Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଜାତୀୟ ରାଜପଥ ୫୫ର ସମ୍ପ୍ରସାରଣ ପାଇଁ ଚୌଦ୍ବାରରେ ଜବର ଦଖଲ ଉଚ୍ଛେଦ

26/06/2019 at 3:04 PM

ଚୌଦ୍ବାର ୨୬|୬: ଜାତୀୟ ରାଜପଥ ୫୫ର ସମ୍ପ୍ରସାରଣ ପାଇଁ ଚୌଦ୍ବାର ଥାନାର ମଙ୍ଗୁଳି ଠାରୁ ଧୂମାବତୀ ମନ୍ଦିର ଯାଏଁ ରାସ୍ତାର ଉଭୟ ପାର୍ଶ୍ଵରୁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ସହରର ସମସ୍ତ ମୁଖ୍ୟ ବଜାରଗୁଡିକରେ ୭ଶହରୁ ଉର୍ଦ୍ଧ୍ବ ଛୋଟ ବଡ଼ ବ୍ୟବସାୟୀ ରାଜପଥର ଦୁଇ କଡରେ ଦୀର୍ଘ ୪୦ବର୍ଷ ଧରି ବେପାର କରି ପରିବାର ପୋଷଣ କରିଆସୁଛନ୍ତି । ଏବେ ଜାତୀୟ ରାଜପଥ କର୍ତ୍ତୃପକ୍ଷ ଉଚ୍ଛେଦ ପ୍ରକ୍ରିୟା ଆରମ୍ଭ କରି ଶହ ଶହ ଦୋକାନ ଘର ତଥା ବାସଗୃହ ଗୁଡିକୁ ଭାଙ୍ଗି ମାଟିରେ ମିଶାଇ ଦେଉଛନ୍ତି ।

ଓଡ଼ିଶାର ପ୍ରଥମ ଶିଳ୍ପ ନଗରୀ ଚୌଦ୍ବାର ଶିଳ୍ପ ଶୂନ୍ୟ ହେବାପରେ ବହୁ ଯୁବକ ଛୋଟମୋଟ ବେପାର କରି ନିଜ ଗୁଜୁରାଣ ମେଣ୍ଟାଉ ଥିଲେ । ଉଚ୍ଛେଦ ଦୋକାନ ଗୁଡିକ ମଧ୍ୟରେ ପୌରପାଳିକାର ମଧ୍ୟ ୬୦ରୁ ଉର୍ଦ୍ଧ୍ବ ଗୃହ ରହିଛି । ଦୀର୍ଘ ଦିନ ଧରି ଉଚ୍ଛେଦ ପାଇଁ ନୋଟିସ ଦିଆଯାଇଥିଲେ ମଧ୍ୟ ପୌରପାଳିକା ତରଫରୁ ଏମାନଙ୍କ ଥଇଥାନ ପାଇଁ କୌଣସି ବ୍ୟବସ୍ଥା କରାଯାଇପାରିନାହିଁ । ଯାହାକି ସାଧାରଣରେ ତୀବ୍ର ଅସନ୍ତୋଷର କାରଣ ହୋଇଛି । ଶତାଧିକ ଆଶାୟୀ ଥିଲେ ମଧ୍ୟ ପୌରପାଳିକା ତରଫରୁ ମାତ୍ର ୧୬ଟି ଦୋକାନ ଗୃହ ନିର୍ମାଣ କରାଯାଇଛି । ତାହା ମଧ୍ୟ ଆବଣ୍ଟନ ହୋଇପାରିନି ।

ଜାତୀୟ ରାଜପଥ ପ୍ରାଧିକରଣର ରିଭନ୍ୟୁ ଅଫିସର ସମସ୍ତ ଉଚ୍ଛେଦ ହେଉଥିବା ଦୋକାନ ଗୁଡିକ ସରକାରୀ ଜମି ଉପରେ ହୋଇଥିବାରୁ ସେମାନଙ୍କୁ କୌଣସି ପ୍ରକାର କ୍ଷତିପୂରଣ ଅର୍ଥ ପ୍ରଦାନ କରାଯାଇପାରିବନି ବୋଲି କହିଛନ୍ତି । ସେହିପରି ପୌରାଧିକାରୀ ଉଚ୍ଛେଦ ପରେ ବଳୁଥିବା ଜମି ଉପରେ ଭେଣ୍ଡିଂ ଜୋନ୍ କରାଯାଇ ସେମାନଙ୍କୁ ଥଇଥାନ କରାଯିବ ବୋଲି କହିଛନ୍ତି । ଚୌଦ୍ବାରରେ ଥିବା ଓଟିଏମ୍, ବଲ୍ଲାରପୁର, ଟାଇଲ ପ୍ୟାକ୍ଟ୍ରି ବନ୍ଦ ପଡିଛି  । ଏବେ ଶହ ଶହ ଦୋକାନ ଭଙ୍ଗା ପରେ ଏଠି ବେରୋଜୋଗାରି ସମସ୍ୟା ଉତ୍କଟ ହେବା ସହ ବିଷମ ପରିସ୍ଥିତି ସୃଷ୍ଟି କରିବାର ଆଶଙ୍କା ରହିଛି।

   Related Posts