Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ପାକିସ୍ତାନ ବାୟୁସେନାର ଏଫ୍-୧୬ କାହିଁକି ପଛକୁ ହଟିଯାଇଥିଲା ; ଏହା ପଛରେ କଣ ଥିଲା ପାକିସ୍ତାନର ରଣନୀତି, ଜାଣନ୍ତୁ

28/02/2019 at 10:53 AM

ନୂଆଦିଲ୍ଲୀ ୨୮|୨: ପାକ୍ ଅଧିକୃତ କାଶ୍ମୀରରେ ଜୈସ୍-ଏ-ମହମ୍ମଦର ଠିକଣାରେ ଭାରତୀୟ ବାୟୁସେନାର ବମ୍ ଆଟାକ୍ କୁ ରୋକିବାକୁ ଆସିଥିବା ପାକିସ୍ତାନୀ ବାୟୁସେନାର ଆମେରିକା ନିର୍ମିତ ଏଫ୍-୧୬ ବିମାନ ଭାରତର ମିରାଜ ୨୦୦୦କୁ ଡରି ପଛକୁ ହଟିନଥିଲା । ବରଂ ପୃଥ୍ବୀ ଏବଂ ଅଗ୍ନୀ ମିଜାଇଲ କାରଣକୁ ପଛକୁ ହଟିଥିଲା । ଯଦି ଏଫ୍-୧୬ ପଛକୁ ହଟିନଥାନ୍ତା ତେବେ ଭାରତର ପୃଥ୍ବୀ ଏବଂ ଅଗ୍ନି-୧ ମିଜାଇଲ ପିଓକେ (ପାକ୍ ଅଧିକୃତ କାଶ୍ମୀର) ର ସେହି ଏୟାରପୋର୍ଟକୁ ଧ୍ବଂସ କରିଦେଇଥାନ୍ତେ ଯେଉଁଠାରୁ ଏଫ୍-୧୬ ଉଡାଣ ଭରିଥିଲା । ଏହା ବ୍ୟତୀତ ପାଠନକୋଟ୍ ଏବଂ କାଶ୍ମୀରର ଶ୍ରୀନଗର ଏୟାରପୋର୍ଟରେ ମିଗ୍ ୨୯ ଏବଂ ସୁଖୋଇ ୩୧ ଏମକେଆଇ ଲଢୁଆ ବିମାନ ଇଞ୍ଜିନ ଚାଲୁକରି ଉଡାଣ ଭରିବା ପାଇଁ ପ୍ରସ୍ତୁତ ରହିଥିଲେ । ସେମାନଙ୍କର ମୁକାବିଲା କରିବା ପାଇଁ ପାକିସ୍ତାନ ବାୟୁସେନା ପକ୍ଷରେ ସମ୍ଭବପର ନଥିଲା । ଫଳରେ ପାକିସ୍ତାନୀ ବିମାନ ଏଫ୍-୧୬ ପଛକୁ ହଟିଯାଇଥିଲା ।

ସୂତ୍ର ଅନୁସାରେ ଏହା କହିବା ଭୁଲ ହେବ ଯେ, ପାକିସ୍ତାନୀ ବାୟୁସେନାର ଏଫ୍-୧୬ ବିମାନ ଭାରତୀୟ ମିରାଜ ବିମାନ କାରଣରୁ ପଛକୁ ହଟିଯାଇଥିଲା । ବାୟୁସେନା ଯୁଦ୍ଧରେ ପାକିସ୍ତାନୀ ବିମାନଏଫ୍-୧୬ ଭାରତୀୟ ବିମାନ ମିରାଜ ଉପରେ ଭାରି ପଡିଥାଆନ୍ତା । କାରଣ ୮୦ଦଶକରେ ଆମେରିକା ପାକିସ୍ତାନକୁ ଭାରତୀୟ ବାୟୁସେନାରେ ସାମିଲ ମିରାଜ ୨୦୦୦ ସହ ମୁକାବିଲା ପାଇଁ ଏଫ-୧୬କୁ ଦେଇଥିଲା । ଏଫ୍-୧୬କୁ ଆମେରିକା ବାୟୁସେନା ଆଜି ମଧ୍ୟ ବ୍ୟବହାର କରୁଛି । ଏହି ବିମାନ ଏବେବି ମଜଭୁତ ରହିଛି । ଏହାର ମୁକାବିଲା ପାଇଁ ଭାରତ ଋଶ୍ ଠାରୁ ମିଗ୍-୨୯ ଏବଂ ସୁଖୋଇ ୩୧ ଏମକେଆଇ କ୍ରୟ କରିଥିଲା । ଏହି ଋଶ ବିମାନ ସହ ଲଢିବା ପାଇଁ ପାକିସ୍ତାନ ବାୟୁସେନା କେବେଠାରୁ ଆମେରିକାଠାରୁ ଏଫ୍-୧୮ ମାଗୁଛି । ମାତ୍ର ଆମେରିକା ପାକିସ୍ତାନକୁ ତାହା ଦେଇନାହିଁ ।

