ସୁନ୍ଦରଗଡ ୧୨।୧୦: ସୁନ୍ଦରଗଡ ଜିଲ୍ଲାପାଳଙ୍କ ନାଁ ନକଲି ଫେସବୁକ୍ ଆକାଉଣ୍ଟ ଖୋଲି କେହି ଦୁର୍ବୃତ୍ତ ଲୋକଙ୍କ ପାଖରୁ ଟଙ୍କା ଦାବି କରିଥିବା ଅଭିଯୋଗ ହୋଇଛି । ଜିଲ୍ଲାପାଳ ନିଖିଲ ପବନ କଲ୍ୟାଣଙ୍କ ନାଁରେ ନକଲି ଫେସବୁକ ଆକାଉଣ୍ଟ ଖୋଲି ଏହାର ଦୁରୂପୋଯୋଗ କରାଯାଇଛି । କେବଳ ଏତିକି ନୁହେଁ ଲୋକଙ୍କଠାରୁ ଟଙ୍କା ମଧ୍ୟ ଦାବି କରାଯାଇଛି ।
{"id":169126}ଏଭଳି ଘଟଣା ସାମ୍ନାକୁ ଆସିବା ପରେ ସୁନ୍ଦରଗଡ ଜିଲ୍ଲାପାଳ ତାଙ୍କ ଫେସବୁକ୍ ଆକାଉଣ୍ଟ ବ୍ଲକ୍ କରିବା ଲାଗି ଅନୁରୋଧ କରିଛନ୍ତି । ସେ ଏକ ପୋଷ୍ଟ କରି ଲେଖିଛନ୍ତି ଯେ, ସେ ଏଭଳି କେବେ କାହାରିଠାରୁ ଟଙ୍କା ଦାବି କରିନାହାନ୍ତି । ଲୋକମାନେ ଏଭଳି ଦାବିକୁ ଶୁଣି କୌଣସି ପ୍ରକାର ଟଙ୍କା, ପଇସା ନଦେବା ଲାଗି ସେ ଅନୁରୋଧ କରିଛନ୍ତି ।
ଅଭିଯୋଗ ପରେ ସାଇବର ପୋଲିସ ତଦନ୍ତ ଆରମ୍ଭ କରିଛି । ତେବେ କିଏ ଏଭଳି କରିଛି ତାହା ଜଣାପଡିନାହିଁ ।