ଏଲଆଇସି ଅଫିସରେ ମିଳୁଛି ଜାଲ ସାର୍ଟିଫିକେଟ: ଯାହାର ପର୍ଦ୍ଦାଫାସ କଲା ନ୍ୟୁଜ୍ ସେଭେନ୍
Published By : Prameya-News7 Bureau | December 04, 2018 IST
ପଟାମୁଣ୍ଡାଇ ୪|୧୨: ଜଣେ ଏଲଆଇସି କର୍ମଚାରୀ ଯୋଗାଉଛନ୍ତି ସ୍କୁଲ ଲିଭିଙ୍ଗ ସାର୍ଟିଫିକେଟ୍ , ହେଲଥ ସାର୍ଟିଫିକେଟ୍ , ଫିଟିନେସ୍ ସାର୍ଟିଫିକେଟ୍ ଭଳି ରକମରକମ ସାର୍ଟି ଫିକେଟ୍ । ଏସବୁ ମାତ୍ର ୫୦ କିମ୍ବା ୧୦୦ଟଙ୍କା ଖର୍ଚ୍ଚରେ ଆପଣ ହାସଲ କରିପାରିବେ । କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଏଲଆଇସି ଅଫିସରେ ଜଣେ କର୍ରମଚାରୀ ଏଭଳି ରାକେଟ୍ ଚଳାଇଥିବା ଅଭିଯୋଗ ହୋଇଛି । ଯାହାର ପର୍ଦ୍ଦାଫାସ କରିଛି ନ୍ୟୁଜ୍ ସେଭେନ୍ ଟିମ୍ ।
ଏଲଆଇସି ଅଫିସରେ ମିଳୁଛି ସ୍କୁଲ୍ ଲିଭିଙ୍ଗ୍ ସାର୍ଟିଫିକେଟ୍। କେବଳ ସେତିକି ନୁହେଁ ମାତ୍ର ୫୦ରୁ ୧୦୦ଟଙ୍କା ଦେଲେ କେନ୍ଦ୍ରାପଡା ପଟ୍ଟାମୁଣ୍ଡାଇ ସ୍ଥିତ ଏଲ ଆଇସି ମୁଖ୍ୟାଳୟରୁ ଆପଣ ହେଲଥ୍ ସାର୍ଟିଫିକେଟ୍ , ଫିଟନେସ୍ ସାର୍ଟିଫିକେଟ୍ ଭଳିକି ଭଳି ସାର୍ଟିଫିକେଟ ଚଟାଚଟ ଫଟାଫଟ ମିଳିଯାଉଛି। ଏଭଳି ନକଲି ସାର୍ଟିଫିକେଟ୍ ଯୋଗାଉଥିବା ବ୍ୟକ୍ତି ଜଣକ ପୁଣି ଜଣେ ଅଫିସ କର୍ମଚାରୀ । ଏକ ସରକାରୀ ସଂସ୍ଥାରେ ଏଭଳି ଗୋଲକ ଧନ୍ଧାକୁ ନେଇ ଲୋକେ ପ୍ରଶ୍ନ ଉଠାଇଲେଣି ।
ନୂଆ ପଲିସ୍ କରିବାକୁ ଏହି ଅଫିସ ଆସୁଥିବା ଗ୍ରାହକମାନେ କିଛି ପ୍ରମାଣ ପତ୍ର ନଆଣିଲେ ବି ଚଳିବ । କାରଣ ବାବୁଙ୍କ ପାଖରେ ସବୁକିଛି ଆଭେଲେବଲ । ଗ୍ରାହକଙ୍କୁ ଯୋଗାଇ ଦିଆଯାଉଥିବା ସାର୍ଟିଫିକେଟ୍ ଯାଞ୍ଚ କରିବା ପରେ ଶାଖା ପରିଚାଳକ ମଧ୍ୟ ବଣ୍ଡ ଇସ୍ୟୁ ଠାରୁ ଆରମ୍ଭ କରି ଟଙ୍କା ପାସ ସବୁକିଛି ପାଇଁ ଅନୁମତି ଦେଉଛନ୍ତି । ପ୍ରଶ୍ନ ଉଠୁଛି ଏଭଳି ୪୨୦ କାର୍ଯ୍ୟ ଶାଖା ପରିଚାଳକଙ୍କ ଜାଣତରେ ହେଉନି ତ ?
ସଂସ୍ଥାର କର୍ମଚାରୀ ମାନେ ଗ୍ରାହକଙ୍କୁ ଜାଲ୍ ସାର୍ଟିଫିକେଟ୍ ଯୋଗାଇବା ଭଳି ଗୋଲକ ଧନ୍ଧାରେ ଲିପ୍ତ ରହିବା ନେଇ କର୍ମଚାରୀଙ୍କ ବିଶ୍ବସନୀୟତା ଉପରେ ଉଠିଛି ପ୍ରଶ୍ନ ।