ସୂତ୍ର ଅନୁସାରେ ଯେତେବେଳେ ଭାରତୀୟ ବାୟୁସେନାର ମିରାଜ ୨୦୦୦ ପାକିସ୍ତାନ ବାୟୁସୀମାରେ ପସିଥିଲା ସେତେବେଳେ ପାକିସ୍ତାନ ବାୟୁସେନା ତାଙ୍କୁ ତଡିବା ପାଇଁ ଏଫ୍-୧୬ ପଠାଇଥିଲେ ।  ବିମାନର ମୁକାବିଲା କରିବା ପୂର୍ବରୁ ହିଁ ପାକିସ୍ତାନ ବାୟୁସେନା ତାହାକୁ ଆମେରିକୀୟ ଆଓିବାକ୍ସ ଦ୍ବାରା ପଠାନକୋଟ୍ ଏବଂ ଶ୍ରୀନଗର ଏୟାରପୋର୍ଟରେ ଉଡାଣ ଭରିବା ପାଇଁ ପ୍ରସ୍ତୁତ ଥିବା ମିଗ୍ ୨୯ ଏବଂ ସୁଖୋଇ ୩୧ ଏମକେଆଇ ସୂଚନା ପାଇସାରିଥିଲା । ଏହି ଦୁଇ ବିମାନ ଏଫ୍-୧୬କୁ ଗୋଟିଏ ମିନିଟ୍ ରେ ଶେଷ କରିଦେଇଥାନ୍ତେ । ଅଓ୍ବାକ୍ସ ହିଁ ପାକିସ୍ତାନୀ ବାୟୁସେନାକୁ ଏହି ଖବର ଦେଇଥିଲା । ଅଓ୍ବାକ୍ସ କହିଥିଲା ଯଦି ଏଫ୍-୧୬ ଉଡାଣ ଭରିବ ତେବେ ଭାରତୀୟ ବାୟୁସେନାର ଅଗ୍ନି ଓ ପୃଥ୍ବୀ ସେହି ଏୟାରପୋର୍ଟକୁ ଉଡାଇଦେବେ ଯେଉଁଠାରୁ ସେ ଉଡାଣ ଭରିଥିବ ।

ପୃଥ୍ବୀ ମୁଜାଫରାବାଦ ଏୟାରପୋର୍ଟ ଏବଂ ଅଗ୍ନି ପାକ୍ ଅଧିକୃତ କାଶ୍ମୀର ସହ ଲାଗି ଥିବା ପାକିସ୍ତାନର ସେହି ୪ଟି ଏୟାରପୋର୍ଟକୁ ଧ୍ବଂସ କରିଦେବ ଯାହାର ବ୍ୟବହାର ପାକିସ୍ତାନ ବାୟୁସେନା କାସ୍ମୀର ସୀମା ସହ ପଞ୍ଜାବ ସୀମାର ରକ୍ଷା କରିବା ପାଇଁ ବ୍ୟବହାର କରିଥାଏ । କାରମ ପାକିସ୍ତାନ ନିକଟରେ ଏଫ୍-୧୬ ଅଧିକ ରହିନାହିଁ । ଏଥିପାଇଁ ପାକିସ୍ତାନ ବାୟୁସେନା ତାର ବିମାନକୁ ପଛକୁ ହଟାଇ ନେଇଥିଲେ ।

ଆମେରିକା ସହ ମିଳୁଥିବା ଅଓ୍ବାକ୍ସ ବାୟୁସୀମାରେ ହେବାକୁ ଥିବା ହମଲା ସଂପର୍କରେ ଚେତାବନୀ ଦେଉତିବା ଏଭଳି ସିଷ୍ଟମ, ଯାହା ୪୦୦କିଲୋମିଟର ପରିସୀମାରେ ଏହା ସୂଚନା ପାଇପାରେ ଯେ କେଉଁ ବିମାନ ଏବଂ ମିଜାଇଲ ବାୟୁସୀମାରେ ଆକ୍ରମଣ ପାଇଁ ପ୍ରସ୍ତୁତ ରହିଛି ।

   Related Posts