ତେହେରାନ ୦୧।୦୭: ଇରାନର ରାଜଧାନୀ ତେହେରାନରେ ଜୋରଦାର ବିସ୍ଫୋରଣ ଘଟିଛି । ତେହେରାନରେ ଥିବା ଏକ ମେଡିକାଲ କ୍ଲିନିକରେ ଜୋରଦାର ବିସ୍ଫୋରଣ ହୋଇଛି । ଇରାନର ଏକ ସରକାରୀ ଚ୍ୟାନେଲ୍ର ଖବର ମୁତାବିକ ବିସ୍ଫୋରଣରେ ୧୯ଜଣଙ୍କ ମୃତ୍ୟୁ ହୋଇଥିବା ବେଳେ ୬ରୁ ଅଧିକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରୁ କିଛି ଲୋକଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବା ଜଣାପଡିଛି । ତେବେ ବିସ୍ଫୋରଣର ଖବର ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁ ନିଆଁ ଲିଭା କାର୍ଯ୍ୟ ନିୟୋଜିତ ରହିଛନ୍ତି ।
wp:html/wp:htmlAt least 19 killed in explosion at medical clinic in Iran, #Tehran #TehranExplosion pic.twitter.com/gPcnYz5ZAx
— DD News (@DDNewslive) July 1, 2020
ସୂଚନାଯୋଗ୍ୟ ଯେ, ଜାତୀୟ ଗଣମାଧ୍ୟମ ଅନୁଯାୟୀ ଇରାନ ରାଜଧାନୀ ତେହେରାନ୍ ଉତ୍ତର ଅଞ୍ଚଳରେ ଥିବା ଏକ ମେଡିକାଲ କ୍ଲିନିକରେ ଜୋରଦାର ବିସ୍ଫୋରଣ ଘଟିଛି । ବିଳମ୍ବିତ ରାତିରେ ଏହି ବିସ୍ଫୋରଣ ଘଟିଥିବା ସୂଚନା ମିଳିଛି । ମେଡିକାଲ କ୍ଲିନିକରେ ଗ୍ୟାସ୍ କ୍ୟାପସୁଲ ଫାଟି ବିସ୍ଫୋରଣ ଘଟିଥିବା ଅନୁମାନ କରାଯାଉଛି । ଯାହାଫଳରେ କି କ୍ଲିନିକରେ ନିଆଁ ବ୍ୟାପିଯାଇଥିଲା । ସେଠାରେ ଉପସ୍ଥିତ ଥିବା ଲୋକମାନଙ୍କ ମଧ୍ୟରୁ ୧୯ଜଣଙ୍କ ମୃତ୍ୟୁ ହୋଇଥିବା ବେଳେ ୬ରୁ ଅଧିକ ଲୋକ ଆହତ ଥିବା ଜଣାପଡିଛି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ମୃତକଙ୍କ ମଧ୍ୟରୁ ଅନେକ ମହିଳା ଥିବା ଜଣାପଡିଛି । ତେବେ ବର୍ତ୍ତମାନ ପର୍ଯ୍ୟନ୍ତ ଇରାନ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ ।
wp:html/wp:htmlFirst video report of a massive explosion with red light around Tehran, heard by many residents. Reports of a military outpost around there. #Iran pic.twitter.com/lQT4CPFLUC
— Farnaz Fassihi (@farnazfassihi) June 25, 2020
ସେପଟେ ତେହେରାନ୍ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ତେବେ ଅଗ୍ନିଶମ ବାହିନୀ ଅନୁଯାୟୀ, ବିସ୍ଫୋରଣରେ ନିଆଁ ଲାଗିଯିବାରୁ ଦୁଇ ମହଲା ଖୁବ୍ ନଷ୍ଟ ହୋଇଛି । ବିସ୍ଫୋରଣ ସମୟରେ ଅନେକ କର୍ମଚାରୀ ମେଡିକାଲ ଭିତରେ ରହିଥିଲେ । ଯେଉଁମାନେ ସର୍ଜରୀ ଟିମ୍ର ସଦସ୍ୟ ଉପସ୍ଥିତ ରହିଥିଲେ । ଅଗ୍ନିଶମ ବାହିନୀ ସମସ୍ତଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରଖିଛି । ସେହିପରି ନିଆଁ ଲିଭାଇବାକୁ ଅଗ୍ନିଶମ ବାହିନୀର ଅନେକ ଗାଡି ଘଟଣାସ୍ଥଳରେ ଉପସ୍ଥିତ ରହିଛନ୍ତି । ଘଟଣାରେ ତଦନ୍ତ ଜାରି ରହିଛି । ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡିବ ବୋଲି ସୂଚନା ମିଳିଛି ।
