ଆତଙ୍କୀ ହମାଲାରେ ପୁଲଓ୍ବାମାରେ ୪୪ଜଣ ଭାରତୀୟ ଜବାନଙ୍କ ପ୍ରାଣବଳୀ ଦେଇଥିବା ଘଟଣାରେ ଭାରତ ଦେଇଥିଲା ଜବାବ । ମଙ୍ଗଳବାର ଭୋର ୩.୩୦ରେ ଭାରତର ବାୟୁସେନା ଆତଙ୍କୀ ଶିବିର ଉପରେ ଆକ୍ରମଣ କରି ୩୦୦ରୁ ଉର୍ଦ୍ଧ୍ଵ ଆତଙ୍କୀଙ୍କୁ ମାରିବା ସହ ଆତଙ୍କୀ ସଂଗଠନ ମଧ୍ୟ ଧ୍ଵଂସ କରିଥିଲା ।
ପାକିସ୍ତାନ ନିଜକୁ ଆତଙ୍କବାଦ ସହିତ ସଂପୃକ୍ତ ନାହିଁ କହୁଥିବାବେଳେ ବେଳେ ସେପଟେ ଆତଙ୍କୀ ଆକ୍ରମଣକୁ ନେଇ ପ୍ରତିକ୍ରିୟା ରଖିଥିଲା । ଦେଶରେ ଜରୁରୀକାଳୀନ ପରିସ୍ଥିତି ସାମନା କରିବାକୁ ସେନା ତଥା ଦେଶବାସୀଙ୍କୁ ପରାମର୍ଶଦେବା ଯୁଦ୍ଧ କରିବାକୁ ସଜାଗ ଥିବା କଥା ଏହି ସୂଚାଇଥିଲା ।
ଅପରାହ୍ନରେ ପୁଂଜ ସେକ୍ଟରରେ ପ୍ରବଳ ଗୁଳିଗୋଳା ବର୍ଷଣ କରିବା ଆରମ୍ଭ କରିଛି ପାକିସ୍ତାନ । ଏହାର ପ୍ରତିବାଦରେ ମଧ୍ୟ ମୁହଁତୋଡ଼ ଜବାବ ଦେଇଛି ଭାରତ ।
ଭାରତ-ପାକିସ୍ତାନ ଭିତରେ ଚାଲିଥିବା ଏହି ସମ୍ଭାବ୍ୟ ଯୁଦ୍ଧ ପରିସ୍ଥିତି ପାଇଁ ନିଜ ନୟନ୍ତ୍ରଣରେ ରହିବାକୁ ପରାମର୍ଶ ଦେଇଛନ୍ତି ଇଉରୋପୀୟନ ୟୁନିୟନ , ଚାଇନା, ଅଷ୍ଟ୍ରେଲିଆ । ବାୟୁସେନାର ଆକ୍ରମଣପରେ ସୃଷ୍ଟିହୋଇଥିବା ଯୁଦ୍ଧ ପରିସ୍ଥିତି ପାଇଁ ଉଭୟଦେଶକୁ ଶାନ୍ତ ରହିବାକୁ ପରାମର୍ଶ ଦେଇଛନ୍ତି ଏହିସବୁ ଦେଶ ।
ଆହୁରିମଧ୍ୟ ଆତଙ୍କବାଦକୁ ସମର୍ଥନ ନ କରି ମୂଳପୋଛ କରିବାକୁ ପାକିସ୍ତାନକୁ ପରାମର୍ଶ ଦେଲେ ଅଷ୍ଟ୍ରେଲିଆ ବୈଦେଶିକ ମନ୍ତ୍ରୀ । ଉଭୟଦେଶ ଶାନ୍ତି ଆଚରଣ କରିବାକୁ ପରାମର୍ଶ ଦେଇଛନ୍ତି ୟୁରୋପୀୟନ ୟୁନିୟନ ।
