Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଆସନ୍ତା ବର୍ଷ ଜୁଲାଇରେ ଖେଳାଯିବ ପଞ୍ଚମ ଟେଷ୍ଟ, ସିରିଜ୍‌ରେ ୨-୧ରେ ଅଗ୍ରଣୀ ରହିଛି ଭାରତ

22/10/2021 at 6:45 PM

ନୂଆଦିଲ୍ଲୀ ୨୨।୧୦: ଭାରତ ଓ ଇଂଲଣ୍ଡ ମଧ୍ୟରେ ସ୍ଥଗିତ ପଞ୍ଚମ ଟେଷ୍ଟ ଆସନ୍ତା ବର୍ଷ  ଜୁଲାଇ ମାସରେ ଖେଳାଯିବ। ଇଂଲଣ୍ଡ ଆଣ୍ଡ ଓ୍ଵେଲ୍ସ କ୍ରିକେଟ୍ ବୋର୍ଡ ଶୁକ୍ରବାର ଏହାର ସୂଚନା ଦେଇଛି। ମାଞ୍ଚେଷ୍ଟରରେ ଖେଳାଯିବାକୁ ଥିବା ଏହି ନିର୍ଣ୍ଣାୟକ ଟେଷ୍ଟ ଆରମ୍ଭ ହେବାର କିଛି ସମୟ ପୂର୍ବରୁ କରୋନା କାରଣରୁ ସ୍ଥଗିତ କରିବାକୁ ପଡିଥିଲା। ଏହାକୁ ନେଇ ସଂଶୟ ଲାଗି ରହିଥିଲା ଯେ, ଇସିବି ଏହା ଉପରେ କେବେ ସ୍ଥିତି ସ୍ପଷ୍ଟ କରିବ।

ଇସିବି ଶୁକ୍ରବାର ଆନୁଷ୍ଠାନିକ ଭାବେ ଇଂଲଣ୍ଡ ଓ ଭାରତ ମଧ୍ୟରେ ପଞ୍ଚମ ଟେଷ୍ଟ ମ୍ୟାଚ୍‌ର ପୁନଃ କାର୍ଯ୍ୟସୂଚୀ ଜାରି କରିଛି। ଏହାର ଆୟୋଜନ ୨୦୨୨ ଜୁଲାଇ ମାସରେ ଖେଳାଯିବ। ଇସିବି ପକ୍ଷରୁ ଜାରି ପ୍ରେସ ବିବୃତିରେ କୁହାଯାଇଛି ଯେ, ମାଞ୍ଚେଷ୍ଟରରେ ଖେଳାଯିବାକୁ ଥିବା ପଞ୍ଚମ ଟେଷ୍ଟ ମ୍ୟାଚ୍‌ରେ ଭାରତ କରୋନା ମହାମାରୀ କାରଣରୁ ନିଜ ଟିମ୍‌କୁ ମଇଦାନକୁ ଓହ୍ଲାଇ ପାରିନଥିଲା। ଏହି କାରଣରୁ ମ୍ୟାଚ୍ ସ୍ଥଗିତ ରଖିବାକୁ ପଡିଥିଲା। ହେଲେ ଏହାର ଆୟୋଜନ ୨୦୨୨ ଜୁଲାଇରେ ଏଜବାଷ୍ଟନରେ ହେବ।

ସୂଚନାଯୋଗ୍ୟ, ଭାରତ ଓ ଇଂଲଣ୍ଡ ମଧ୍ୟରେ ଏହି ଟେଷ୍ଟ ସିରିଜ୍ ବିଶ୍ଵ ଟେଷ୍ଟ ଚାମ୍ପିଅନସିପର ଅଂଶ। ଦୁଇ ଦଳ ମଧ୍ୟରେ ଚଳିତ ବର୍ଷ ଅଗଷ୍ଟ ୪ରୁ ସେପ୍ଟେମ୍ବର ୪ ତାରିଖ ମଧ୍ୟରେ ୪ ଟେଷ୍ଟ ଖେଳାଯାଇଛି। ପ୍ରଥମ ମ୍ୟାଚ୍ ବର୍ଷା କାରଣରୁ ଡ୍ର ରହିଥିବା ବେଳେ ଭାରତ ଦ୍ଵିତୀୟ ଏବଂ ଚତୁର୍ଥ ଟେଷ୍ଟ ଜିତିଥିଲା। ଇଂଲଣ୍ଡ ତୃତୀୟ ଟେଷ୍ଟ ଜିତିବାରେ ସଫଳ ହୋଇଥିଲା। ବର୍ତ୍ତମାନ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ରେ ଭାରତ ୨-୧ରେ ଅଗ୍ରଣୀ ରହିଛି।

   Related Posts