Wednesday, September 18, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏକତରଫା ପ୍ରେମକରି ପ୍ରେମିକର ନରକୀୟ କାଣ୍ଡ, ଯୁବତୀଙ୍କୁ ପୋଡି ହତ୍ୟା ଉଦ୍ୟମ

ବାସୁଦେବପୁର ୨୧।୮– ଏକତରଫା ପ୍ରେମ କରି ପ୍ରେମିକର ନରକୀୟ କାଣ୍ଡ , ପ୍ରେମ କରୁଥିବା ଯୁବତୀଙ୍କୁ ପେଟ୍ରୋଲ ଢାଳି ହତ୍ୟା ଉଦ୍ୟମ କରିଛି । ଏହି ଘଟଣା ବାସୁଦେବପୁର ନୂଆ ଗାଁ ଅଞ୍ଚଳରେ ଦେଖିବାକୁ ମିଳିଛି ।
ସିଦ୍ଧାର୍ଥ ମଳିକନାମକ ଯୁବକ ସେହି ଗ୍ରାମର ଜଣେ ଯୁବତୀଙ୍କୁ ଏକ ତରଫା ପ୍ରେମ କରୁଥିଲା । ବାରମ୍ବାର ପ୍ରେମ ନିବେଦନ କରି ବିଫଳ ହେବା ପରେ ବୁଧବାର ସନ୍ଧ୍ୟା ସମୟରେ ଯୁବତୀଙ୍କୁ ଏକୁଟିଆ ପାଇ ପ୍ରେମ ନିବେଦନ କରିଥିଲା । ମାତ୍ର ସେ ଏଥିରେ ଅରାଜି ହେବାରୁ ଏକ ମଟର ସାଇକେଲରୁ ପେଟ୍ରୋଲ କାଢି ଯୁବତୀଙ୍କୁ ପୋଡି ହତ୍ୟା ଉଦ୍ୟମ କରିଛି ।

ଏହାପରେ ଅଭିଯୁକ୍ତ ସିଦ୍ଧାର୍ଥ ଫେରାର ହୋଇଯାଇଛି । ଯୁବତୀଙ୍କ ଶରୀରର ଅଧିକାଂଶ ଅଂଶ ପୋଡିଯାଇଛି । ପୋଡିଯାଇଥିବା ଯୁବତୀଙ୍କ ପିତା ବୁଦ୍ଧିରାମ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି । ଗୁରୁତର ଯୁବତୀଙ୍କୁ ପ୍ରଥମେ ବାସୁଦେବପୁର ପରେ କଟକ ମେଡିକାଲକୁ ଚିକିତ୍ସାପାଇଁ ସ୍ଥାନାନ୍ତର କରାଯାଇଛି ।

452 Views

   ସମ୍ବନ୍ଧିତ ଖବର