Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଜାଲ୍ ନୋଟ୍‌ରେ ତେଲ ପକାଇ ଖସିଯିବା ବେଳେ ଧରାପଡିଗଲେ : ୩ ଗିରଫ, ୯୬ ହଜାର ନୋଟ୍ ଜବତ

28/11/2020 at 3:19 PM

ଝାରସୁଗୁଡା ୨୮।୧୧: ଝାରସୁଗୁଡା ଜିଲ୍ଲାରେ ଜାଲ୍ ନୋଟ୍ କାରଖାନା ଠାବ । ୯୬ ହଜାର ୩ଶହ ଟଙ୍କାର ଜାଲ୍ ନୋଟ୍ ଜବତ କରିଛି ପୋଲିସ । ବନହରପାଲି ଥାନା ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ପେଟ୍ରୋଲ ପମ୍ପରେ ବାଇକରେ ତେଲ ଭରିବା ସମୟରେ ନକଲି ଶହେ ଟଙ୍କିଆ ୨ଟି ନୋଟ୍ ଦେବାରୁ ଧରାପଡିଥିଲା ଜାଲ୍ ନୋଟ୍ ।

ସୂଚନା ଅନୁସାରେ ଝାରସୁଗୁଡା ଜିଲ୍ଲା ବନ୍ଧବାହାଲରେ ଥିବା ଏକ ପେଟ୍ରୋଲ ପମ୍ପକୁ ଖଡାମ ଗାଁର ମହମ୍ମଦ ଅଜମାଲ ଶୁକ୍ରବାର ସକାଳ ୧୦ଟାରେ ତେଲ ଭରିବାକୁ ଯାଇ ୨ ଶହ ଟଙ୍କାର ତେଲ ପକାଇଥିଲେ । ସେଠାରେ ସେ ଦୁଇଟି ୧୦୦ ଟଙ୍କିଆ ନକଲି ନୋଟ୍ ଦେଇ ଖସି ପଳାଇବାକୁ ଉଦ୍ୟମ କରୁଥିବା ସମୟରେ କୌଶଳ କ୍ରମେ ପେଟ୍ରୋଲ ପମ୍ପ କର୍ମଚାରୀ ଅଜମାଲକୁ ଅଟକାଇ ମାଲିକଙ୍କୁ ଖବର ଦେଇଥିଲେ । ମାଲିକ ତୁରନ୍ତ ପୋଲିସକୁ ସୂଚନା ଦେବା ପରେ ବନ୍ଧବାହାଲ ଫାଣ୍ଡି ଓ ବନହରପାଲି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଜମାଲକୁ କାବୁ କରି ତଦନ୍ତ ଆରମ୍ଭ କରିଥିଲେ । ଅଟକ ବ୍ୟକ୍ତିଙ୍କୁ ପଚରାଉଚରା ପରେ ସମ୍ବଲପୁର ଜିଲ୍ଲା ବାମରାରେ ଏହି ନୋଟ୍ କାରବାରର ଚେର ଥିବା ଜାଣି ସେଠାରେ ପୋଲିସ ଚଢ଼ାଉ କରିଥିଲା ।

ନକଲି ନୋଟ୍ ଛପାରେ ବ୍ୟବହୃତ କମ୍ପ୍ୟୁଟର, ପ୍ରିଣ୍ଟର, ଜାଲ୍ ନୋଟ୍ ଛପାର ବିଭିନ୍ନ ସାମଗ୍ରୀ ସହ ୯୧୮ଟି ଶହେ ଟଙ୍କିଆ ଓ ୯ଟି ୫ ଶହ ଟଙ୍କିଆ ନୋଟ୍ ଜବତ କରିଛି ପୋଲିସ । ଏହି ମାମଲାରେ ଅଜମାଲ ସହ ଅନ୍ୟ ଦୁଇ ଜଣ ମହମ୍ମଦ ଇରଫାନ, ଇସ୍ତିଫାକ ଅନସାରୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଜିଲ୍ଲା ଏସପି ଏ ନେଇ ଏକ ସାମ୍ବାଦିକ ସମ୍ମିଳନୀ କରି ସୂଚନା ଦଇଛନ୍ତି ।

   Related Posts