Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ପୋଖରୀରୁ ହାତୀ ଛୁଆର ମୃତଦେହ ଉଦ୍ଧାର, ବେକରେ ରହିଛି କଟା ଦାଗ

13/06/2020 at 9:42 AM

ରାଉରକେଲା ୧୩।୬: ପୋଖରୀରୁ ହାତୀ ଶାବକର ମୃତ ଦେହକୁ ଉଦ୍ଧାର ହୋଇଛି । ରାଉରକେଲା ବନଖଣ୍ଡ କୁଆରମୁଣ୍ଡା ରେଞ୍ଜ ଅନ୍ତର୍ଗତ ଲାଠିକଟା ବୀରକେରା ରୁତୁକୁପେଡି ସଂରକ୍ଷିତ ଜଙ୍ଗଲ ନିକଟସ୍ଥ ସାନଟୋଲା କୁଦରଠାରେ ଥିବା ପୋଖରୀରୁ ବନ ବିଭାଗ ଉଦ୍ଧାର କରିଛି । ମୃତ ଛୁଆ ହାତୀର ବେକରେ କଟା ଦାଗ ରହିଥିବା ବେଳେ ଏହା ହତ୍ୟା ନା ଆଉ କ’ଣ ତାହାର ତଦନ୍ତ କରୁଛି ବନ ବିଭାଗ ।

ସାନଟୋଲା କୁଦର ଗ୍ରାମରେ ଥିବା ପୋଖରୀରେ ୩ ମାସର ମାଈ ହାତୀ ଛୁଆର ଶବ ଦେଖି ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ । ଖବର ପାଇ ରାଉରକେଲା ଏସିଏଫ୍‌ ଦିଲ୍ଲୀପ ସାହୁ ଓ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ପୋଖରୀରୁ ହାତୀର ମୃତଦେହ ଉଦ୍ଧାର କରିଥିଲେ । ଉଦ୍ଧାର ପରେ ହାତୀ ବେକରେ ଏକ କଟା ଦାଗ ରହିଥିବା ଦେଖିବାକୁ ମିଳିଥିଲା । ପ୍ରାଣୀଧନ ଚିକିତ୍ସକଙ୍କୁ ଡକାଇ ସେଠାରେ ହାତୀର ଶବ ବ୍ୟବଚ୍ଛେଦ କରାଯାଇଥିବା ବେଳେ ମୃତ୍ୟୁ କିଭଳି ଘଟିଲା ଓ ପୋଖରୀକୁ କିପରି ଆସିଲା ତାହାର ତଦନ୍ତ ଚାଲିଛି ବୋଲି ଏସିଏଫ୍‌ ଶ୍ରୀ ସାହୁ କହିଛନ୍ତି।

ଅନ୍ୟପକ୍ଷରେ ଶୁଣିବାକୁ ମିଳିଛି ଯେ, ବରାହ ଶିକାର କରିବା ଲାଗି ଶିକାରିମାନେ ଫାସ ବିଛାଇଥିଲେ । ସେହି ଫାସରେ ପଡ଼ି ଯାଇଥିବା ହାତୀ ଶାବକଟି ସେଠାରୁ ଖସିବା ଲାଗି ଚେଷ୍ଟା କରିବା ସମୟରେ ତାର ବେକରେ ତାର ଲାଗି ଯିବାରୁ ତାହା କଟି ଯାଇଥିଲା । ଏଥିରୁ ବର୍ତ୍ତିବା ଲାଗି ହାତୀ ଛୁଆଟି ପୋଖରୀକୁ ପଶି ଯାଇ ଆଉ ବାହାରି ନପାରି ମୃତ୍ୟୁବରଣ କରିଥିଲା । ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହାତୀର ମୃତ୍ୟୁର ପ୍ରକୃତ କାରଣ ଜଣାପଡ଼ିବ ।

   Related Posts