Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ପୁଣି ଭଣ୍ଡ ବାବାର କଳା କାରନାମା : ଆଶୀର୍ବାଦ ଦେବା ଆଳରେ ମହିଳାଙ୍କ ଅଣ୍ଟାରେ ହାତ ମାରୁଥିଲା, ଭାଇରାଲ ହେଲା ଭିଡିଓ

29/12/2018 at 12:05 PM

ଜୟପୁର ୨୯/୧୨ : ଭାରତକୁ ଆସ୍ଥା ଏବଂ ବିଶ୍ୱାସର ଦେଶ ଭାବେ ଗଣନ କରାଯାଏ | ବହୁ ପୁରାତନ କାଳରୁ ଲୋକେ ବାବାମାନଙ୍କ ନିକଟକୁ ନିଜ ସମସ୍ୟାର ସମାଧାନ ପାଇଁ ଯାଇଥାନ୍ତି | ତାଙ୍କର ବିଶ୍ୱାସ ଥାଏ ଯେ, ବାବା ତାଙ୍କ ସମସ୍ୟା ସମାଧାନ ପାଇଁ ସଠିକ ଉପାୟ କହିବେ | କିନ୍ତୁ ସବୁ ବାବା ସମସ୍ୟା ସମାଧାନର ବାଟ ବତେଇନଥାନ୍ତି | ଅନେକ ବାବା ଲୋକଙ୍କ ସରଳତାର ଫାଇଦା ଉଠାଇଥାନ୍ତି | ଆଜି ମଧ୍ୟ ଏମିତି ଅନେକ ଲୋକେ ଅଛନ୍ତି ଯେଉଁମାନେ ଅନ୍ଧ ବିଶ୍ୱାସର ବଶବର୍ତ୍ତୀ ହୋଇ ଭଣ୍ଡ ବାବାଙ୍କୁ ବିଶ୍ଵାସ କରୁଛନ୍ତି | ଭଣ୍ଡ ବାବାଙ୍କ ପାଖକୁ ଯାଇ ଲୋକେ ହଇରାଣ ମଧ୍ୟ ହଉଛନ୍ତି | ସାଧାରଣତଃ ମହିଳାମାନେ ହିଁ ଏମିତି ଭଣ୍ଡ ବାବାଙ୍କ ଜାଲରେ ଫାସିଥାନ୍ତି | ମହିଳାଙ୍କୁ ନିଜ ଜାଲରେ ଫସେଇ ଏହି ଭଣ୍ଡ ବାବାମାନେ ଯୌନ ଲାଳସା ପୂରଣ କରିଥାନ୍ତି | ଏମିତି କେତେ ଭଣ୍ଡ ବାବା ଧରା ପଡି ଜେଲରେ ମଧ୍ୟ ଅଛନ୍ତି ଆଉ କିଛି ଲୋକଙ୍କୁ ଠକିବାରେ ବ୍ୟସ୍ତ | ଲୋକେ ସମ୍ପୂର୍ଣ ସଚେତନ ନହେବା ଯୋଗୁଁ ସମାଜରୁ ଏହି ଭଣ୍ଡ ବାବାଙ୍କ ଶାସନ ସଫା ହେବନାହିଁ |

ନିକଟରେ ଏମିତି ଏକ ଭଣ୍ଡ ବାବାର କଳା କାରନାମା ସାମ୍ନାକୁ ଆସିଛି | ବାବା ମହିଳାମାନଙ୍କ ଅଣ୍ଟାରେ ହାତ ବୁଲାଇ ତାଙ୍କ ଚିକିତ୍ସା କରୁଥିଲେ | ବାବାର ଏହି ଭିଡିଓ ମଧ୍ୟ ଭାଇରାଲ ହୋଇଛି | ଏହି ବାବା ମହିଳାଙ୍କ ସହ ଅଶ୍ଳୀଳ କାରନାମା କରୁଥିବା ଭିଡିଓ ସୋସିଆଲ ମିଡ଼ିଆରେ ଘୁରି ବୁଲୁଛି |

ଭିଡିଓରେ କ’ଣ ଅଛି ଜାଣନ୍ତୁ: ପ୍ରଥମେ ଜଣେ ମହିଳା ଆସି ବାବାଙ୍କ ଗୋଡ ଧରି ତାଙ୍କୁ ପ୍ରଣାମ କରିଛନ୍ତି | ପ୍ରଣାମ କରିବା ପରେ ବାବା ମହିଳାଙ୍କ ମୁଣ୍ଡ ଉପରେ କିଛି ସମୟ ପାଇଁ ହାତ ରଖିଥାଏ | ଏହାପରେ ଭଣ୍ଡ ବାବା ମହିଳାଙ୍କ ମୁହଁ ବୁଲେଇବାକୁ କହିଥାଏ | ମହିଳା ମୁହଁ ବୁଲେଇ ବାବାକୁ ପଛ କରିବା ପରେ ବାବା ମହିଳାଙ୍କ ଅଣ୍ଟାରେ ହାତ ମାରିଥାଏ | ମହିଳା ଏହାପରେ ପୁଣିଥରେ ବାବାକୁ ପ୍ରଣାମ କରି ଚାଲିଯାଇଥାଏ | ବାବା କୌଣସି କୌଣସି ରୋଗର ଚିକିତ୍ସା ମଧ୍ୟ କରିଥାଏ | ରୋଗର ଚିକିତ୍ସା କଲାବେଳେ କେହି ଜଣେ ବାବାର ଏହି ଭିଡିଓ ରେକର୍ଡିଙ୍ଗ କରି ସେହି ଭିଡିଓକୁ ସୋସିଆଲ ମିଡ଼ିଆରେ ଭାଇରାଲ କରିଛନ୍ତି | ତେବେ ଭିଡିଓ ଦେଖି କେହି କେହି ବାବାକୁ ନିନ୍ଦା କଲାବେଳେ କେହି କେହି ବାବାଙ୍କ ଚିକିତ୍ସା ନେଇ ପ୍ରଶଂସା ମଧ୍ୟ କରିଛନ୍ତି |

   Related Posts