ଭୁବନେଶ୍ବର ୧୫।୧୧: ନିଶା ନିବାରଣ ବଦଳରେ ନିଶା ପ୍ରସାରଣ । ଅଧିକ ମଦ ଦୋକାନ ଖୋଲିବାକୁ ସରକାରଙ୍କ ନୂଆ ପ୍ରସ୍ତାବକୁ ନେଇ ଆରମ୍ଭ ହୋଇଛି ଜୋରଦାର ବିରୋଧ । ଆଜି ଅବକାରୀ ମନ୍ତ୍ରୀଙ୍କ ବାସଭବନ ଘେରିଛନ୍ତି ନିଶା ବିରୋଧୀ ସଂଗଠନ । ସରକାରଙ୍କ ବିରୋଧରେ ଜୋରଦାର ନାରାବାଜି କରିଛନ୍ତି । ‘ଆପଣମାନେ ଖୁସି ତ’ ଡାଇଲଗ୍ ମାରି ନିଆରା ପ୍ରତିବାଦ କରିଛନ୍ତି ବିଭିନ୍ନ ସଂଗଠନ । ସକାଳ ୯ ଟାବେଳୁ ଏଜି ଛକ ନିକଟରେ ଥିବା ଅବକାରୀ ମନ୍ତ୍ରୀ ନିରଂଜନ ପୁଜାରୀଙ୍କ ସରକାରୀ ବାସଭବନ ସମ୍ମୁଖରେ ଏକାଠି ହୋଇଥିଲେ ନିଶା ବିରୋଧୀ ସଂଗଠନ । ନୂତନ ମଦ ପ୍ରସାରଣ ନିର୍ଦ୍ଦେଶନାମାକୁ ତୁରନ୍ତ ପ୍ରତ୍ୟାହାର ଦାବି କରିଥିଲେ । ବିବାହ, ବ୍ରତ, ମେଳା ମହୋତ୍ସବ ସ୍ଥାନରେ ମଦ ବିକ୍ରୟ ପ୍ରସ୍ତାବକୁ ବିରୋଧ କରିଥିଲେ । ଏହା ଫଳରେ ଗାଁ ଗାଁରେ ମଦର ବନ୍ୟା ସୁଅ ଛୁଟିବ । ଫଳରେ ମହିଳାମାନଙ୍କ ଉପରେ ନିର୍ଯାତନା, ଅତ୍ୟାଚାର ବଢିବ ବୋଲି ବିକ୍ଷୋଭକାରୀ କହିଛନ୍ତି ।
{"id":184637,"sizeSlug":"large"}ସେପଟେ ସରକାର ଏହାକୁ ତୁରନ୍ତ ପ୍ରତ୍ୟାହାର ନ କଲେ ନବୀନ ନିବାସ ଘେରାଉ କରିବାକୁ ଚେତବାନୀ ଦେଇଛନ୍ତି ମଦ ବିରୋଧୀ ସଂଗଠନ । ମନ୍ତ୍ରୀଙ୍କ ବାସଭବନ ଘେରାଉ କରିଥିବା ବିକ୍ଷୋଭକାରୀଙ୍କୁ ଡାକି ଅବକାରୀ ମନ୍ତ୍ରୀ ଆଲୋଚନ କରିଛନ୍ତି । ଆଲୋଚନା ପରେ ଆସନ୍ତା ୨୨ ଯାଏଁ ଆନ୍ଦୋଳନ ସ୍ଥଗିତ କରିବାକୁ ନିଷ୍ପତି ନେଇଛନ୍ତି ସବୁ ସଂଗଠନ । ସରକାର ନିଷ୍ପତ୍ତି ପ୍ରତ୍ୟାହର ନକଲେ ୨୩ ତାରିଖ ପରେ ନବକୃଷ୍ଣ ଚୗଧୁରୀଙ୍କ ଜନ୍ମ ତିଥିରେ ହଜାର ହଜାର ମଦ ବିରୋଧୀ କର୍ମୀ ଓ ସଂଗଠନ ନବୀନ ନିବାସ ଘେରିବେ ବୋଲି ଚେତାବନୀ ଦେଇଛନ୍ତି ବିକ୍ଷୋଭକାରୀ । ଅବକାରୀ ମନ୍ତ୍ରୀ ନିରଂଜନ ପୁଜାରୀ କହିଛନ୍ତି ଏହି ନିୟମ ଆବାହମାନ କାଳରୁ ଚାଲି ଆସିଛି। ଫେବୃଆରି ମାସରେ ଆସିବାକୁ ଥିବା ନୂତନ ଅବକାରୀ ନୀତି ପ୍ରଣୟନ ବେଳେ ଏହାର ପୁର୍ନବିଚାର କରାଯିବ।
{"id":184639,"sizeSlug":"large"}ମୁଖ୍ୟମନ୍ତ୍ରୀ ଗାନ୍ଧିଜୀଙ୍କ ଅହିଂସା ଶବ୍ଦକୁ ସମ୍ବିଧାନର ମୁଖବନ୍ଧରେ ସ୍ଥାନ ଦେବାକୁ ଦାବି କରୁଥିବା ବେଳେ ଅପରପକ୍ଷରେ ମଦକୁ ସାର୍ବଜନୀନ କରିବା କେତେ ଯୁକ୍ତିଯୁକ୍ତ ବୋଲି ମଦ ବିରୋଧୀ ସଂଗଠନ ଯୁକ୍ତି ବାଢିଛନ୍ତି । ରାଜ୍ୟରେ ଦିନକୁ ଦିନ ମଦ ବିରୋଧୀ ସ୍ବର ସାଣିତ ହେଉଥିବା ବେଳେ ନିଶା ପ୍ରସାରଣ ବନ୍ଦ ସହ ମଦମୁକ୍ତ ରାଜ୍ୟ ଗଠନ କରିବାକୁ ଦାବି ହୋଇଛି।