Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନକଲି IPS ଅଧିକାରିଣୀଙ୍କ କଳାକାରନାମା: ହୋଟେଲ ରୁମ୍‌ରୁ ପୁଣି ଗିରଫ କଲା ପୋଲିସ୍‌

18/08/2020 at 7:30 PM

ରାଉରକେଲା୧୮/୮:  ନକଲି ଆଇପିଏସ୍ ଅଧିକାରୀ ଶର୍ମିଷ୍ଠା ବେହେରାଙ୍କୁ ଅଟକ ରଖିଛି ଉଦିତ ନଗର ପୋଲିସ୍। ବାସନ୍ତୀ କଲୋନୀର ଏକ ବାଇକ ସୋ ରୁମରେ ନକଲି IPS ଅଧିକାରୀର ପରିଚୟ ପତ୍ର ଦେଇ ବାଇକ ନେଇଥିଲା । ଅଭିଯୋଗ ପରେ ରାଉରକେଲାର ଏକ ହୋଟେଲରୁ ତାକୁ ଗିରଫ କରିଛି ପୋଲିସ । ନକଲି IPS ନାଁ ଶର୍ମିଷ୍ଠା ବେହେରା । ଭୁବନେଶ୍ୱରରେ ଶର୍ମିଷ୍ଠା ବେହେରାଙ୍କ ଘର । ପୂର୍ବରୁ ଭୁବନେଶ୍ୱରରେ ନକଲି   IPS ପରିଚୟପତ୍ର ଦେଖାଇ ଗିରଫ ହୋଇଥିଲେ।

ପୂର୍ବରୁ ମଧ୍ୟ ନିଜକୁ ଆଇପିଏସ ପରିଚୟ ଦେଇ ପୋଲିସ ରିଜର୍ଭକୁ ଫୋନ କରି କନେଷ୍ଟବଳ ସ୍ବାମୀଙ୍କ ଡ୍ୟୁଟି ଚେଞ୍ଜ କରିବାକୁ ଚାପ ପକାଉଥିଲେ । କ୍ୟାପିଟାଲ ଥାନା ପୋଲିସ ଅଭିଯୁକ୍ତକୁ ଅଟକ ରଖି ପଚାରଉଚରା କରିଥିଲା। ସେ ପୋଲିସର ଖାକି ପୋଷାକ ସହ ଆଇପିଏସ ଲୋଗୋ ଲଗାଇଥିଲା। ସିଆରପିସିର ଧାରା ୪୧ରେ ତାକୁ ନୋଟିସ କରି ଅଭିଯୁକ୍ତ ଶର୍ମିଷ୍ଠାକୁ ଛାଡ଼ି ଦିଆଯାଇଥିଲା । ତା ନିକଟରୁ ନକଲି ବର୍ଦ୍ଦି, ବନ୍ଧୁକ ଜବତ କରିଥିଲା ପୋଲିସ ।

   Related Posts