Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

କରୋନାର କରୁଣ ଚିତ୍ର: ଟଙ୍କା ଥାଇ ବି ଲୋକେ ଅସହାୟ, ଡାକ୍ତର କହିଲେ ଚିକିତ୍ସା ଚାଲିଛି, ୱାର୍ଡ ବଏ ଖୋଲିଦେଲେ ପୋଲ୍

25/04/2021 at 1:22 PM

ନୂଆଦିଲ୍ଲୀ ୨୫/୦୪ : କରୋନା କାଳରେ ଲୋକେ ତ ମାରୁଛନ୍ତି କିନ୍ତୁ ମାନବିକତା ମଧ୍ୟ ମାରିବାକୁ ବସିଲାଣି। କେଉଁଠି ଅକ୍ସିଜେନ ପାଇଁ ହାହାକାର ଖେଳିଯାଇଛି ତ କେଉଁଠି ରେମଡେସିଭିର କଳାବଜାରୀ ପାଇଁ ଲୋକଙ୍କ ପ୍ରାଣବାୟୁ ଉଡିଯାଉଛି। ଉତ୍ତର ପ୍ରଦେଶ, ମହାରାଷ୍ଟ୍ର, ବିହାର, ଦିଲ୍ଲୀ ସବୁଠି କରୋନାର କରୁଣ ଚିତ୍ର ଦେଖିବାକୁ ମିଳୁଛି। କିଏ ଟଙ୍କା ଅଭାବରୁ ନିଜ ଲୋକଙ୍କୁ ବଞ୍ଚାଇ ପାରୁନାହିଁ ତ କାହା ପାଖରେ ଟଙ୍କା, ପାୱାର ସବୁ ଥାଇ ମଧ୍ୟ ନିଜ ଆତ୍ମୀୟଙ୍କୁ ବଞ୍ଚାଇ ପାରୁନି। ଦ୍ୱିତୀୟ ଲହର ସ୍ଥିତି ଅତ୍ୟନ୍ତ ବିକଟାଳ ହୋଇଛି। ଏହିଭଳି ଏକ ଅତ୍ୟନ୍ତ କରୁଣ ଓ ଦୁଃଖଦାୟକ ମାମଲା ସାମ୍ନାକୁ ଆସିଛି। ପ୍ରତିଦିନ ଅନେକ ହୃଦୟ ବିଦାରକ ମାମଲା ନଜରକୁ ଆସୁଛି।

ମେରଠରେ ସଂଗୀତ ଉପକରଣ ବ୍ୟବସାୟୀ ସୁନୀଲ ଗୁପ୍ତା(୫୭)ଙ୍କର ହସ୍ପିଟାଲରେ କୋଭିଡ ୱାର୍ଡରେ ମୃତ୍ୟୁ ହୋଇଛି। ପରିବାର ଲୋକ ଅଭିଯୋଗ କରିଛନ୍ତି ଯେ ଡାକ୍ତର ଭେଣ୍ଟିଲେଟରରେ ସୁନୀଲଙ୍କ ଚିକିତ୍ସା ହେଉଥିବା ଭରସା ଦେଇଥିଲେ। କିନ୍ତୁ କୋଭିଡ ୱାର୍ଡ ବଏ ଶବର ଫଟୋ ଦେଖାଇ ସବୁ ପୋଲ ଖୋଲି ଦେଇଛନ୍ତି। ସୁନୀଲ ଗୁପ୍ତାଙ୍କୁ ଦୁଇ ଦିନ ପୂର୍ବରୁ ହସ୍ପିଟାଲର କୋଭିଡ ୱାର୍ଡରେ ଭର୍ତ୍ତି କରାଯାଇଥିଲା। ସୁନୀଲଙ୍କ ପୁଅ କହିଛନ୍ତି ଯେ ଭର୍ତ୍ତି ହେବାପରେ ହସ୍ପିଟାଲରୁ ତାଙ୍କର ସ୍ୱାସ୍ଥ୍ୟବସ୍ଥା ସମ୍ପର୍କରେ କିଛି ଖବର ମିଳୁନଥିଲା। ତାଙ୍କ ମୋବାଇଲ ବି ବନ୍ଦ ଥିଲା। ଏପରିକି କୋଭିଡ ୱାର୍ଡ କଣ୍ଟ୍ରୋଲ ରୁମରୁ ମଧ୍ୟ ତାଙ୍କୁ କିଛି ସୂଚନା ଦିଆଯାଉନଥିଲା।

ଶନିବାର ସକାଳେ ଘରଲୋକ କୋଭିଡ ୱାର୍ଡକୁ ଯାଇ ଜଣେ ୱାର୍ଡ ବଏ ସହ କଥାବାର୍ତ୍ତା କରିଥିଲେ। ୱାର୍ଡ ବଏ କହିଥିଲା ଯେ ଶୁକ୍ରବାର ରାତି ୮ଟା ରେ ତାଙ୍କ ପିତାଙ୍କ ମୃତ୍ୟୁ ହୋଇସାରିଛି। ପ୍ରମାଣ ହିସାବରେ ସେ ଶବର ଫଟୋ ଦେଖାଇଥିଲେ। ଫଟୋରେ କୌଣସି ଉପଚାର ହେଉନଥିବା ନଜର ଆସିଥିଲା। କିନ୍ତୁ ଡାକ୍ତର ପରିବାର ଲୋକଙ୍କୁ କହିଥିଲେ ଯେ ସୁନୀଲ ଭେଣ୍ଟିଲେଟରରେ ଅଛନ୍ତି। ସତ ଜାଣିବା ପରେ ପରିବାର ଲୋକେ ହଙ୍ଗାମା କରିବା ପରେ ସକାଳ ସାଢେ ୧୦ଟା ସମୟରେ ସୁନୀଲ ଗୁପ୍ତାଙ୍କୁ ମୃତ ଘୋଷିତ କରାଯାଇଥିଲା। ଏନେଇ ବିଜେପି ନେତା ଆଶିଷ ଅଗ୍ରୱାଲ ଉଚ୍ଚ ଅଧିକାରୀଙ୍କୁ ଅଭିଯୋଗ କରିଛନ୍ତି।

   Related Posts