କଟକ୧୨।୧୦-ୟେ ହାତ୍ ମୁଝେ ଦେ ଦେ ଠାକୁର୍।କିଏବା ନଜାଣେ ଏହି ଡାଏଲଗ୍ କୁ।ଆଜି ପର୍ଯ୍ୟନ୍ତ ବଲିଉଡ୍ ରେ ତିଆରି ହୋଇଥିବା ଏହି ସର୍ବୋତ୍କୃଷ୍ଟ ଫିଲ୍ମ ସୋଲେ ର ଏହି ଡାଏଲଗ୍ ଥିଲା ଖଳ ନାୟକ ଗବ୍ବର ସିଂଙ୍କର । ତେବେ ଗତ କାଲି ସଂଧ୍ୟାରେ ଏହି ଡାଏଲଗ୍ ଗୁଞରିତ ହୋଇଥିଲା କଟକ ଶତାବ୍ଦୀ ଭବନରେ । ଗତ କାଲି କଟକ ଶତାବ୍ଦୀ ଭବନରେ କେନ୍ଦ୍ର ସାହିତ୍ୟ ଏକାଡେମୀ ପକ୍ଷରୁ ଆୟୋଜିତ –ବ୍ୟକ୍ତି ଓ ବହି –କାର୍ଯ୍ୟକ୍ରମରେ ଯୋଗ ଦେଇ ଏହି ଡାଏଲଗ୍ କୁ ଦୋହରାଇଛନ୍ତି ଜଷ୍ଟିସ୍ ଅରିଜିତ୍ ପଶାୟତ୍ ।.
ଆଜି କାଲି ଗଣମାଧ୍ୟମର ଭୂମିକାକୁ ନେଇ ଏହି ଡାଏଲଗ୍ ଟିକୁ ଦୋହରାଇଛନ୍ତି ଜଷ୍ଟିସ୍ ପଶାୟତ୍ । ଆଜିକାଲି ରାଜନୈତିକ ଦଳ ଗୁଡିକ ଗଣମାଧ୍ୟମକୁ ଏହି ଢଙ୍ଗରେ ନିଜର ସ୍ୱାର୍ଥ ପାଇଁ ବ୍ୟବହାର କରୁଛନ୍ତି ବୋଲି କହିଛନ୍ତି ଜଷ୍ଟିସ୍ ପଶାୟତ୍ । ଜଷ୍ଟିସ୍ ପଶାୟତ୍ ଙ୍କ କହିବା ଅନୁସାରେ ଆଜି କାଲି ପ୍ରାୟ ସବୁ ରାଜନୈତିକ ଦଳ ସାମ୍ବାଦିକମାନଙ୍କୁ କହୁଛନ୍ତି ---ୟେ ହାତ୍ ମୁଝେ ଦେ ଦେ ଠାକୁର୍----ସାମ୍ବାଦିକର ହାତକୁ ବା କଲମକୁ ରାଜନୈତିକ ଦଳ ଗୁଡିକ ନିୟନ୍ତ୍ରଣ କରିବା ଆରମ୍ଭ କଲେ, ଏହା ଗଣମାଧ୍ୟମ ପାଇଁ କିମ୍ବା ସମାଜ ପାଇଁ ଶୁଭଙ୍କର ନୁହେଁ ବୋଲି କହିଛନ୍ତି ଜଷ୍ଟିସ୍ ପଶାୟତ୍ । କଲମ୍ ବାସ୍ତବିକ୍ ଖଣ୍ଡାଠାରୁ ଶକ୍ତିଶାଳୀ । ମାତ୍ର ଆଜିକା ପରିପ୍ରେକ୍ଷୀରେ , ଯେଉଁଠାରେ ସାମ୍ବାଦିକଙ୍କ କଲମ ନେତାଙ୍କ ନିକଟରେ ବିକ୍ରି ହୋଇଯାଇଛି, ଏଠି କଲମ ଖଣ୍ଡାଠାରୁ ଶକ୍ତିଶାଳୀ ହେବା ସମାଜ ପାଇଁ ଠିକ୍ ନୁହେଁ ବୋଲି ଜଷ୍ଟିସ୍ ପଶାୟତ୍ କହିଛନ୍ତି ।.
