Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||
  • ରାଇରଙ୍ଗପୁର : ଗୁଣିଗାରେଡି ସନ୍ଦେହକୁ ନେଇ ହତ୍ୟାକାଣ୍ଡ : ୩ ସୁପାରୀ କିଲର ଗିରଫ
  • ||
  • ନୂଆଦିଲ୍ଲୀ : ଦୁଇ ସରକାରୀ ବ୍ୟାଙ୍କର ଘରୋଇକରଣ ପ୍ରସ୍ତାବକୁ ବିରୋଧ, ଆସନ୍ତା ୧୬ରୁ ଦୁଇ ଦିନିଆ ହରତାଳ ଚେତାବନୀ ଦେଲା ୟୁଏଫବିୟୁ
  • ||

କାବୁଲ ମିଲିଟାରୀ ହସ୍ପିଟାଲରେ ଆତ୍ମଘାତୀ ବିସ୍ଫୋରଣ ଓ ଲଗାତାର ଗୁଳି ଚାଳନା: ୧୯ ଜଣଙ୍କ ମୃତ୍ୟୁ, ୪୩ ଆହତ

2/11/2021 at 3:12 PM

ନୂଆଦିଲ୍ଲୀ ୦୨/୧୧ : ଆଫଗାନିସ୍ତାନ ରାଜଧାନୀ କାବୁଲରେ ମଙ୍ଗଳବାର ଅପରାହ୍ନରେ ଦୁଇଟି ଶକ୍ତିଶାଳୀ ବିସ୍ଫୋରଣ ହୋଇଛି। ନ୍ୟୁଜ ଏଜେନ୍ସି ଏଏଫପି ସୂଚନା ଅନୁଯାୟୀ, କାବୁଲ ନିକଟସ୍ଥ ଏକ ମିଲିଟାରୀ ହସ୍ପିଟାଲରେ ସରଦାର ମହମ୍ମଦ ଦାଉଦ ଖାନ ହସ୍ପିଟାଲରେ ଜୋରଦାର ବିସ୍ଫୋରଣ ଓ ଗୁଳି ବିନିମୟ ଆବାଜ ଶୁଣିବାକୁ ମିଳିଛି। ରିପୋର୍ଟ ଅନୁଯାୟୀ, ଏହା ଏକ ଆତ୍ମଘାତୀ ହମଲା ଭଳି ଥିଲା। ଘଟଣାସ୍ଥଳରେ ଉପସ୍ଥିତ ପ୍ରତ୍ୟେକ୍ଷଦର୍ଶୀଙ୍କ ଅନୁଯାୟୀ, ବିସ୍ଫୋରଣ ସ୍ଥଳରେ ଗୁଳି ଆବାଜ ବହୁତ ସମୟ ଯାଏଁ ଶୁଣିବାକୁ ମିଳିଥିଲା।

ବିସ୍ଫୋରଣରେ ୧୯ ଜଣଙ୍କର ମୃତ୍ୟୁ ଓ ୪୩ ଜଣ ଆହତ ହୋଇଛନ୍ତି। ଇସ୍ଲାମିକ ଅମିରାତର ଡେପୁଟି ପ୍ରବକ୍ତା ବିଲାଲ କରିମି କହିଛନ୍ତି ଯେ ପ୍ରଥମ ବିସ୍ଫୋରଣ ସରଦାର ମହମ୍ମଦ ଦାଉଦ ଖାନ ହସ୍ପିଟାଲ ସାମ୍ନାରେ ହୋଇଛି ଓ ଦ୍ୱିତୀୟ ବିସ୍ଫୋରଣ ହସ୍ପିଟାଲ ନିକଟରେ ହୋଇଛି। ବିସ୍ଫୋରଣର କାରଣ ମଧ୍ୟ ଏବେ ଯାଏଁ ଜଣାପଡିନାହିଁ।

ଏପଟେ ତାଲିବାନ ତରଫରୁ କାବୁଲରେ ହୋଇଥିବା ଏହି ବିସ୍ଫୋରଣକୁ ନେଇ କୌଣସି ବୟାନ ଜାରି ହୋଇନାହିଁ। ତାଲିବାନ ଆଫଗାନିସ୍ତାନରେ ଅଗଷ୍ଟରେ କବଜା କରିବା ପରେ ଲଗାତାର ବିସ୍ଫୋରଣ ହେଉଛି। ଏଥିରୁ ଅଧିକାଂଶ ବିସ୍ଫୋରଣ ଇସ୍ଲାମିକ ଷ୍ଟେଟ ସହ ଜଡିତ ସଂଗଠନ ଦ୍ୱାରା କରାଯାଇଛି। ତେବେ ତାଲିବାନ କହିଛି ଯେ ଶୀଘ୍ର ଇସ୍ଲାମିକ ଷ୍ଟେଟକୁ କାବୁ କରି ନେବ ଓ ଦେଶରେ ଶାନ୍ତି ସ୍ଥାପିତ କରିବ। ଆଫଗାନିସ୍ତାନର ଉତ୍ତର ଭାଗରେ ଇସ୍ଲାମିକ ଷ୍ଟେଟ ମଜବୁତ ହୋଇଛି। ଏବେ ସୁଦ୍ଧା ଆଫଗାନିସ୍ତାନର ବିଭିନ୍ନ ସ୍ଥାନରେ ଏହି ଆତଙ୍କୀ ସଂଗଠନ ଅନେକ ବିସ୍ଫୋରଣ କରିଛି।

   Related Posts