ବ୍ରହ୍ମପୁର ୧୨/୦୧: ଗଞ୍ଜାମ ଜିଲ୍ଲାରେ ଅବକାରୀ ବିଭାଗକୁ ବଡ଼ ସଫଳତା। ଜିଲ୍ଲାର ବିଭିନ୍ନ ଅଞ୍ଚଳରେ ଅବକାରୀ ବିଭାଗ ଚଢ଼ାଉ କରି ବିଦେଶୀ ମଦ ଜବତ କରିଥିବା ଜଣାପଡ଼ିଛି। ବଡଗଡ ଓ ଶେରଗଚ ଥାନା ଏବଂ ବରସିଙ୍ଗି ଥାନା ଅଞ୍ଚଳର ବାହାଡାଗୁଡା ଓ ବନ୍ଧାଗୁଡାରେ ଚଢ଼ାଉ କରିଥିଲା ଅବକାରୀ ବିଭାଗ।
ବିଭିନ୍ନ ସ୍ଥାନରେ ଚଢ଼ାଉ କରିବା ସହ ୯୩,୯୬୦ ଲିଟର ବିଦେଶୀ ମଦ ଓ ୩୦,୬୩୦ ଲିଟର ବିଅର୍ ଜବତ କରିଛି ଅବକାରୀ ବିଭାଗ। କିନ୍ତୁ ଆଶ୍ଚର୍ଯ୍ୟର କଥା ସେଥି ମଧ୍ୟରୁ ୮୮,୨୦୦ ଲିଟର ନକଲି ମଦ ଥିବା ଅବକାରୀ ବିଭାଗ ଅନୁମାନ କରୁଥିବା ସୂଚନା ମିଳିଛି। ।
ତେବେ ଅବକାରୀ ବିଭାଗର ଏଭଳି ମାରାଥନ୍ ଚଢ଼ାଉରେ ଚୋରା ମଦ କାରବାର ଗ୍ୟାଙ୍ଗର ପର୍ଦ୍ଦାଫାସ ହୋଇଛି। ବହୁ ଲିଟର ବିଦେଶୀ ମଦ ଜବତ ହେବା ସାଙ୍ଗକୁ ନକଲି ମଦର ପସରା ମେଲିଥିବା ବି ଅବକାରୀ ବିଭାଗ ସୁରାକ ପାଇଛି। ଏହି ଘଟଣାରେ ୩ ଜଣଙ୍କୁ ଗିରଫ କରାଯାଇଥିବା ମଧ୍ୟ ସୂଚନା ମିଳିଛି ।
