Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ହନ୍ଦୱାଡାରେ ଲଗାତାର ୩ ଦିନ ହେଲା ଚାଲିଛି ଫାଇରିଙ୍ଗ : ୫ ଯବାନ ସହିଦ

3/03/2019 at 12:50 PM

ହନ୍ଦୱାଡା ୩/୩ : କାଶ୍ମୀର ହନ୍ଦୱାଡାରେ ସୁରକ୍ଷାକର୍ମୀ ଏବଂ ଆତଙ୍କବାଦୀଙ୍କ ମଧ୍ୟରେ ଶୁକ୍ରବାର ଠାରୁ ଗୁଳି ବିନିମୟ ଚାଲିଛି | ଆତଙ୍କବାଦୀଙ୍କ ଗୁଳିରେ ସିଆରପିଏଫର ୩ ଯବାନ ସହିଦ ହେବା ସହ ଜାମ୍ମୁ କାଶ୍ମୀର ପୋଲିସର ୨ ଯବାନ ସହିଦ ହୋଇଛନ୍ତି | ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୨ ଆତଙ୍କବାଦୀ ନିହତ ହୋଇଛନ୍ତି | ଆତଙ୍କବାଦୀମାନେ ରହି ରହି ଗୁଳି ବର୍ଷା କରୁଛନ୍ତି | ଗୁଳି ବିନିମୟରେ ଜଣେ ନାଗରିକ ମଧ୍ୟ ନିହତ ହୋଇଥିବା ଜଣାପଡିଛି | ଏହାଛଡା ୭ଜଣ ଆହତ ହୋଇଥିବା ଜଣାପଡିଛି | ପ୍ରଶାସନ ତରଫରୁ ସେହି ଅଂଚଳରେ ମୋବାଇଲ ଇଣ୍ଟରନେଟ ସେବା ବନ୍ଦ କରିବା ସହ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି |


ସହିଦ ସୁରକ୍ଷାକର୍ମୀଙ୍କ ମଧ୍ୟରେ ସିଆରପିଏଫର ଇନ୍ସପେକ୍ଟର ପିନଟୋ, କନେଷ୍ଟବଳ ବିନୋଦ, ରାଜ୍ୟ ପୋଲିସର ୨ କର୍ମୀ ଯଥା, ନସୀର ଅହମଦ ଏବଂ ମୁସ୍ତାଫା ଅଛନ୍ତି | ଉଭୟ ପକ୍ଷର ଗୁଳି ବିନିମୟରେ ପ୍ରାଣ ହରାଇଥିବା ନାଗରିକଙ୍କ ପରିଚୟ ୱଶିମ ଅହମଦ |


ବାବଗୁଣ୍ଡ ଗାଁରେ ଆତଙ୍କବାଦୀ ଲୁଚି ରହିଥିବା ଖବର ପାଇବା ପରେ ଗୁରୁବାର ରାତି ପ୍ରାୟ ୮ଟା ବେଳେ ସୁରକ୍ଷାକର୍ମୀ ସ୍ଥାନୀୟ ଅଂଚଳକୁ ଘେରି ଯାଇଥିଲେ | ରାତି ପ୍ରାୟ ଗୋଟାଏ ବେଳେ ସୁରକ୍ଷାକର୍ମୀ ଗାଁର ଏକ ଭିତିରି ଜାଗାକୁ ଯିବାବେଳେ ଆତଙ୍କବାଦୀ ଗୁଳି ଚଳାଇଥିଲେ | ସୁରକ୍ଷାକର୍ମୀ ଆତଙ୍କବାଦୀଙ୍କୁ ଆତ୍ମସମର୍ପଣ କରିବା ପାଇଁ କହିଥିଲେ | କିନ୍ତୁ ସେମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ | ଉଭୟ ପକ୍ଷର ଗୁଳି ବିନିମୟରେ ଆତଙ୍କବାଦୀ ଲୁଚି ରହିଥିବା ଘର ସମ୍ପୂର୍ଣ କ୍ଷତିଗ୍ରସ୍ତ ହୋଇଯାଇଥିଲା | ଭଙ୍ଗା ଘର ତଳେ ଆତଙ୍କବାଦୀ ମରି ପଡିଥିବା ଭାବି ସୁରକ୍ଷାକର୍ମୀ ସେମାନଙ୍କ ମୃତଦେହ ବାହାର କରିବା ପାଇଁ ପାଖକୁ ଯିବାରୁ ଅଚାନକ ଘଙ୍ଗା ଘର ତଳୁ ଉଠି ଆତଙ୍କବାଦୀମାନେ ପୁଣି ଗୁଳି ଚଳାଇଥିଲେ |


ଅଚାନକ ଗୁଳି ଚଳାଇବାରୁ ୪ ଯବାନ ଗୁରୁତର ଆହତ ହୋଇଥିଲେ | ଅନ୍ୟ ଯବାନ ତୁରନ୍ତ ନିଜ ପୋଜିସନକୁ ଯାଇ ଫାଇରିଙ୍ଗ ଆରମ୍ଭ କରିଥିଲେ | ଗୁରୁତର ଆହତ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଥିଲେ | ଆତଙ୍କବାଦୀ ଏବେ ଅଲଗା ଘରେ ଶରଣ ନେଇଥିବା ଜଣାପଡିଛି |

   Related Posts