Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

‘ମୋ ସ୍ୱାମୀ ସିରିୟସ୍, ଦିନକୁ ୬୦ ହଜାର ଦରକାର’ : ସମ୍ବେଦନଶୀଳତାର ଫାଇଦା ଉଠାଉଛନ୍ତି କିଛି ଲୋକ, ଠକିବାକୁ ନୂଆ ଚାଲ୍

15/06/2021 at 8:21 AM

ଭୁବନେଶ୍ୱର,୧୫/୦୬: ମୋ ସ୍ୱାମୀଙ୍କ ଅବସ୍ଥା ସଙ୍କଟାପନ୍ନ । କୋଭିଡ୍‌ରୁ ସୁସ୍ଥ ପରେ ତାଙ୍କର ଫୁସଫୁସ୍‌ର ଅନେକାଂଶ ନଷ୍ଟ ହୋଇଯାଇଛି । ଏକ ଘରୋଇ ହସ୍ପିଟାଲରେ ତାଙ୍କର ଚିକିତ୍ସା ଚାଲିଛି । ସେ ଭେଣ୍ଟିଲେଟର ଅଛନ୍ତି ଓ ଡାଏଲିସିସ୍‌ ବି ଚାଲିଛି । ତାଙ୍କ ଚିକିତ୍ସା ପାଇଁ ଦିନକୁ ୬୦ହଜାର ଟଙ୍କା ଖର୍ଚ୍ଚ ହେଉଛି । ସେ ଭଲ ହେବାକୁ ୪୦ଲକ୍ଷ ଟଙ୍କା ଦରକାର । ପ୍ଲିଜ୍‌ ତାଙ୍କୁ ସହାୟତା ଯୋଗାନ୍ତୁ । ଚିକିତ୍ସା ପାଇଁ ଫଣ୍ଡ୍‌ ରେଜିଂ ବା କ୍ରାଉଡ୍‌ ଫଣ୍ଡିଂ ଆବେଦନ ପାଇଁ ଥିବା କେଟୋ ୱେବସାଇଟ୍‌ରୁ ମୋବାଇଲ୍‌ରୁ ମୋବାଇଲକୁ ଘୁରି ବୁଲୁଛି ଜଣେ ସ୍ତ୍ରୀଙ୍କ ଏଭଳି କୋହଭରା ନିବେଦନ । ଏପଟେ ବଦାନ୍ୟ ବ୍ୟକ୍ତିମାନେ ସଂପୃକ୍ତ ମହିଳାଙ୍କ ଆକାଉଣ୍ଟକୁ ଟଙ୍କା ଜମା କରିଚାଲିଛନ୍ତି । ରିପୋର୍ଟ ଲେଖାହେବା ପର୍ଯ୍ୟନ୍ତ ପାଖାପାଖି ୫ଲକ୍ଷ ଟଙ୍କା ଆଦାୟ ସରିଲାଣି । କିନ୍ତୁ ହସ୍ପିଟାଲରୁ ଅନୁସନ୍ଧାନ ପରେ ଏଭଳି ଆର୍ଥିକ ଆବଶ୍ୟକତା ନିବେଦନ ଅର୍ଦ୍ଧସତ୍ୟ ବୋଲି ଜାଣିବାକୁ ମିଳିଛି । ମହାମାରୀ ସମୟରେ ଲୋକଙ୍କୁ ସମ୍ବେଦନଶୀଳତାର ଫାଇଦା ଉଠାଇ ଅନେକ ଲୋକଙ୍କ ସହାନୂଭୂତି ସାଉଁଟିବାକୁ ଚାହୁଁଛନ୍ତି । ଆଉ କିଛି ଠକ ମଧ୍ୟ ସକ୍ରିୟ ହୋଇ ଏଭଳି ଉପାୟ ଆପଣାଇଲେଣି ।

ଯେଉଁ ଲୋକଙ୍କ ଚିକିତ୍ସା ପାଇଁ ଟଙ୍କା ଆବଶ୍ୟକ ବୋଲି ଅପିଲ୍‌ କରାଯାଉଛି ସେ ଏକ ପ୍ରତିଷ୍ଠିତ ଘରୋଇ ହସ୍ପିଟାଲରେ ଭେଣ୍ଟିଲେଟରରେ ଅଛନ୍ତି । ତାଙ୍କର ଡାଏଲିସିସ୍‌ ବି ଚାଲିଛି । ହସ୍ପିଟାଲରେ ଅନୁସନ୍ଧାନରୁ ଜଣାପଡିଛି, ଉକ୍ତ ବ୍ୟକ୍ତିଙ୍କ ଚିକିତ୍ସା ପାଇଁ ଦିନକୁ ଅତିବେଶିରେ ଆଇସିୟୁ ଓ ଡାଏଲିସିସ୍‌ ସହିତ ୨୦ରୁ ୨୫ ହଜାର ଟଙ୍କା ଖର୍ଚ୍ଚ ହେଉଛି । କିନ୍ତୁ ସେ କେଟୋ ୱେବସାଇଟ୍‌ରେ ତାଙ୍କର ୬୦ହଜାର ଟଙ୍କା ଖର୍ଚ୍ଚ ହେଉଛି ବୋଲି ତାଙ୍କ ସ୍ତ୍ରୀ ଦର୍ଶାଇଛନ୍ତି ।

