Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ମହଙ୍ଗା ପଡିଲା ପାକିସ୍ତାନ ଲାଗି ଗୁଇନ୍ଦାଗିରି, ହାୱଲା ଅପରେଟର ସମେତ ଭାରତୀୟ ନୌସେନାର ୭ କର୍ମଚାରୀ ଗିରଫ

20/12/2019 at 4:04 PM

ବିଶାଖାପାଟଣା ୨୦।୧୨: ଭାରତୀୟ ନୋସେନାରେ ଚାକିରୀ କରି ପାକିସ୍ତାନ ଲାଗି ଗୁଇନ୍ଦାଗିରି କରୁଥିବା ରାକେଟ୍‌ର ପର୍ଦ୍ଦାଫାସ କରିଛି ଆନ୍ଧ୍ରପ୍ରଦେଶ ପୋଲିସ। ମାମଲାରେ ପୋଲିସ ଦେଶର ବିଭିନ୍ନ ସ୍ଥାନରୁ ଜଣେ ହାୱଲା ଅପରେଟର ସମେତ ମୋଟ ୭ ଜଣ ନୌସେନା ଅଧିକାରୀ ଓ କର୍ମଚାରୀଙ୍କୁ ଗିରଫ କରିଛି।

ଏ ନେଇ ପୋଲିସ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇଥିବା ବେଳେ  ପୋଲିସ ଓ ନୌସେନା ଇଣ୍ଟେଲିଜେନ୍ସୀର ମିଳିତ କାର୍ଯ୍ୟକ୍ରମ ‘ଅପରେସନ ଡଲଫିନ ନୋଜ୍’ରେ ପାକିସ୍ତାନ ଲାଗି ଗୁଇନ୍ଦାଗିରି କରୁଥିବା ଏହି କର୍ମଚାରୀ ଓ ଅଧିକାରୀମାନଙ୍କୁ ଗିରଫ କରାଯାଇଛି। ସେମାନଙ୍କୁ ଶୁକ୍ରବାର କୋର୍ଟରେ ହାଜର କରାଯାଇଥିବା ବେଳେ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ମାମଲାର ତଦନ୍ତ ଏବେ ଜାରି ଥିବା ବେଳେ ପୋଲିସ ଘଟଣା ନେଇ ବିସ୍ତୃତ ସୂଚନା ଦେଇନାହିଁ । ତେବେ କିଛି ସନ୍ଦିଗ୍ଧଙ୍କୁ ଏବେବି ପଚରା ଉଚୁରା କରାଯାଉଥିବା ଜଣାପଡିଛି। ଏଣୁ ପାକିସ୍ତାନ ଲାଗି ଗୁଇନ୍ଦାଗିରି ମାମଲାରେ ଆହୁରି କିଛି ନୌସେନା ଅଧିକାରୀ ଓ କର୍ମଚାରୀ ଗିରଫ ହୋଇପାରନ୍ତି ବୋଲି ଆଶଙ୍କା କରାଯାଉଛି।

ନୌସେନା ଇଣ୍ଟେଲିଜେନସ ୱିଙ୍ଗ ସହ କେନ୍ଦ୍ରୀୟ ଗୁଇନ୍ଦା ବିଭାଗ ଓ ପୋଲିସ ଗୁପ୍ତଚର ବିଭାଗ ମାମଲାର ମିଳିତ ତଦନ୍ତ କରୁଥିବା ବେଳେ ଭାରତୀୟ ନୌସେନାର କିଛି କର୍ମଚାରୀଙ୍କ ଉପରେ ସନ୍ଦେହ ଉପୁଜିଥିଲା। ଏମାନେ ଗୁପ୍ତ ସୈନ୍ୟ ସୂଚନା ଆଦାନପ୍ରଦାନ କରି ହାୱଲା ଅପରେଟର ମାଧ୍ୟମରେ ବିପୁଳ ଅର୍ଥ ବି ପାଉଥିଲେ ବୋଲି ପ୍ରାରମ୍ଭିକ ତଦନ୍ତରୁ ଜଣାପଡିଛି।

   Related Posts