Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଇଞ୍ଜିନିୟର ୪୨୦ : ୫ ଦିନ ମଧ୍ୟରେ ୨ ଯୁବତୀଙ୍କୁ କଲେ ବିବାହ, ଧରା ପଡିବା ପରେ ହେଲେ ଫେରାର

21/12/2020 at 10:26 AM

ଇନ୍ଦୋର, ୨୧/୧୨: ମଧ୍ୟପ୍ରଦେଶରେ ଜଣେ ସଫ୍ଟଓୟାର ଇଞ୍ଜିନିୟର ୫ ଦିନରେ ଦୁଇଜଣ ଯୁବତୀଙ୍କୁ ବିବାହ କରିଛନ୍ତି । ତେବେ ଧରା ପଡିବା ପରେ ସେ ଫେରାର ହୋଇଯାଇଥିବା ଜଣାପଡିଛି । ଅଭିଯୁକ୍ତ ୨୬ ବର୍ଷୀୟ ଇଞ୍ଜିନିୟର ଇନ୍ଦୋରର ମୁସାଖେଡିରେ ରୁହନ୍ତି ।

ଅଭିଯୋଗ ଅନୁସାରେ ଇଞ୍ଜିନିୟରଜଣଙ୍କ ଡିସେମ୍ବର ୨ ତାରିଖରେ ଖଣ୍ଡବାରେ ଜଣେ ମହିଳାଙ୍କ ବିବାହ କରିଥିଲେ । ଏହାପରେ ସେ ୭ ତାରିଖରେ ଇନ୍ଦୋରର ମହୁରେ ମଧ୍ୟ ଜଣେ ଯୁବତୀଙ୍କ ସବ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଖଣ୍ଡବା ରହୁଥିବା ମହିଳାଙ୍କ ପରିବାର ଯୁବକଙ୍କ ବାବଦରେ ସତ ଜାଣିପାରି ଅଭିଯୋଗ କରିଛନ୍ତି ।

ପରିବାର ତରଫରୁ ଥାନାରେ ଦିଆଯାଇଥିବା ଏତଲାରେ କୁହାଯାଇଛି ଯେ, ଇଞ୍ଜିନିୟର ଜଣଙ୍କ ଡିସେମ୍ବର ୨ରେ ବିବାହ ପରେ ୭ ତାରିଖରେ ଆଉ ଥରେ ବିବାହ କରିବାକୁ ମହୁରେ ପହଁଚିଥିଲେ । ଏହି ସମୟରେ ସେଠାରେ ଉପସ୍ଥିତ ଜଣେ ସମ୍ପର୍କୀୟ ଫଟୋ ଉଠାଇଥିଲେ । ଏହି ଫଟୋ ପ୍ରଥମ ପତ୍ନୀଙ୍କ ପରିବାର ଲୋକେ ପାଇବା ପରେ ସତ ସାମ୍ନାକୁ ଆସିଥିଲା ।

ସେମାନେ ଆହୁରି ଅଭିଯୋଗ କରିଛନ୍ତି ଯେ, ବିବାହରେ ପ୍ରାୟ ୧୦ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା । ଯୌତୁକରେ ଅନେକ ସାମଗ୍ରୀ ପ୍ରଦାନ କରାଯାଇଥିଲା । ବିବାହ ପରେ ଅଭିଯୁକ୍ତ ନବବଧୁକୁ ନେଇ ଇନ୍ଦୋର ଯାଇଥିଲା । ସେଠାରେ ପହଁଚିବା ପରେ ଇଞ୍ଜିନିୟରଜଣଙ୍କ ଭୋପାଳ ଯିବା ନାଁରେ ମହୁରେ ଆଉ ଥରେ ବିବାହ କରିଥିଲେ ।

ସତ ସାମ୍ନାକୁ ଆସିବା ପରେ ଅଭିଯୁକ୍ତ ଫେରାର ହୋଇଯାଇଛନ୍ତି । ପୋଲିସ ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ।

   Related Posts