାପରେ ଘଟଣାର ଫର୍ଦ୍ଦାଫାଶ ହୋଇଛି । ନକଲି ଛାତ୍ରୀ ଯୁକ୍ତ ଦୁଇ ଶ୍ରେଣୀରେ ଫେଲ୍ ହୋଇଥିଲେ ପରେ ସହପାଠୀଙ୍କ କାଗଜପତ୍ର ମାଗି ନେଇ ତାକୁ ନ ଜଣାଇ କଲେଜରେ ଯୁକ୍ତ ତିନି କଳା ବିଭାଗରେ ନାମ ଲେଖାଇଥିଲେ ।

ସହପାଠୀଙ୍କ ଅସଲି ଯୁକ୍ତ ଦୁଇ ସାର୍ଟିଫିକେଟ୍, ମାର୍କସିଟ୍,  ଆଧାର କାର୍ଡ଼କୁ ଫଟୋ ବଦଳାଇ ଚଞ୍ଚକତା କରିଛନ୍ତି। ତେବେ ଏବେ ପ୍ରଶ୍ନ ଉଠୁଛି କିଭଳି ଜଣେ ଫେଲ୍ ଛାତ୍ରୀ ଏସବୁ କରିବାକୁ ସାହାସ କଲେ ଏ ଘଟଣାରେ କଲେଜ କର୍ମଚାରୀଙ୍କ ହାତ ରହିଛି ନା ମାଷ୍ଟର ମାଇଣ୍ଡ କିଏ ରହିଛି ତାକୁ ନେଇ ସସପେନ୍ସ ଲାଗି ରହିଛି। ଏ ନେଇ କଲେଜ ଅଧ୍ୟକ୍ଷ ମୁହଁ ଖୋଲିନଥିବାବେଳେ ଘଟଣାର ତଦନ୍ତ ଚାଲିଥିବା କହିଛନ୍ତି ।

ସରକାର ଦିନକୁ ଦିନ ଶିକ୍ଷା ବିଭାଗକୁ ଆଗେଇ ନେବା ପାଇଁ ଅନଲାଇନ ସେବାକୁ ବହୁ ତ୍ୱରାନ୍ୱିତ କରୁଥିବା ବେଳେ କେମିତି ଜଣେ ଫେଲ୍ ଛାତ୍ରୀ ସହପାଠୀଙ୍କ ସରଳତାର ସୁଯୋଗ ନେଇ ଏମିତି ଘଟଣା ଘଟାଇଛନ୍ତି ତାହା ତଦନ୍ତ ପରେ ହିଁ ସ୍ପଷ୍ଟ ହେବ ।

   Related Posts