Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଜୁଳି ପାଇଁ ତାତିଲେଣି ଲୋକେ : ୧୨ ତାରିଖ ସୁଦ୍ଧା ସମଗ୍ର ଭୁବନେଶ୍ବରକୁ ବିଜୁଳି ଦେବା ଲକ୍ଷ୍ୟରୁ ଓହରିଲା ଶକ୍ତି ବିଭାଗ, କହିଲା ୧୨ ତାରିଖ ସୁଦ୍ଧା ୯୦ ପ୍ରତିଶତ ହିଁ ଦିଆଯାଇପାରିବ

10/05/2019 at 8:11 PM

ଭୁବନେଶ୍ବର୧୦|୫: ୧୨ ତାରିଖ ସୁଦ୍ଧା ଭୁବନେଶ୍ବରକୁ ସମ୍ପୂଣ୍ଣ ଆଲୋକିତ କରିବାକୁ ଲକ୍ଷ୍ୟ ଧାର୍ଯ୍ୟ କରିଥିଲା ଶକ୍ତି ବିଭାଗ ।  ହେଲେ ୯୦ ପ୍ରତିଶତ କାର୍ଯ୍ୟ ଶେଷ ହେବ ବୋଲି କହିଛି । ଏକଥା ନିଜେ ସ୍ବୀକାର କରିଛନ୍ତି ଶକ୍ତି ବିଭାଗ ସଚିବ ହେମନ୍ତ ଶର୍ମା । ଏପଟେ ଦିନି ଦିନ ଗଡୁଥିବା ଦେଖି ବଢ଼ିଲାଣି ଅସନ୍ତୋଷ ଆଉ ତାତିଲେଣି ଲୋକେ । ଇଲେକ୍ଟ୍ରି ଅଫିସ ଘେରାଉ କରିବା ସହ ଜାତୀୟ ରାଜ ପଥ ଅବରୋଧ କରିଛନ୍ତି ରାଜଧାନୀ ବାସୀ । ସେମାନଙ୍କ ଗୋଟିଏ ଦାବି ତୁରନ୍ତ ବିଜୁଳି ଦିଅ।

୧୨ ତାରିଖ ସୁଦ୍ଧା ପୂରା ଆଲୋକିତ ହୋଇପାରିବନି ରାଜଧାନୀ । ଏକଥା ମାନିଛନ୍ତି ଶକ୍ତି ବିଭାଗ ସଚିବ ହେମନ୍ତ ଶର୍ମା । କାରଣ ଆଗରୁ ସାମ୍ବାଦିକ ସମ୍ମିଳନୀରେ ୧୨ ତାରିଖ ସୁଦ୍ଧା ଭୁବନେଶ୍ବର ସମ୍ପୂର୍ଣ୍ଣ ବିଦ୍ୟୁତ ସଂଯୋଗ ଦିଆଯିବ ବୋଲି ଆଶ୍ବାସନା ଦେଇଥିଲେ ସୂଚନା ଓ ଲୋକ ସମ୍ପର୍କ ସଚିବ ସଞ୍ଜୟ ସିଂ ।  ଏବେ ଶକ୍ତି ବିଭାଗ ସଚିବଙ୍କ ମୁହଁରେ କୁହାଇଥିବା କଥା ନିଜେ ରଖିପାରିନି । କାରଣ ଆଜି ସୁଦ୍ଧା ୮୦ ପ୍ରତିଶତ କାମ ସାରିବାକୁ ଶକ୍ତି ବିଭାଗ ଲକ୍ଷ୍ୟ ରଖିଥିଲା ବର୍ତ୍ତମାନ ସୁଦ୍ଧା ସେ ଲକ୍ଷ୍ୟ ବି ପୂରଣ କରିପାରିନି । ୧୨ ତାରିଖ ସୁଦ୍ଧା ୯୦ ପ୍ରତିଶତ ହେବ ବୋଲି କହିଛନ୍ତି ଶକ୍ତି ସଚିବ । ଏପରିକି ଭୁବନେଶ୍ବରରେ ଅନେକ ଅଞ୍ଚଳରେ ବିଜୁଳି ଦିଆଯାଇଥିଲେ ବି ବିଦ୍ୟୁତ ଉପଭୋକ୍ତା ମାନେ ତାର ଫାଇଦା ଉଠାଇ ପାରିନାହାନ୍ତି।  କାରଣ ବଦ୍ୟୁତ ଉପୋଭକ୍ତଙ୍କ ଘର ପର୍ଯ୍ୟନ୍ତ ବିଜୁଳି ସଂଯୋଗ ହୋଇପାରିନାହିଁ। ଏବେ ଅଭି​‌ଯୋଗ ଆସିବା ୨୦୦ ଆଇଟିଆଇ ଛାତ୍ର ନିୟୋଜିତ କରାଯାଇଛି।

ଶକ୍ତି ବିଭାଗର ଅବହେଳା ପାଇଁ ଲୋକେ ତାତିଲେଣି। ପୁରୀରୁ ରାଜଧାନୀ ସବୁଠି ଜନ ଅସନ୍ତୋଷ ଦେଖିାବାକୁ ମିଳୁଛି। କେଉଁଠି ରାସ୍ତାରୋକ ତ ଆଉ କେଉଁଠି ଜେଇଙ୍କୁ ଉଠାଇଲେଣି, ସ୍ଥାନୀୟ ଇଲେକ୍ଟ୍ରି ଅଫିସରେ ପସି ଭଙ୍ଗରୁଜା କଲେଣି। ଅସହ୍ୟ ଗରମ ଓ ଗୁଳୁଗୁଳିରେ ଷଢ଼ୁଛନ୍ତି ଲୋକେ । ଯେଉଁଥିପାଇଁ ଆଜି ଗ୍ୟାରେଜ ଛକରେ  ଜାତୀୟ ରାଜପଥକୁ ବନ୍ଦ କରିଥିଲେ ଲୋକେ । ଗୋଟିଏ  ଦାବି ବିଦ୍ୟୁତ ଦିଅ ।

ଜନ ଅସନ୍ତୋଷ ବଢ଼ୁଥିବା ଦେଖି ସରକାର ବାହାର ରାଜ୍ୟରୁ ଲୋକ ଆଣି କାମରେ ଲାଗାଇଛନ୍ତି । ବର୍ତ୍ତମାନ ସୁଦ୍ଧା ୪ହଜାର କର୍ମଚାରୀ ବାହାରୁ ଆସି କାମରେ ଲାଗିଛନ୍ତି। ଆଜି କେରଳରୁ କିଛି ବିଦ୍ୟୁତ ଶ୍ରମିକ ଆସିଛନ୍ତି। ସେମାନଙ୍କୁ ପୁରୀରେ ନିୟୋଜିତ କରାଯିବ। ଧାରଣ ନଦେଇ, ଗଣ୍ତଗୋଳ  ନକରି ପୁନଃରୁଦ୍ଧାର କାର୍ଯ୍ୟରେ ସହଯୋଗ କରିବାକୁ ଅନୁରୋଧ କରିଛି ଶକ୍ତି ବିଭାଗ।

   Related Posts