ପୁଲଓ୍ବାମା ୧୩|୨: ଜାମ୍ମୁକାଶ୍ମୀର ପୁଲଓ୍ବାମା ଜିଲ୍ଲାରେ ଏକ ସ୍କୁଲରେ ବିସ୍ଫୋରଣ ହୋଇଛି । କାକପୋରା ସ୍ଥିତ ଘରୋଇ ସ୍କୁଲରେ ବିସ୍ଫୋରଣ ହୋଇଛି । ବିସ୍ଫୋରଣରେ ସ୍କୁଲର ୧୦ଶ୍ରେଣୀର ୧୦ଜଣ ଛାତ୍ର ଆହତ ହୋଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସ୍କୁଲକୁ ଖାଲି କରିଦିଆଯାଇଛି ।
ଆହତ ଛାତ୍ରମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବିସ୍ଫୋରଣ ପରେ ଛାତ୍ରଛାତ୍ରୀ ଏବଂ ଅଭିଭାବକ ଭୟରେ ରହିଛନ୍ତି । ବିସ୍ଫୋରଣ କାରଣ ସ୍ପଷ୍ଟ ଜଣାପଡିନାହିଁ ।
ସୂଚନା ଅନୁସାରେ ଏକ ଘରୋଇ ସ୍କୁଲରେ ଏକ୍ସଟ୍ରା କ୍ଲାସ୍ ଚାଲିଥିଲା । ଏଥିରେ ସ୍କୁଲର ୯ମ ଓବଂ ୧୦ମ ଶ୍ରେଣୀ ଛାତ୍ରଛାତ୍ରୀ ସାମିଲ ଥିଲେ । ସେହି ସମୟରେ ହିଁ ବିସ୍ଫୋରଣ ଘଟିଛି । ବିସ୍ଫୋରଣ ପ୍ରକୃତ କାରଣ ସ୍ପଷ୍ଟ ଜଣାପଡିନାହିଁ ।