ଭୁବନେଶ୍ବର ୧୮|୪: ଆଜି ସକାଳ ୭ଟାରୁ ଆରମ୍ଭ ହୋଇଛି ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ମତଦାନ । ଓଡିଶାର ୯,୧୧୭ଟି ବୁଥ୍ରେ ଉଭୟ ୫ଟି ଲୋକସଭା ଓ ୩୫ଟି ବିଧାନସଭା ଆସନ ପାଇଁ ଭୋଟ୍ ଗ୍ରହଣ ଚାଲିଛି।
କିନ୍ତୁ କେତେକ ବୁଥ୍ରେ ଇଭିଏମ୍ରେ ତ୍ରୁଟି ଦେଖା ଦେଇଥିବାରୁ ମତଦାନରେ ବିଳମ୍ବ ଦେଖାଦେଇଛି। ଯାହାକୁ ନେଇ ଭୋଟରମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ବଲାଙ୍ଗିରରେ ଭୋଟିଂ ଆରମ୍ଭରୁ ଇଭିଏମ୍ ଅଚଳ ହୋଇଯାଇଛି । ଲାଠୋର ଚାଉଳବାଞ୍ଜିର ବୁଥ୍ ନଂ୨୬ରେ ଅଚଳ ହୋଇଛି । ଖପ୍ରାଖୋଲରେ ମଧ୍ୟ ଇଭିଏମ୍ କାମ କରୁନଥିବା ସୂଚନା ମିଳିଛି ।
କନ୍ଧମାଳ ଜିଲ୍ଲା ଫୁଲବାଣୀର ବୁଥ୍ ନମ୍ବର ୧୧୩ ଓ ୧୦୧ରେ ଇଭିଏମ୍ କାମ କରୁ ନ ଥିବା ଖବର ମିଳିଛି।
ସୁନ୍ଦରଗଡ ଜିଲ୍ଲା ବଣାଇ ନିର୍ବାଚନ ମଣ୍ଡଳୀ ଟେନ୍ସା ବୁଥ୍ ନଂ ୨୨୫ରେ ଇଭିଏମ୍ ଅଚଳ ହୋଇଯାଇଛି । ସୁନ୍ଦରଗଡ ସାଂସଦ ପ୍ରାର୍ଥୀଙ୍କ ପାଇଁ ଥିବା ଇଭିଏମ୍ କାମ କରୁନଥିବା ଅଭିଯୋଗ ହୋଇଛି ।
ଇଭିଏମ୍ ମେସିନ୍ ଅଚଳ ହେବା ଯୋଗୁଣ ଭୋଟରମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ମାତ୍ର ଭୋଟରମାନେ ଭୋଟ୍ ଦାନ କେନ୍ଦ୍ରରେ ଧର୍ଯ୍ୟର ସହ ଭୋଟ୍ ଦେବା ପାଇଁ ଅପେକ୍ଷା କରିଛନ୍ତି ।
