ଭୁବନେଶ୍ବର ୧୧।୧୨: ଆଜିଠୁ ବିଧାନସଭା ପାର୍ଶ୍ବରେ ଥିବା ବିଧାୟକଙ୍କ କ୍ବାର୍ଟର୍ସ ଭଙ୍ଗା ଆରମ୍ଭ ହେବ । ୪୦ ଜଣ ବିଧାୟକଙ୍କ କ୍ବାଟର ଭଙ୍ଗା ନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ତେବେ ଏପର୍ଯ୍ୟନ୍ତ ୨୪ଜଣ ବିଧାୟକ ନିଜର କ୍ବାର୍ଟର୍ସ ଖାଲି କରିସାରିଛନ୍ତି । ଅନ୍ୟ ବିଧାୟକ ମାନଙ୍କ ପାଖକୁ ତୁରନ୍ତ କ୍ବାର୍ଟର ଖାଲି କରିବାକୁ ନିର୍ଦ୍ଦେଶନାମା ଯାଇଥିବା ବାଚସ୍ପତି ସୂର୍ଯ୍ୟନାରାୟଣ ପାତ୍ର ସୂଚନା ଦେଇଛନ୍ତି । ବିଧାୟକ ମାନଙ୍କ ପାଇଁ ନିର୍ମାଣ ହେବ ବହୁତଳ ପ୍ରାସାଦ । ଏ ନେଇ ବିଭିନ୍ନ ବିଭାଗର ଅଧିକାରୀ ମାନଙ୍କ ସହ ଆଲୋଚନା କରାଯାଇଛି । ଏହି ବହୁତଳ ବିଶିଷ୍ଟ କ୍ବାର୍ଟର ଗୁଡିକ ଟାଇପ୍-୮ ଢାଞ୍ଚାରେ ନିର୍ମାଣ ହେବ। ଏମଏଲଏ କ୍ବାର୍ଟର ନିର୍ଣାଣରେ ୪୦୦କୋଟି ଟଙ୍କା ଖର୍ଚ୍ଚ ଅଟକଳ କରାଯାଇଛି। କ୍ବାର୍ଟର ଗୁଡିକରେ ସମସ୍ତ  ପ୍ରକାର ଅତ୍ୟାଧୁନିକ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି ବାଚସ୍ପତି ସୂଚନା ଦେଇଛନ୍ତି।