Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୩ ଛୁଇଁଲା ମୃତକଙ୍କ ସଂଖ୍ୟା
  • ||

ସବୁଠି କରୋନା ପ୍ରଭାବ: ମୁକାବିଲାର କସରତବେଳେ ସଚେତନତା ଓ ଚଢ଼ାଉ ଜାରି,ସେପଟେ ଭୟରେ ବାହାରକୁ ଗୋଡ଼ କାଢ଼ୁନାହାନ୍ତି ଲୋକେ

18/03/2020 at 5:29 PM

ଭୁବନେଶ୍ବର ୧୮/୩: କରୋନାକୁ ନେଇ ସବୁଆଡ଼େ ରୀତିମତ କସରତ ଦେଖିବାକୁ ମିଳୁଛି । କେଉଁଠି ଲୋକଙ୍କୁ ସତର୍କ ରହିବାକୁ ସଚେତନ କରାଯାଉଛି ତ ଆଉ କେଉଁଠି ମାସ୍କ ଓ ସାନିଟାଇଜର କଳାବଜାରୀକୁ ନେଇ ମେଡିସିନ ଦୋକାନରେ ଜାରି ରହିଛି ଚଢ଼ାଉ । ପୁଣି କେଉଁଠି ଲୋକେ ବାହାରକୁ ଯିବାଆସିବା ବନ୍ଦ କରିଦେଲେଣି ।

ସବୁଠି ଭାଇରସ ଭୟ । ଜୟପୁରରେ ବିଦେଶୀ ପର୍ଯ୍ୟଟକଙ୍କୁ ହୋଟେଲ ମନା । କୋରାପୁଟ ଜିଲ୍ଲାକୁ ଆଉ ଆସୁନାହାନ୍ତି ବିଦେଶୀ ପର୍ଯ୍ୟଟକ । ଗଲା ୧୫ଦିନ ଭିତରେ ଜିଲ୍ଲାରେ ମୋଟ ୩୭ ବିଦେଶୀ ପର୍ଯ୍ୟଟକଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି ।

ସମ୍ବଲପୁରରେ  କରୋନାକୁ ନେଇ ଲୋକେ ଖୁବ୍‌ ସଚେତନ ଅଛନ୍ତି । ଗତକାଲି ଗୋଟିଏ ଦିନରେ ୫୩୬ଜଣ ଯାତ୍ରୀ ତାଙ୍କର ଟ୍ରେନ୍‌ ଟିକେଟ୍‌ କ୍ୟାନସଲ କରିଛନ୍ତି । ସେହିଭଳି ସମ୍ବଲପୁର ରେଳମଣ୍ଡଳ ଅଧୀନରେ ଥିବା ୬୨ ଷ୍ଟେସନରେ ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇଛି । ବସ୍‌ଗୁଡ଼ିକୁ ଦିନକୁ ଅତିକମ୍‌ରେ ୩ଥର ସାନିଟାଇଜ୍‌ କରାଯାଉଥିବା ବେଳେ ଓଭରଲୋଡିଂ ରୋକିବାକୁ ପଦକ୍ଷେପ ନେଇଛି ଘରୋଇ ବସ ମାଲିକ ସଂଘ ।

ଯାଜପୁର ବ୍ୟାସନଗର ବିଭିନ୍ନ ଔଷଧ ଦୋକାନ ଉପରେ ଚଢ଼ାଉ କରିଛି ପୋଲିସ । ମାସ୍କ, ସାନିଟାଇଜର, ହ୍ୟାଣ୍ଡଓ୍ବାସ୍ କଳାବାଜାରୀ ଅଭିଯୋଗ ପରେ ଜିଲ୍ଲା ଡ୍ରଗ୍‌ ଇନ୍‌ସ୍ପେକ୍ଟରଙ୍କ ନେତୃତ୍ବରେ ଏକ ଟିମ୍‌ ସହରର ବିଭିନ୍ନ ଔଷଧ ଦୋକାନ ବୁଲି ନିର୍ଦ୍ଧାରିତ ମୂଲ୍ୟ ଠାରୁ ଅଧିକ ଦରରେ ଏସବୁ ସାମଗ୍ରୀ ବିକିଲେ ଦୋକାନୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ତାଗିଦ୍‌ କରିଛନ୍ତି ।

ପାରାଦୀପ ପୌରପରିଷଦ ପକ୍ଷରୁ ସହରର ବିଭିନ୍ନ ସ୍ଥାନରେ ସଚେତନମୂଳକ କାର୍ଯ୍ୟକ୍ରମ କରାଯାଇଛି । ବସଷ୍ଟାଣ୍ଡରେ ଯାତ୍ରୀ ଓ ବସ୍‌ କର୍ମଚାରୀଙ୍କୁ ହାତଧୋଇ ବସ୍‌ରେ ଯାତ୍ରା କରିବାପାଇଁ ପରାମର୍ଶ ଦିଆଯାଇଛି ।

ସେପଟେ ଭଦ୍ରକରେ ମହାମାରୀ କରୋନାକୁ ନେଇ ସତର୍କତାମୂଳକ ପଦକ୍ଷେପ ଜାରି ରହିଛି । ରାସନ ସାମଗ୍ରୀ ବିକ୍ରି କରୁଥିବା ମଲଗୁଡ଼ିକରେ ଭିଡ଼ ନିୟନ୍ତ୍ରଣ ସହ ପ୍ରବେଶ ଦ୍ବାର ନିକଟରେ ସାନିଟାଇଜର ରଖାଯାଇଛି କି ନାହିଁ ତା’ର ତଦାରଖ କରିଛନ୍ତି ନୋଡାଲ ଅଫିସର ।

ନିଜେ ସତର୍କ ଓ ସଚେତନ ହୋଇପାରିଲେ ହିଁ କରୋନା ସଂକ୍ରମଣରୁ ରକ୍ଷା ପାଇବା ସହ ଆମ ସମାଜକୁ ମଧ୍ୟ ଏହି ମହାମାରୀ ଭାଇରସ କବଳରୁ ସୁରକ୍ଷା ଦେଇପାରିବା ।

   Related Posts