Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଏମିତି ଏକ ଜୀବ ଯାହାର ରକ୍ତର ରଙ୍ଗ ନୀଳ : ସବୁଠାରୁ ମହଙ୍ଗା ଏହି ରକ୍ତ ଲିଟରକୁ ୧୧ ଲକ୍ଷ ଟଙ୍କା

13/03/2020 at 1:17 PM

ଆପଣ ଜାଣିଥିବେ ସବୁ ଜୀବର ରକ୍ତ ରଙ୍ଗ ନାଲି | ତେବେ ଏମିତି ବି କୌଣସି ଜୀବ ଅଛଇ ଯାହାର ରକ୍ତ ରଙ୍ଗ ନୀଳ ତାହା ଆପଣ ଆଗରୁ ଜାଣିନଥିବେ | ଶୁଣି ନିଶ୍ଚୟ ଆଶ୍ଚର୍ଯ୍ୟ ହେବେ କିନ୍ତୁ ଏହା ସତ | ଏହି ଜୀବର ରକ୍ତ ନୀଳ ରଙ୍ଗର | ତେବେ ସବୁଠାରୁ ମହତ୍ଵପୂର୍ଣ୍ଣ କଥା ହେଲା ଏହାର ରକ୍ତ ଲିଟର ପିଚା ୧୧ ଲକ୍ଷ ଟଙ୍କା |

ନୀଳ ରକ୍ତର ଏହି ଜୀବର ନାମ ହେଲା ହର୍ଷ ସୁ | ଏହା ଦୁର୍ଲଭ ପ୍ରଜାତିର କଙ୍କଡା | ବିଶେଷଜ୍ଞଙ୍କ କହିବାନୁଯାୟୀ, ହର୍ଷ ସୁ କଙ୍କଡା ଦୁନିଆର ସବୁଠାରୁ ପୁରୁଣା ଜୀବ ମଧ୍ୟରେ ଗୋଟିଏ | ଏହି କଙ୍କଡା ପୃଥିବୀପୃଷ୍ଠରେ ପଖାପାଖି ୪୫ କୋଟି ବର୍ଷ ହେଲା ଅଛି | ଏହି କଙ୍କଡା ଆଟ୍ଲାଣ୍ଟିକ , ହିନ୍ଦ ଏବଂ ପ୍ରଶାନ୍ତ ମହାସାଗରରେ ଦେଖିବାକୁ ମିଳେ | ଏହି କଙ୍କଡା ବସନ୍ତ ଋତୁ ଅର୍ଥାତ ମେ ରୁ ଜୁନ ମାସ ମଧ୍ୟରେ ଦେଖିବାକୁ ମିଳେ | ତେବେ ସବୁଠାରୁ ମହତ୍ଵପୂର୍ଣ୍ଣ କଥା ହେଲା ପୂର୍ଣମୀ ସମୟରେ ଏହି କଙ୍କଡା ସମୁଦ୍ର ତଟକୁ ଚାଲିଆସେ |  

ଆସନ୍ତୁ ଜାଣିବା ଏହି କଙ୍କଡାର ନୀଳ ରକ୍ତ ସମ୍ପର୍କରେ | ଆନ୍ତର୍ଜାତୀୟ ବଜାରରେ ଏହି କଙ୍କଡାର ରକ୍ତ ମୂଲ୍ୟ ଲିଟର ପିଛା ୧୧ ଲକ୍ଷ ଟଙ୍କା | ଏହାକୁ ଦୁନିଆର ସବୁଠାରୁ ମହଙ୍ଗା ତରଳ ପଦାର୍ଥ ବୋଲି ମଧ୍ୟ କୁହାଯାଏ | ବିଶେଷକରି ଔଷଧ କମ୍ପାନୀ ଏହି ରକ୍ତକୁ ବିଭିନ୍ନ ଔଷଧ ତିଆରି କରିବାରେ ବ୍ୟବହାର କରିଥାନ୍ତି | ବୈଜ୍ଞାନିକଙ୍କ କହିବାନୁଯାୟୀ, ୧୯୭୦ ମସିହାରୁ ଏହି କଙ୍କଡାର ରକ୍ତ ବ୍ୟବହାର କରାଯାଉଛି | ଆଇବି ଏବଂ ଟୀକାକରଣ ପାଇଁ ବ୍ୟବହାର ହେଉଥିବା ମେଡିକାଲ ଉପକରଣରେ ଏହା ସାମିଲ ରହିଛି | ଆଟ୍ଲାଣ୍ଟିକ ଷ୍ଟେଟ୍ସ ମରିନ ଫିସରିଜ କମିଶନଙ୍କ କହିବାନୁଯାୟୀ, ପ୍ରତ୍ୟେକ ବର୍ଷ ୫ କୋଟି ହର୍ଷ ସୁ କଙ୍କଡାଙ୍କୁ ମେଡିକାଲ କାମ ପାଇଁ ବ୍ୟବହାର କରାଯାଏ | 

ବିଶେଷଜ୍ଞଙ୍କ କହିବାନୁଯାୟୀ, ହର୍ଷ ସୁ କଙ୍କଡାର ନୀଳ ରକ୍ତରେ ତମ୍ବା ରହିଛି | ଏହାସହ ଏହାର ରକ୍ତ ଏକ ବିଶେଷ ରସାୟନ ରହିଛି ଯାହା କୌଣସି ବ୍ୟାକ୍ଟେରିଆ ପାଖରେ ଜମା ହୋଇଯାଇଥାଏ ଯାହାଫଳରେ ତାଙ୍କୁ ଚିହ୍ନିବା ସହଜ ହୋଇଥାଏ | କଙ୍କଡାର ହୃଦୟ ପାଖରେ କଣା କରି ତାର ରକ୍ତ ବାହାର କରାଯାଇଥାଏ | ଗୋଟିଏ କଙ୍କଡାରୁ ୩୦ ପ୍ରତିଶତ ରକ୍ତ ବାହାର କରାଯାଇଥାଏ | ରକ୍ତ ବାହାର କରି ସାରିବା ପରେ ତାଙ୍କୁ ପୁଣିଥରେ ସମୁଦ୍ରରେ ଛାଡି ଦିଆଯାଇଥାଏ | ରିପୋର୍ଟ ଅନୁଯାୟୀ, ରକ୍ତ ବାହାର କରିବା ସମୟରେ ୧୦ ରୁ ୩୦ ପ୍ରତିଶତ କଙ୍କଡା ମରି ଯାଇଥାନ୍ତି |

ବର୍ତ୍ତମାନ ଦୁନିଆରେ ହର୍ଷ ସୁ କଙ୍କଡାର ୪ଟି ପ୍ରଜାତି ରହିଛନ୍ତି | ଅନେକ ପ୍ରଜାତି ଶିକାର ଏବଂ ପ୍ରଦୂଷଣର ଶିକାର ହୋଇଛନ୍ତି | ଏମାନଙ୍କ ରକ୍ତ ପାଇଁ ଏହି କଙ୍କଡାର କଳା ବଜାରୀ ମଧ୍ୟ ହୁଏ | 

   Related Posts