Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ପ୍ରବଳ ଜାଡରେ ଥରୁଛି ଓଡିଶା: ଦାରିଙ୍ଗବାଡିରେ ପାରଦ ୨ ଡିଗ୍ରୀ, ତୁଷାରପାତର ମଜା ନେଉଛନ୍ତି ପର୍ଯ୍ୟଟକ

29/12/2018 at 4:54 PM

ଦାରିଙ୍ଗବାଡି ୨୯/୧୨ : ଆଜି ଫୁଲବାଣୀ ସମେତ ସମଗ୍ର କନ୍ଧମାଳ ଜିଲ୍ଲାରେ ଶୀତର ଲହରୀ ଜାରି ରହିଛି। ଗତ ଦୁଇଦିନ ହେଲା ପାଗ ମେଘୁଆ ଯୋଗୁଁ ଥଣ୍ଡା କମିଯାଇଥିଲା । ହେଲେ ଗତକାଲି ରାତିଠୁ ପ୍ରବଳ ଶୀତ ଅନୁଭୁତ ହେଉଛି। ଓଡିଶାର କାଶ୍ମିର କୁହାଯାଉଥିବା ଦାରିଙ୍ଗବାଡିର ସ୍ଥାନେ ସ୍ଥାନେ ତୁଷାରପାତ ହୋଇଥିବା ଦେଖିବାକୁ ମିଳିଛି। ସେହିଭଳି ଫୁଲବାଣୀ ସହରରେ ମଧ୍ୟ ପ୍ରବଳ ଥଣ୍ଡା ଅନୁଭୁତ ହେଉଛି।

ଆଜି ଫୁଲବାଣୀ ସହରରେ ତାପମାତ୍ରା ୨ ଡିଗ୍ରୀ ସେଲସିୟସ ରହିଥିବାବେଳେ ଦାରିଙ୍ଗବାଡିରେ ତାପମାତ୍ରା ୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ଜିଲ୍ଲାର ଆଭ୍ୟନ୍ତରୀଣ ଅଂଚଳରେ ତାପମାତ୍ରା ୩ ରୁ ୪ ଡିଗ୍ରୀ ସେଲସିୟସ ରହୁଛି। ଥଣ୍ଡାକୁ ଖାତିର ନକରି ପର୍ଯୟଟକ ମାନେ ବହୁଂଖ୍ୟାରେ ଫୁଲବାଣୀ ଓ ଦାରିଙ୍ଗବାଡି ଅଂଚଳକୁ ଆସି ଥଣ୍ଡାର ବେଶ୍ ମଜା ଉଠାଉଛନ୍ତି । ଏହି ଥଣ୍ଡା ଆଗାମୀ ୩୧ ତାରିଖ ପର୍ଯ୍ୟନ୍ତ ରହିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି । ତା’ସାଙ୍ଗକୁ ଘନ କୁହୁଡି ଓ କାକର ସକାଳ ୯ ଟା ଯାଏଁ ରହୁଛି। ମୁହଁକୁ ମୁହଁ ଦିଶୁନି।


ସେହିପରି ସନ୍ଧ୍ୟା ହେଲେ ପୁଣି ଥଣ୍ଡା ବଢିଯାଉଛି। ଫଳରେ ଦୋକାନ ବଜାର ଖାଁ ଖାଁ ହେବା ସହ ରାସ୍ତାଘାଟ ଜନଶୁନ୍ୟ ହୋଇପଡୁଛି। କି ବୁଢା କି ପିଲା ସମସ୍ତେ ଦିନସାରା ନିଆଁ ଜାଳି ନିଆଁ ପାଖରେ ବସି ରହୁଛନ୍ତି । କାମଧନ୍ଦା କରିବାକୁ ମଧ୍ୟ ଯାଇପାରୁ ନାହାନ୍ତି ଲୋକେ। ବିଶେଷ କରି ବୟସ୍କ ମାନେ ବହୁ କଷ୍ଟ ପାଉଛଉ ।


ଶୀତ ଯତେ ବଢୁଛି ଏବେ ପର୍ଯୟଟକଙ୍କ ସଂଖ୍ୟା ମଧ୍ୟ ଜିଲ୍ଲାକୁ ବଢିବାରେ ଲାଗିଛି। ଥଣ୍ଡାର ମଜା ନେବା ସହ ମନୋରମ ପ୍ରାକୃତିକ ପରିବେଶ ଉପଭୋଗ କରିବା ପାଇଁ ଦେଶୀ ଓ ବିଦେଶୀ ପର୍ଯୟଟକ ମାନଙ୍କ ସୁଅ ଛୁଟିଛି ଜିଲ୍ଲାକୁ। ଏହି ଶୀତ କାହାପାଇଁ ଖୁସି ଆଣିଦେଇଥିବା ବେଳେ କାହା ପାଇଁ ଆଣି ଦେଇଛି ଦୁଖ।

   Related Posts