Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅବକାରୀ ବିଭାଗର ଚଢାଉ, ବିପୁଳ ପରିମାଣର ମଦ ଜବତ ସହ ପୋଚ ନଷ୍ଟ

14/08/2020 at 3:30 PM

ଆଠଗଡ ୧୪।୮: ଆଠଗଡ଼ ଅବକାରୀ ବିଭାଗ ପକ୍ଷରୁ ଚଢାଉ । ଡ଼ାଳୁଆ ସଂରକ୍ଷିତ ଜଙ୍ଗଲ ଭୋଗୁଆ କୃଷ୍ଣଚନ୍ଦ୍ରପୁର ଗ୍ରାମରେ ଚଢ଼ାଉ କରାଯାଇ ବିପୁଳ ପରିମାଣର ମଦ ଜବତ କରିବା ସହ ପୋଚ ନଷ୍ଟ କରାଯାଇଛି । ଭୋଗୁଆ ଗ୍ରାମରେ ଏହି ଦେଶୀ ମଦଭାଟି ପୋଲିସ ପ୍ରଶାସନର ନାକ ତଳେ ଚାଲିଥିବ ବେଳେ ଏଠାରେ ବେଧଡକ ଖୁଲମଖୁଲା ଚାଲିଛି ଏହିମଦ ରନ୍ଧା । ଏହାକୁ ବିରୋଧ କରି ଶିକ୍ଷିତ ଯୁବପିଢୀ ଓ ବୁଦ୍ଧିଜୀବୀ ମହଲରେ କ୍ଷୋଭ ପ୍ରକାଶ କରିବା ସହ ଏମିତି ଅଭିଯୋଗ କରିବା ଫଳରେ ତାଙ୍କ ଜୀବନ ପ୍ରତି ବିପଦ ଥିବା କହିଛନ୍ତି ଅଞ୍ଚଳବାସୀ ।

ଆଠଗଡ଼ ଅବକାରୀ ନିରୀକ୍ଷକ ସଞ୍ଜୀତ କୁମାର ବାର୍ଲାଙ୍କ ନେତୃତ୍ବରେ ୮ଟି ମଦ ଭାଟି ଉପରେ ଚଢ଼ାଉ କରାଯାଇ ୪୬୦ ଲିଟର ଦେଶୀ ରନ୍ଧା ମଦ ଜବତ କରାଯିବା ସହିତ ୧୨୪୮୦ ଲିଟର ପୋଚ ନଷ୍ଟ କରାଯାଇଛି । ଏହି ଘଟଣାରେ କାହାରିକୁ ଗିରଫ କରାଯାଇନାହିଁ, ଖବର ପାଇ ମଦ ରାନ୍ଧୁଥିବା ଲୋକ ସେଠାରୁ ଫେରାର ହୋଇଯାଇଥିବା ଜଣାପଡ଼ିଛି ।

   Related Posts