ନୂଆଦିଲ୍ଲୀ ୦୬/୦୩: ବଲିଉଡ‌ ଅଭିନେତ୍ରୀ ତଥା ଭାରତୀୟ କ୍ରିକେଟ୍ ଦଳର ପୂର୍ବତନ ଖେଳାଳି ଯୁବରାଜ ସିଂଙ୍କ ପତ୍ନୀ ହାଜେଲ କିଚ୍ ସୋସିଆଲ ମିଡିଆରୁ ନିଜକୁ ଦୂରେଇ ରଖିବାକୁ ନିଷ୍ପତ୍ତି ନେଇଛନ୍ତି । ନିଜର ଇନଷ୍ଟାଗ୍ରାମ୍ ପୋଷ୍ଟରେ ଲେଖିଛନ୍ତି, ସେ ସୋସିଆଲ ମିଡିଆରୁ ବିରତି ନେଉଛନ୍ତି । ହାଜେଲ କିଚଙ୍କ ଏହି ପୋଷ୍ଟ ପରେ ଫ୍ୟାନ୍ସମାନେ ଚିନ୍ତିତ ଅଛନ୍ତି ଯେ ହାଜେଲ କାହିଁକି ସୋସିଆଲ ମିଡିଆକୁ ବିଦାୟ ଦେଇଛନ୍ତି?

{"id":418634,"sizeSlug":"large","linkDestination":"none"}

ହାଜେଲ ତାଙ୍କ ଇନଷ୍ଟାଗ୍ରାମ୍ ପୋଷ୍ଟରେ ଲେଖିଛନ୍ତି, 'ମୋ ଫୋନ୍ ଏବଂ ମୁଁ ଏକ ବ୍ରେକ୍ ନେଉଛୁ । ଆପଣ ଆଶ୍ଚର୍ଯ୍ୟ ହେବେ, କିନ୍ତୁ ତାହା ଠିକ୍ ଅଛି । ବେଳେବେଳେ ଆମେ ପରସ୍ପର ଉପରେ ସମ୍ପୂର୍ଣ୍ଣ ନିର୍ଭରଶୀଳ ହେବା ଅପେକ୍ଷା ଏକାକୀ ରହିବା ଆବଶ୍ୟକ, ତେଣୁ ମୁଁ ସୋସିଆଲ ମିଡିଆଠାରୁ କିଛି ସମୟ ଦୂରରେ ରହିବି । ' ସେ ଆହୁରି ମଧ୍ୟ ଲେଖିଛନ୍ତି, 'ବାସ୍ତବ ଦୁନିଆରେ ମୋତେ ଶୁଭେଚ୍ଛା । ଯଦି ଆପଣଙ୍କ ପାଖରେ ମୋର ନମ୍ବର ଅଛି ତେବେ ମୋତେ ମେସେଜ୍ କରିବା ପରିବର୍ତ୍ତେ ମୋତେ କଲ୍ କରିବେ । ମୁଁ ଫେରି ଆସିବି .... କିନ୍ତୁ ଶୀଘ୍ର ନୁହେଁ ।'

ଏହା ପ୍ରଥମ ଘଟଣା ନୁହେଁ ଯେ ହାଜେଲ ସୋସିଆଲ ମିଡିଆରୁ ନିଜକୁ ଦୂରେଇ ରଖିଛନ୍ତି । ଏହାପୂର୍ବରୁ, ସେ ୨୦୧୯ ରେ ସୋସିଆଲ ମିଡିଆରୁ ମଧ୍ୟ ବ୍ରେକ୍ ନେଇଥିଲେ ଏବଂ ଏକ ପୋଷ୍ଟ ସେୟାର କରି ସେ ତାଙ୍କ ଫେରିବା ବିଷୟରେ ସୂଚନା ଦେଇଥିଲେ ।  ସେ ଲେଖିଥିଲେ'ମୁଁ ଦୀର୍ଘ ଦିନ ଧରି ନିଖୋଜ ଥିଲି । ମୁଁ ଭାବିଲି ଆପଣମାନଙ୍କୁ ଜଣାଇବା ଉଚିତ୍ ଯେ ମୁଁ କେଉଁଠାରେ ଥିଲି । ଏକ ମାସ ପୂର୍ବରୁ ମୋର ନାକ ସର୍ଜରୀ କରାଯାଇଥିଲା । ନିଶ୍ୱାସ ନେବାରେ ଅସୁବିଧା ହେଉଥିଲା । ଚେକଅପ୍ ଦ୍ୱାରା ଜାଣିବାକୁ ପାଇଲି, ନାକ ଭିତରୁ ଡ୍ୟାମେଜ୍ ହୋଇଯାଇଛି । ସେ ଆହୁରି ଲେଖିଥିଲେ, 'ବର୍ତ୍ତମାନ ମୁଁ ଭଲ ଅଛି ଏବଂ ଆରାମରେ ନିଶ୍ୱାସ ନେଇପାରୁଛି ।'

୨୮ ଫେବୃଆରୀରେ ହାଜେଲ କିଚ ତାଙ୍କର ୩୪ ତମ ଜନ୍ମଦିନ ପାଳନ କରିଛନ୍ତି । ହାଜେଲ କିଚଙ୍କ ଜନ୍ମଦିନ ଅବସରରେ ତାଙ୍କ ସ୍ୱାମୀ ଯୁବରାଜ ସିଂ ଏକ ପାର୍ଟିର ଆୟୋଜନ କରିଥିଲେ । ଏହା ଏକ ଘରୋଇ ପାର୍ଟି ଥିଲା, ଯେଉଁଥିରେ କେବଳ ତାଙ୍କର ଘନିଷ୍ଠ ବନ୍ଧୁ ଏବଂ ପରିବାର ଅଂଶଗ୍ରହଣ କରିଥିଲେ । ଯୁବରାଜ ତାଙ୍କ ଇନଷ୍ଟାଗ୍ରାମ୍ ଆକାଉଣ୍ଟରେ ହାଜେଲଙ୍କ ଜନ୍ମଦିନ ପାର୍ଟିର ଏକ ଭିଡିଓ ପୋଷ୍ଟ କରିଥିଲେ । ପାର୍ଟିର ଫଟୋ ଏବଂ ଭିଡିଓ ସାମ୍ନାକୁ ଆସିବା ପରେ ହାଜେଲ ଗର୍ଭବତୀ ଥିବା ଅନୁମାନ କରାଯାଉଛି । ତେବେ ଏହି ଖବର ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ ।

ହାଜେଲ ବଲିଉଡ ଫିଲ୍ମ 'ବିଲା' ଏବଂ 'ବଡିଗାର୍ଡ'ରେ କାମ କରିଛନ୍ତି । ଫିଲ୍ମ 'ବଡିଗାର୍ଡ'ରେ ସଲମାନଙ୍କ ପତ୍ନୀ ଭୂମିକାରେ ହାଜେଲ ନଜର ଆସିଥିଲେ । ଏହା ବ୍ୟତୀତ ସେ 'ବିଗ୍ ବସ୍ ୭'ରେ ଅଂଶଗ୍ରହଣ କରିଥିଲେ । ହାଜେଲ ବ୍ରିଟିଶ ଫିଲ୍ମରେ ମଧ୍ୟ କାମ କରିଛନ୍ତି ।