Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଏକତରଫା ପ୍ରେମ କରି ଛେଚା ଖାଇଲେ ଇଞ୍ଜିନିୟର : ଯୁବତୀଙ୍କ ହଷ୍ଟେଲ ଆଗରେ ଉତ୍ପାତ କରୁଥିଲେ, ପିଟିଲେ ସ୍ଥାନୀୟ ଲୋକେ

30/11/2020 at 12:18 PM

କଣିହାଁ,୩୦/୧୧: ଅନୁଗୋଳ ଜିଲ୍ଲା ଏନ୍‌ଟିପିସି ୪ ନମ୍ବର ହଷ୍ଟେଲ୍‌ ସମ୍ମୁଖରେ ରବିବାର ପୂର୍ବାହ୍ନରେ ଏକ ଅଭାବନୀୟ ଘଟଣା ଦେଖିବାକୁ ମିଲିଛି । ଯାହା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି। ଏଠାରେ ଜଣେ ଯୁବତୀଙ୍କୁ ପ୍ରେମିକା ବୋଲି ଦାବି କରିବା ମହଙ୍ଗା ପଡିଛି ଜୈନିକ ଯୁବ ଇଂଜିନିୟରଙ୍କୁ । ସ୍ଥାନୀୟ ଲୋକ ଇଞ୍ଜିନିୟରଙ୍କୁ ନିର୍ଧୂମ ଛେଚିବା ସହ ପୋଲିସରେ ଅଭିଯୋଗ କରିଛନ୍ତି ।

 ସୂଚନାନୁସାରେ,  ବିହାର ଅଞ୍ଚଳର ରୂପେଶ କୁମାର ନାମକ ଜଣେ ଯୁବକ ଏନଟିପିସିରେ ଇଂଜିନିୟର ଭାବେ କାମ କରୁଥିଲେ । ଗତ ଦୁଇ ମାସ ହେଲା ସେ ଏଠାରୁ ଚାକିରି ଛାଡ଼ି ବେହ୍ଗାଲୁରୁ ଚାଲି ଯାଇଥିଲେ ।  ରବିବାର ଦିନ ସକାଳେ ସେ ଏନଟିପିସି ହଷ୍ଟେଲ୍‌ ସାମ୍ନାକୁ ଆସି ଜଣେ ମହିଳା କର୍ମଚାରୀଙ୍କୁ ନିଜର ପ୍ରେମିକା ବୋଲି ଦାବି କରିଥିଲେ । ହଷ୍ଟେଲ୍‌ ସମ୍ମୁଖରେ ରୂପେଶ ବସି ରହି ପାଟିତୁଣ୍ଡ କରିଥିଲେ । ଫଳରେ ସେଠାରେ ଏକ ଅପ୍ରୀତିକର ପରିସ୍ଥିତି ଉପୁଜିଥିଲା । ରୂପେଶ ସେଠାରୁ ନଯିବାରୁ ସୁରକ୍ଷାକର୍ମୀ ତାଙ୍କୁ ବାନ୍ଧି ପକାଇଥିଲେ । କିଛି ସମୟରେ ତାଙ୍କୁ ଖୋଲିଦିଆଯାଇଥିଲା । କିନ୍ତୁ ତାଙ୍କର ଉତ୍ପାତ ଆହୁରି ବଢିଥିଲା। ଏପରିକି ସେ ସ୍ଥାନୀୟ କିଛି ଲୋକଙ୍କୁ ମାରପିଟ୍ ସହ ଗାଳିଗୁଲଜ କରିଥିଲେ । ଏହାପରେ ସ୍ଥାନୀୟ ଲୋକେ ତାଙ୍କୁ ଧରି ନିସ୍ତୁକ ମାଡ ମାରିଥିଲେ । ମାଡ଼ରେ ତାଙ୍କର ହାତ ଅଙ୍ଗୁଳି ଭାଙ୍ଗି ଯାଇଥିବା ଜଣାପଡିଛି । ଖବର ପାଇ ସ୍ଥାନୀୟ ପୋଲିସ୍‌ ଘଟଣାସ୍ଥଳରେ ପହଞ୍ଚି ରୂପେଶ କୁମାରଙ୍କୁ କାବୁ କରିଥିଲା । ଚିକିତ୍ସା ପାଇଁ ତାଙ୍କୁ କଣିହାଁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଅପରପକ୍ଷେ, ରୂପେଶଙ୍କ ହରକତରେ ଅତିଷ୍ଠ ହୋଇ ଯୁବତୀଜଣଙ୍କ ଥାନାରେ ଏଫଆଇଆର ଦେଇଛନ୍ତି। ଥାନାରେ କୌଣସି ମାମଲା ହୋଇନାହିଁ ବୋଲି ପୋଲିସ୍‌ କହିଛି । ଅଭିଯୋଗକାରିଣୀ ଯୁବତୀଙ୍କ ଘର ପଶ୍ଚିମବଙ୍ଗରେ ବୋଲି ଜଣାପଡ଼ିଛି । ପୋଲିସ ରୂପେଶଙ୍କ ପରିବାର ଲୋକଙ୍କୁ ଡକାଇଛି । ସେପଟେ ଯୁବତୀ ମଧ୍ୟ ମାମଲା ଆଗକୁ ନବଢାଇବାକୁ କହୁଥିବା ସୂଚନା ମିଳିଛି ।

   Related Posts