ନୂଆଦିଲ୍ଲୀ : ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପାକିସ୍ତାନ ଯେଉଁଭଳି ଭାବେ ବିଳିବିଳେଇଥିଲା ଏବଂ ଅନ୍ତର୍ଜାତୀୟ ସ୍ତରେରେ ଏହାକୁ ନେଇ ମୁଦ୍ଦା କରିଥିଲା । ତାହାର କଡା ଯବାବ ଭାରତ ଅନ୍ତର୍ଜାତୀୟ ସ୍ତରରେ ମଧ୍ୟ ଦେଇଥିଲା । ଏହାରି ଭିତରେ ଭାରତରେ ମଧ୍ୟ ଦେଖାଦେଇଥିଲା ଜାମ୍ମୁ କାଶ୍ମୀର ବିରୋଧୀ ମନ୍ତବ୍ୟ । କିଛି ରାଜନୈତିକ ନେତା ମାନେ ଏହାକୁ ନେଇ ଅନେକ ପ୍ରଶ୍ନ ଛିଡା କରିଥିଲେ । କିନ୍ତୁ ଏହାରି ଭିତରେ ଘାଟିରେ ପରିସ୍ଥିତି ଠିକ୍ ଅଛି ବୋଲି ପ୍ରମାଣ ଦେବା ପାଇଁ ସରକାର ନୂଆ ଯୋଜନା ଆପଣାଇଥିଲେ । ଯେଉଁଥିରେ ୟୁରୋପରୁ ଆସିଥିବା ୨୩ ଜଣିଆ ପ୍ରତିନିଧି ଦଳ ଜାମ୍ମୁ କାଶ୍ମୀର ଗସ୍ତ କରି ସେଠାକାର ସ୍ଥିତି ଅନୁଧ୍ୟାନ କରିଛନ୍ତି । କାଶ୍ମୀରରୁ ଧାରା ୩୭୦ ଉଠିବା ପରେ ଏହା ହେଉଛି କୌଣସି ବିଦେଶୀ ପ୍ରତିନିଧିମଣ୍ଡଳର ପ୍ରଥମ କାଶ୍ମୀର ଗସ୍ତ ।
{"id":177109,"width":579,"height":333}ଏହି ପ୍ରତିନିଧିମଣ୍ଡଳରେ ଫ୍ରାନ୍ସ ନ୍ୟାସନାଲ ଫ୍ରଣ୍ଟର ୬ ଜଣ ସାଂସଦ ଥିବା ବେଳେ ପୋଲାଣ୍ଡର ଦକ୍ଷିଣପନ୍ଥୀ ଦଳର ୫ ଜଣ ଓ ବ୍ରିଟେନର ୪ ଜଣ ସାଂସଦ ଅଛନ୍ତି । ପ୍ରଥମେ ସ୍ଥାନୀୟ ପୋଲିସ ପ୍ରଶାନ ପକ୍ଷରୁ ପରିସ୍ଥିତି ସମ୍ପର୍କରେ ଅବଗତ କରାଯାଇଥିଲା । ପରେ ସେମାନେ ଶ୍ରୀନଗର ବୁଲିବାକୁ ଯାଇଥିଲେ । କିନ୍ତୁ ସେମାନଙ୍କୁ କୁପୱାଡା, ଅନନ୍ତନାଗ ପରି ଅଶାନ୍ତ ଅଞ୍ଚଳକୁ ଯିବାକୁ ଅନୁମତି ଦିଆଯାଇନଥିଲା । ଏପଟେ କିନ୍ତୁ ୟୁରୋପୀୟ ସଂଘ ସାଂସଦଙ୍କ ଏହି ଗସ୍ତକୁ ବିରୋଧୀ ମାନେ କଡା ସମାଲୋଚନା କରିଛନ୍ତି । ଭାରତ ସରକାର କଶ୍ମୀରରେ ତୃତୀୟ ପକ୍ଷକୁ ପ୍ରବେଶ କରାଇବା ଏକ ଅପରାଧୀକ ମାମଲା ବୋଲି କଂଗ୍ରେସ ଅଭିଯୋଗ କରିଛି ।
{"id":177110}କାଶ୍ମୀର ଗସ୍ତରେ ଥିବା ୟୁରୋପିୟନ ୟୁନିୟନର ସାଂସଦମାନେ ସାମ୍ବାଦିକ ସମ୍ମିଳନୀ କରି ପାକିସ୍ତାନର ଅପପ୍ରଚାର ଉପରୁ ପରଦା ଉଠାଇଛନ୍ତି । ଏହାସହ ମିଡିଆ ଦ୍ବାରା ସେମାନଙ୍କ ଗସ୍ତକୁ ନେଇ କରାଯାଇଥିବା ଭୁଲ ରିପୋଟିଂକୁ ମଧ୍ୟ ସମାଲୋଚନା କରିଛନ୍ତି । ସାଂସଦମାନେ କହିଛନ୍ତି ଯେ, ସେମାନଙ୍କ ଗସ୍ତକୁ ଭୁଲ ଭାବେ ପ୍ରସାରିତ କରାଯାଇଛି । ସେନାକୁ ଆତଙ୍କବାଦୀଙ୍କ ସହ ମୁକାବିଲା ଲାଗି ନିଆଯାଉଥିବା ପଦକ୍ଷେପ ସମ୍ପର୍କରେ ପଚାରି ବୁଝିଥିଲେ । ଏଣୁ ସେମାନଙ୍କ ଗସ୍ତ ଉପରେ ବିବାଦ ସୃଷ୍ଟି ହେବା ଭୁଲ ଅଟେ ।
{"id":177113}ପ୍ରତିନିଧି ଦଳ ୪୦ ବର୍ଷରେ ୨୦ରୁ ଅଧିକ ଥର ଭାରତ ଆସିଛନ୍ତି । ପାକିସ୍ତାନ ଗସ୍ତରେ ମଧ୍ୟ ଯାଇଛନ୍ତି। କାଶ୍ମୀର ଲୋକମାନେ ଶାନ୍ତି ଏବଂ ବିକାଶ ଚାହାଁନ୍ତି । ଆତଙ୍କବାଦ ଏକ ଅନ୍ତରାଷ୍ଟ୍ରୀୟ ସମସ୍ୟା । ଆତଙ୍କବାଦ ଯେକୌଣସି ଦେଶକୁ ଧ୍ବଂସ କରିପାରେ । ଏହା ଉପରେ ପ୍ରତିବନ୍ଧକ ଲାଗୁ ହେବା ଦରକାର । ଆମେ ଦ୍ବିତୀୟ ଆଫଗାନୀସ୍ତାନ ଦେଖିବାକୁ ଚାହୁଁନୁ । ଏହା ସହ ମଙ୍ଗଳବାର କୁଲଗାମରେ ହୋଇଥିବା ପାଞ୍ଚ ଜଣ ଶ୍ରମିକଙ୍କ ହତ୍ୟା ନେଇ ଦୁଃଖ ପ୍ରକଟ କରିଛନ୍ତି ୟୁରୋପୀୟ ପ୍ରତିନିଧି ଦଳ।