Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||

ଅରୁଣାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅର ସନ୍ଦେହଜନକ ମୃତ୍ୟୁ, ଏବେ ଯାଏଁ ଖୋଲିନି ବାପାଙ୍କ ଆତ୍ମହତ୍ୟାର ରହସ୍ୟ

12/02/2020 at 1:04 PM

ଲଣ୍ଡନ ୧୨।୦୨: କିଛି ଦିନ ତଳେ ପିତା କରିଥିଲେ ଆତ୍ମହତ୍ୟା, ଏବେ ପୁଅଙ୍କ ସନ୍ଦେହଜନକ ଅବସ୍ଥାରେ ମୃତଦେହ ମିଳିଛି । ଅରୁଣାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କାଲିଖୋ ପୁଲଙ୍କ ପୁତ୍ର ସୁବାଂସୋ ପୁଲ ମୃତଦେହ ମିଳିଛି । ୟୁକେ (ୟୁନାଇଟେଡ୍‌ କିଙ୍ଗଡମ୍‌)ର ଏକ ଆପାର୍ଟମେଣ୍ଟରୁ ସୁବାଂସୋଙ୍କ ସନ୍ଦିଗ୍ଧ ଅବସ୍ଥାରେ ମୃତଦେହ ଉଦ୍ଧାର ହୋଇଛି । ପୋଲିସ ପହଞ୍ଚି ମୃତଦେହ ଜବତ କରିବା ସହ ଛାନ୍‌ଭିନ୍ ଜାରି ରଖିଛି ।

ମୃତଦେହ ମିଳିଥିବା ଯୁବକ ଅରୁଣାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅ । ପୂର୍ବତନ ମୁଖ୍ୟମନ୍ତ୍ରୀ କାଲିଖୋ ପୁଳଙ୍କ ପୁତ୍ର ୟୁନାଇଟେଡ୍‌ କିଙ୍ଗଡମ୍‌ରେ ରହୁଥିବା ନିଜ ବାସଭବନରୁ ମୃତଦେହ ଉଦ୍ଧାର ହୋଇଛି। ନିଜେ ରହୁଥିବା ଆପର୍ଟମେଣ୍ଟରେ ସନ୍ଦିଗ୍ଧ ଅବସ୍ଥାରେ ମୃତଦେହ ଉଦ୍ଧାର ହୋଇଛି ।  

ସୂଚନାଯୋଗ୍ୟ ଯେ, ଗତ ୬ମାସ ତଳେ ସସେକ୍ସ ବିଶ୍ବବିଦ୍ୟାଳୟରେ ସୁବାଂସୋ ଆଡମିଶନ ନେଇଥିଲେ । କିନ୍ତୁ ଆଡମିଶନ ନେବାର କିଛି ଦିନ ପରେ ତାଙ୍କ ମୃତଦେହ  ମିଳିଛି । ମୃତ୍ୟୁର କିଛି ଘଣ୍ଟା ପୂର୍ବରୁ ସେ ଭାରତରେ ରହୁଥିବା ନିଜ ମାଆଙ୍କ ସହିତ ଫୋନ୍‌ ଯୋଗେ କଥା ହୋଇଥିଲେ । ସୁବାଂସୋଙ୍କ ବଡ ଭାଇ ନୂଆଦିଲ୍ଲରେ ଅଛନ୍ତି । ସେ ୟୁନାଇଟେଡ୍‌ କିଙ୍ଗଡମ୍‌ସ୍ଥିତ ଭାରତୀୟ ଉଚ୍ଚାୟୁକ୍ତଙ୍କ ସହିତ ଯୋଗଯୋଗ କରିଛନ୍ତି । ସୁବାଂସୋଙ୍କ ମୃତଦେହ କିପରି ଭାରତ ତୁରନ୍ତ ଫେରିବ , ସେନେଇ ପ୍ରସ୍ତୁତି ଆରମ୍ଭ କରିଦେଇଥିବା ସୂଚନା ମିଳିଛି ।

ଅରୁଣାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କାଲିଖୋ ପୁଲ୍ ୯ଅଗଷ୍ଟ ୨୦୧୬ରେ ନିଜ ବାସଭବନରେ ଆତ୍ମହତ୍ୟା କରିଥିଲେ । ବାସଭବନର ଏକ ଫ୍ୟାନ୍‌ରେ ଝୁଲନ୍ତା ଅବସ୍ଥାରେ ମୃତଦେହ ଠାବ ହୋଇଥିଲା । କାଲିଖୋଙ୍କ ମୃତଦେହ ନିକଟରୁ ୬୦ପୃଷ୍ଠା ସମ୍ବଳିତ ଦସ୍ତାବିଜ ମିଳିଥିଲା । ତେବେ ମୃତଦେହ ନିକଟରୁ ମିଳିଥିବା କାଗଜରେ ଲେଖାଥିଲେ ଯେ, ନ୍ୟାୟପାଳିକ ଓ ରାଜନୀତିରେ ବରିଷ୍ଠ ଅଧିକାରୀମାନେ ଭ୍ରଷ୍ଟ କାର୍ଯ୍ୟରେ ଲିପ୍ତ ଥିବା ଲେଖାଯାଇଥିଲା । ମୃତ୍ୟୁର ୨ମାସ ପରେ ଫରେନସିକ ରିପୋର୍ଟ ଆସିଥିଲା । ରିପୋର୍ଟରେ କୌଣସି ବେଇମାନୀ ହୋଇନଥିବାର କୁହାଯାଇଥିଲା ।

ପୂର୍ବତନ ମୁଖ୍ୟମନ୍ତ୍ରୀଙ୍କ ମୃତ୍ୟୁ ଛଅ ମାସ ପରେ ଅରୁଣାଚଳ ପ୍ରଦେଶ କେନ୍ଦ୍ରସରକାରଙ୍କୁ ଏକ ଆବେଦନ କରିଥିଲା । ଆବେଦନରେ କୌଣସି ବି ଏଜେନ୍ସି ଦ୍ବାରା ଯା଼ଞ୍ଚ କରାଯିବା ଭଳି କାଗଜପତ୍ର ପ୍ରଦାନ କରିଥିଲେ । ସ୍ବାମୀଙ୍କ ଆତ୍ମହତ୍ୟା ପରେ, ତାଙ୍କ ପତ୍ନୀ ବାରମ୍ବାର ସମସ୍ତ ଘଟଣାର ସିବିଆଇ ଦ୍ବାରା ଯାଞ୍ଚ କରିବାକୁ ଦାବି କରିଥିଲେ ।

   Related Posts