ସେହିଭଳି ଚିକିତ୍ସା ପାଇଁ ୪୦ଲକ୍ଷ ଟଙ୍କା ଆବଶ୍ୟକ ବୋଲି ହସ୍ପିଟାଲ ପକ୍ଷରୁ ଆଦୌ ଆକଳନ କରାଯାଇନଥିବା ସ୍ପଷ୍ଟ କରାଯାଇଛି । କିନ୍ତୁ ଚିକିତ୍ସା ପାଇଁ ୪୦ଲକ୍ଷ ଟଙ୍କାରୁ ଅଧିକ ଟଙ୍କା ଆବଶ୍ୟକ ପଡୁଛି । ଏଥିପାଇଁ ୨୫ଲକ୍ଷ ଟଙ୍କା ତୁରନ୍ତ ଦରକାର ବୋଲି ଅନୁରୋଧ କରାଯାଇଛି । ଏଥିପାଇଁ ଲୋକଙ୍କଠାରୁ ସହାୟତା ମାଗି ଟଙ୍କା ଦେବାକୁ ନିବେଦନ ହୋଇଛି । ଏହି ପୋଷ୍ଟ୍‌ ପଢି ବର୍ତ୍ତମାନସୁଦ୍ଧା ପ୍ରାୟ ବିଭିନ୍ନ ବଦାନ୍ୟ ଲୋକଙ୍କଠାରୁ ପ୍ରାୟ ୫ଲକ୍ଷ ଟଙ୍କା ଆଦାୟ ହୋଇ ସାରିଲାଣି ।

ଚିକିତ୍ସା ପାଇଁ ଅର୍ଥ ଆବଶ୍ୟକ । ଯାହାର ସମ୍ବଳ ନାହିଁ ସେ ଅର୍ଥ ଯୋଗାଡ କରି ଚିକିତ୍ସା କରିବା ସମ୍ଭବ ନୁହେଁ । ଅର୍ଥ ଅଭାବରୁ ଅନେକ ଲୋକେ ଆଖି ବୁଜି ଦେଉଛନ୍ତି । କିନ୍ତୁ ଲୋକଙ୍କ ସହାୟତା ପାଇବା ଆଳରେ ଅନେକ କ୍ଷେତ୍ରରେ ମିଛକୁ ସତ କରି ଦେଖାଯାଉଛି । ସହାୟତା ମାଗିବା କିଛି ପାପ ନୁହେଁ, ହେଲେ ସହାୟତା ଆଶାରେ ମିଛର ସାହାରା ନେବା ଅକ୍ଷମଣୀୟ ବୋଲି ଲୋକଙ୍କ ପାଇଁ ଫଣ୍ଡ ରେଜିଂ କରୁଥିବା କୈଳାସ ଦାସ କହିଛନ୍ତି ।

ଏବେ କୋଭିଡ୍‌ ସମୟରେ ବ୍ୟୟବହୁଳ ଚିକିତ୍ସା ପାଇଁ ଅନେକ ଲୋକଙ୍କର ଅର୍ଥ ଆବଶ୍ୟକ ପଡୁଛି । କିନ୍ତୁ କିଛି ଲୋକ ଉଦ୍ଦେଶ୍ୟମୂଳକ ଭାବେ ଟଙ୍କା କମାଇବା ଉଦ୍ଦେଶ୍ୟରେ ଫଣ୍ଡ୍‌ ରେଜିଂ କାରସାଦି ବି ଚଳାଇଲେଣି । ଏବେ ‘କେଟୋ’ ୱେବସାଇଟ୍‌, ‘ମିଲାପ୍‌’ ଅନଲାଇନ୍‌ କ୍ରାଉଡ୍‌ ଫଣ୍ଡିଂ ପ୍ଲାଟଫର୍ମରେ ଠକେଇ ଆଶଙ୍କା ବି ବଢିଲାଣି । ଲୋକେ ସହାୟତା ଦେବା ସମୟରେ ଠିକ୍‌ରେ ଯାଞ୍ଚ କରି ଓ ହସ୍ପିଟାଲ କର୍ତ୍ତୃପକ୍ଷଙ୍କଠାରୁ ସୂଚନା ନିଅନ୍ତୁ ବୋଲି ଶ୍ରୀ ଦାସ କହିଛନ୍ତି ।

   Related Posts