ଖୋର୍ଦ୍ଧା ୧୭।୮: ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ୍ କଣ୍ଟାବାଡ଼ ମକୁନ୍ଦପୁର ଗାଁରେ ଦିନକ ପୂର୍ବରୁ ବାଣ ବିସ୍ଫୋରଣ ଘଟିଥିଲା । ଉକ୍ତ ଗାଁରେ ବେଆଇନି ଭାବେ ବାଣ ତିଆରି ହେଉଥିଲେ ମଧ୍ୟ ଏଥିପ୍ରତି ପ୍ରଶାସନର ଦୃଷ୍ଟି ପଡୁନଥିଲା ।
ତେବେ ମକୁନ୍ଦପୁର ଗାଁରେ ବିସ୍ଫୋରଣ ପରେ ପ୍ରଶାସନ ତତ୍ପର ହୋଇଉଠିଛି । ଆଉ ବାଘମାରୀ ପୋଲିସ ବେଗୁନିଆ ବ୍ଲକର ଲେଖନପୁର ଗାଁରେ ଚଢ଼ାଉ କରି ବିପୁଳ ପରିମାଣର ବିସ୍ଫୋରକ ସହ ବାଣ ଜବତ କରିଛି । ଏହାସହ ଜଣକୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣକ ଉକ୍ତ ଗ୍ରାମର ଲକ୍ଷ୍ମୀଧର ସାମଲ ବୋଲି ବାଘମାରୀ ପୋଲିସ ସୂଚନା ଦେଇଛି ।