କେନ୍ଦ୍ରାପଡା ୧୦|୧୦: ୧୯୯୯ ମହାବାତ୍ୟାର ତାଣ୍ଡବ ଏବେବି ମନରୁ ଲିଭିନଥିବାବେଳେ ପୁଣି ଏକ ବାତ୍ୟାକୁ ନେଇ ଆତଙ୍କିତ କେନ୍ଦ୍ରାପଡ଼ା ଜିଲ୍ଲାବାସୀ । କେନ୍ଦ୍ରାପଡ଼ା ଜିଲ୍ଲାକୁ ରେଡ୍  ୱାର୍ଣ୍ଣିଂ ଜାରି କରାଯାଇଛି । ପ୍ରଶାସନ ପକ୍ଷରୁ ଏଥିପାଇଁ ବ୍ୟାପକ ପ୍ରସ୍ତୁତି କରାଯାଇଛି । ଜିଲ୍ଲାରେ ସବୁ ସ୍କୁଲ କଲେଜକୁ ଛୁଟି ଘୋଷଣା କରାଯାଇଛି ।  ସକାଳୁ ବର୍ଷା ଆରମ୍ଭ ହୋଇଯାଇଥିବା ବେଳେ ଉପକୂବଳବାସୀ ବାତ୍ୟା ‘ତିତଲି’କୁ ନେଇ ଏବେ ଲୋକେ ଆତଙ୍କିତ । ବାତ୍ୟାକୁ ଆଖିଆଗରେ ରଖି ଉପକୂଳ ଅଞ୍ଚଳବାସୀ ଘରେ ଶୁଖିଲା ଖାଦ୍ୟ ମହଜୁଦ ରଖିଛନ୍ତି । ତେବେ ବାତ୍ୟାକୁ ମୁକାବିଲା କରିବା ପାଇଁ ଜିଲ୍ଲା ପ୍ରଶାସନ ସମସ୍ତ ବ୍ୟବସ୍ଥା କରିବା ସହ ସଜାଗ ରହିଛି ।