ଶ୍ରୀନଗର ୦୮।୦୪: ଆତଙ୍କବାଦୀ-ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ । ଜାମ୍ମୁ-କାଶ୍ମୀର ବାରାମୁଲ୍ଲା ଜିଲ୍ଲାର ସୋପାରରେ ଏନ୍କାଉଣ୍ଟର ଜାରି ରହିଛି । ତେବେ ଜାମ୍ମୁ-କାଶ୍ମୀର ପୋଲିସ , ସିଆର୍ପିଏଫ୍ ଓ ଭାରତୀୟ ସେନା ଏହି ଅପରେସନରେ ନିୟୋଜିତ ଅଛନ୍ତି । ଉଭୟ ପକ୍ଷଙ୍କ ମଧ୍ୟରେ ଗୁଳିବିନିମୟ ଜାରି ରହିଛି ।
wp:core-embed/twitter {"url":"https://twitter.com/ANI/status/1247774555680026624","type":"rich","providerNameSlug":"twitter","className":""} /wp:core-embed/twitterସୂଚନାଯୋଗ୍ୟ ଯେ, ବୁଧବାର ଦିନ କିଛି ଆତଙ୍କବାଦୀ ସୋପାର ଅଞ୍ଚଳରେ ଲୁଚିରହିଥିବାର ପୋଲିସ ଓ ସେନା ବାହିନୀଙ୍କୁ ସୂଚନା ମିଳିଥିଲା । ତେବେ ସୂଚନା ମିଳିବା ମାତ୍ର ସେନା ଓ ସ୍ଥାନୀୟ ପୋଲିସ ସମ୍ପୂର୍ଣ୍ଣ ଅଞ୍ଚଳକୁ ଘେରିଯାଇଥିଲା । ଏବଂ ଅପରେସନ ଆରମ୍ଭ କରିଥିଲା । ତେବେ ପୂରା ଅଞ୍ଚଳକୁ ସେନା ଘେରିଥିବାର ଦେଖି ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳିମାଡ କରିଥିଲେ । ସେନା ମଧ୍ୟ ଏହାର କଡା ଜବାବ ଦେଇଥିଲା । ସର୍ଚ୍ଚ ଅପରେସନକୁ ଜୋରଦାର କରାଯାଇଛି । ଏନ୍କାଉଣ୍ଟର ଚାଲିଥିବା ଅଞ୍ଚଳରେ ୪-୫ଜଣ ଆତଙ୍କବାଦୀ ଲୁଚିରହିଥିବା ଅନୁମାନ କରାଯାଉଛି । ଏକ ଘର ଭିତରେ ସମସ୍ତ ଆତଙ୍କବାଦୀ ଲୁଚି ରହିଛନ୍ତି ।