Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ମେଘନାଦ ପାଚେରୀ ପାଖରେ ଥିବା ଲଙ୍ଗୁଳି ମଠ ସହ ୧୭ଟି ଦୋକାନ ଭାଙ୍ଗିଲା ପ୍ରଶାସନ, ଉଚ୍ଛେଦ ଉପରେ ସ୍ଥଗିତାଦେଶ ପାଇଁ ଦାଖଲ ପିଟିସନକୁ ଖାରଜ କଲେ ସୁପ୍ରିମକୋର୍ଟ…

27/08/2019 at 5:48 PM

ପୁରୀ ୨୭|୮: ଶାନ୍ତି ଶୃଙ୍ଖଳାର ସହ ପୁରୀରେ ଶ୍ରୀମନ୍ଦିର ଚାରିପାଖରୁ ଉଚ୍ଛେଦ କାର୍ଯ୍ୟ ଜାରି ରହିଛି ।  ଆଜି ମେଘନାଦ ପାଚେରୀ ପାଖରୁ ୩୦ମିଟର ଦୂରତାରେ ଥିବା ଲଙ୍ଗୁଳି ମଠ ସହ ଏହାର ୧୭ଟି ଦୋକାନ ଘରକୁ ଭାଙ୍ଗିଛି ପ୍ରଶାସନ । ସେପଟେ ସୁପ୍ରିମ କୋର୍ଟରେ ଖାରଜ ହୋଇଛି ଉଚ୍ଛେଦ କାମ ବନ୍ଦ କରିବା ପାଇଁ କରାଯାଇଥିବା ୨ଟି ମାମଲା । ଉଚ୍ଛେଦ କାମ ଜାରି ରହିବ ବୋଲି କହିଛନ୍ତି ସର୍ବୋଚ୍ଚ ଅଦାଲତ ।…

ମିଶନ ୭୫ ମିଟର । ଜାରି ରହିଛି ଶ୍ରୀମନ୍ଦିର ଚାରିପାଖରୁ ୭୫ମିଟର ପର୍ଯ୍ୟନ୍ତ ଉଚ୍ଛେଦ କାର୍ଯ୍ୟ । ଆଜି ମେଘନାଦ ପାଚେରୀ ପାଖରୁ ୩୦ ମିଟର ଦୂରତାରେ ଥିବା ଲଙ୍ଗୁଳି ମଠ ସହ ଏହାର ୧୭ଟି ଦୋକାନ ଘରକୁ ଭାଙ୍ଗିଛି ପ୍ରଶାସନ । ଗତକାଲି ଦୋକାନଗୁଡ଼ିକୁ ଖାଲି କରିବାକୁ କୁହାଯାଇଥିବା ବେଳେ ଆଜି ସକାଳୁ ଲଙ୍ଗୁଳି ମଠର କିଛି ଜିନିଷପତ୍ରକୁ ଖାଲି କରିବାରେ ସହାୟତା କରିଥିଲା ପ୍ରଶାସନ ।

ମଠର ଉପରମହଲାରୁ ବୁଲଡୋଜର ମାଧ୍ୟମରେ ଆସବାବପତ୍ର ବାହାର କରାଯାଇଥିଲା । ଏହା ପରେ ଆରମ୍ଭ ହୋଇଥିଲା ଉଚ୍ଛେଦ କାର୍ଯ୍ୟ । ଉଚ୍ଛେଦ ସ୍ଥାନରେ ଉପସ୍ଥିତ ଥିଲେ ଏକାଧିକ ମାଜିଷ୍ଟେ୍ରଟ୍‌, ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀ, ଏସପି, ଡିଏସପି । ଏଥି ସହ ଆଇନ୍‌ ଶୃଙ୍ଖଳା ପରିସ୍ଥିତିକୁ ନଜରରେ ରଖି ୧୦ପ୍ଲାଟୁନ୍‌ ଫୋର୍ସ ମୁତୟନ ହୋଇଥିଲେ ।

ଶ୍ରୀକ୍ଷେତ୍ର ହେବ ବିଶ୍ବ ଐତିହ୍ୟ ନଗରୀ । ଶ୍ରୀମନ୍ଦିର ସୁରକ୍ଷା ଏବଂ ଏହାର ସୌନ୍ଦର୍ଯ୍ୟକରଣ ପାଇଁ  ମେଘନାଦ ପାଚେରୀ ଚାରି ପାଖରୁ ୭୫ମିଟର ପର୍ଯ୍ୟନ୍ତ ସ୍ଥାନ ଖାଲି କରାଯିବ । ଯାହାକୁ ନେଇ ପ୍ରଶାସନ ପକ୍ଷରୁ ଉଚ୍ଛେଦ କାର୍ଯ୍ୟ ଜାରି ରହିଛି । ରାଜ୍ୟ ସରକାରଙ୍କ ଏଭଳି ନିଷ୍ପତ୍ତିକୁ ସ୍ବାଗତ କରିଛନ୍ତି ପୁରୀବାସିନ୍ଦା ।

ସେପଟେ ସୁପ୍ରିମ କୋର୍ଟରେ ଖାରଜ ହୋଇଛି ଉଚ୍ଛେଦ କାମ ବନ୍ଦ କରିବା ପାଇଁ କରାଯାଇଥିବା ୨ଟି ମାମଲା । ଦିଲ୍ଲୀ ଏବଂ ଚେନ୍ନାଇର ୨ଟି ସଂସ୍ଥା ଏନେଇ ଆବେଦନ କରିଥିଲେ । ତେବେ ଆଇନ୍‌ ଅନୁସାରେ ଉଚ୍ଛେଦ କାମ ଚାଲିଛି ଏବଂ ଉଚ୍ଛେଦ ହେଉଥିବା ଅନୁଷ୍ଠାନ ଏବଂ ବ୍ୟକ୍ତିବିଶେଷଙ୍କୁ ଉପଯୁକ୍ତ କ୍ଷତିପୂରଣ ଦିଆଯିବ ବୋଲି ଆଡଭୋକେଟ୍‌ ଜେନେରାଲ ଯୁକ୍ତି ଦର୍ଶାଇବା ପରେ ଉଚ୍ଛେଦ କାମ ଜାରି ରହିବ ବୋଲି କହିଛନ୍ତି ସର୍ବୋଚ୍ଚ ଅଦାଲତ ।

ଆଜି ଲଙ୍ଗୁଳି ମଠ ଭଙ୍ଗାଯିବା ପରେ ଆସନ୍ତା କାଲି ଏମାର ମଠକୁ ଉଚ୍ଛେଦ କରାଯିବ । ପର୍ଯ୍ୟାୟକ୍ରମେ ଶ୍ରୀମନ୍ଦିର ଚାରିପାଖରୁ ୭୫ମିଟର ପର୍ଯ୍ୟନ୍ତ ସ୍ଥାନକୁ ଖାଲି କରାଯିବ । ଶ୍ରୀମନ୍ଦିରକୁ ବିଶ୍ବସ୍ତରୀୟ କରିବା ଓ ସୁରକ୍ଷା ଦୃଷ୍ଟିରୁ ବିଭିନ୍ନ ନିର୍ମାଣର ଉଚ୍ଛେଦର ନିହାତି ଆବଶ୍ୟକତା ଥିଲା ।

   Related Posts