Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିରିଜ୍‌ ଦୁର୍ଘଟଣା, ପଛକୁ ପଛ ଧକ୍କା ହେଲେ ୮ ଗାଡ଼ି ; ୩ ମୃତ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସୋନପୁର ବନ୍ଦ ପାଳନ
  • ||
  • ଓଡିଶା ଆସୁଛନ୍ତି କେନ୍ଦ୍ର କୋଇଲା ମନ୍ତ୍ରୀ, ଗସ୍ତ କରିବେ ପାରାଦୀପ ଓ ତାଲଚେର
  • ||

ନିଲମ୍ବିତ ହେଲେ ଅବକାରୀ SI ସରୋଜ ବାଗ, ଅଫିସ୍‌ରେ ବସି ମଦ ପିଇବାର ଭିଡିଓ ହୋଇଥିଲା ଭାଇରାଲ୍

30/06/2021 at 1:28 PM

ପଟ୍ଟାମୁଣ୍ଡାଇ ୩୦।୬: ନିଲମ୍ବିତ ହେଲେ କେନ୍ଦ୍ରାପଡା ଅବକାରୀ ବିଭାଗର ସବ୍ ଇନ୍ସପେକ୍ଟର ସରୋଜ ବାଗ । ଅଫିସ ଭିତରେ ମଦ ପିଉଥିବାର ଭିଡିଓ ଭାଇରାଲ୍ ପରେ ନିଲମ୍ବିତ କଲେ ଅବକାରୀ ବିଭାଗର କମିଶନର । କେନ୍ଦ୍ରାପଡା ଅବକାରୀ ବିଭାଗ ସୁପରିଟେଣ୍ଡେଣ୍ଟ ରଜତ ପ୍ରହରାଜ ସୂଚନା ଦେଇଛନ୍ତି । ମଙ୍ଗଳବାର ଏ ନେଇ ଖବର ପ୍ରସାରଣ କରାଯାଇଥିଲା ।

ଉଲ୍ଲେଖଯୋଗ୍ୟ ଯେ, ଅଫିସ ଭିତରେ ବସି ମଦ୍ୟପାନ କରୁଥିଲେ ଅବକାରୀ ଅଧିକାରୀ । ଟେବୁଲ ଉପରେ ଥୁଆ ହୋଇଥିଲା ମଦ ଆଉ ଗ୍ଲାସ୍ । ଆଉ ଚେୟାରରେ ରାଜକୀୟ ଢଙ୍ଗରେ ମଦ୍ୟପାନ କରୁଥିଲେ ବାବୁ । ଏଭଳି ଏକ ଭିଡିଓ କେନ୍ଦ୍ରାପଡାରେ ଭାଇରାଲ ହେବାରେ ଲାଗିଥିଲା । ଭିଡିଓରେ ଥିଲେ କେନ୍ଦ୍ରାପଡା ଜିଲ୍ଲା ଅବକାରୀ ବିଭାଗର ସବ୍ ଇନ୍ସପେକ୍ଟର ସରୋଜ ବାଗ । ବାବୁ ଜଣଙ୍କ ଦୀର୍ଘ ଦିନ ହେବ ଜିଲ୍ଲା ଅଫିସରେ ନିଜର ପତିଆରା ଜାହିର କରିଆସୁଥିଲେ । ଭିଜୁଆଲରେ ଦେଖିବାକୁ ମିଳିଥିଲା କିଭଳି ବାବୁ ଜଣଙ୍କ ଗ୍ଲାସ୍ ରେ ମଦ ପିଉଥିଲେ ।

ଏଭଳି ଦୃଶ୍ୟ କୌଣସି ବାରର ନଥିଲା ବରଂ ଖୋଦ୍ ଜିଲ୍ଲା ଅବକାରୀ ଅଫିସର ଥିଲା । ଏହି ଦୃଶ୍ୟ ଅବକାରୀ ବିଭାଗର ଦାୟିତ୍ବହୀନତାକୁ ପଦାରେ ପକାଇଥିଲା । ବାବୁଙ୍କର ନାଁ କାହାକୁ ଡର ଥିଲା ନା ଭୟ ଯେମିତି ବେଫିକର ଭାବେ ଆଉ ନିର୍ଭୟରେ ବାବୁ ଜଣଙ୍କ ମଦ ପିଇବାରେ ବ୍ୟସ୍ତ ଥିଲେ । ଆଉ ଏ ଖୁସି ହେବାର କାରଣ ବି ଜାଣିଲେ ଆପଣ ବି ଆଶ୍ଚର୍ଯ୍ୟ ହେବେ ଗତ ସୋମବାର ବାବୁ ଜଣଙ୍କ ଜଣେ ଚୋରା ମଦ ବେପାରୀକୁ କାବୁ କରିଥିଲେ ଆଉ ଜବତ ମଦର ପରିମାଣ ୩୬ ଲିଟରରୁ ଉର୍ଦ୍ଧ୍ବ ଥିଲା । ତେବେ ଖାତା କଲମରେ ୩୦ ଲିଟର ଦେଖାଇବେ ବୋଲି ବାବୁ ଜଣଙ୍କ କହୁଥିବାର ଶୁଣିବାକୁ ମିଳିଥିଲା । ତେବେ ଏଭଳି ଅଫିସରଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତାଙ୍କୁ ଚାକିରୀରୁ ସସପେଣ୍ଡ କରାଯାଇଥିବା ସୂଚନା ମିଳିଛି ।

   Related Posts