ରାଉରକେଲା ୧୯।୧୧: ସଙ୍କଟରେ ଗଜରାଜ । ସୁନ୍ଦରଗଡ଼ ଜିଲ୍ଲା ବଣାଇ ବନଖଣ୍ଡ ତାମରା ରେଞ୍ଜ ସୋଲଡେଗା ଗାଁ ନିକଟରୁ ଦନ୍ତାହାତୀର ମୃତଦେହ ଠାବ ହୋଇଛି । ଘଟଣାସ୍ଥଳେ ବନବିଭାଗ ପହଞ୍ଚି ଛାନ୍ଭିନ୍ ଆରମ୍ବ କରିଛି ।
ଖବର ଅନୁଯାୟୀ, ଆଜି ସକାଳ ସମୟରେ ସୋଲଡେଗା ଗାଁ ନିକଟରେ ଏକ ଦନ୍ତା ହାତୀର ମୃତଦେହ ପଡିଥିବାର ଦେଖିବାକୁ ମିଳିଥିଲା । ଏହାପରେ ବନବିଭାଗକୁ ହାତୀ ମୃତ୍ୟୁ ନେଇ ଖବର ଦିଆଯାଇଥିଲା । ଏହାପରେ ବନବିଭାଗ ପକ୍ଷରୁ ବଣାଇ DFO, ACF, ରେଞ୍ଜର ପହଞ୍ଚି ଛାନ୍ଭିନ୍ ଆରମ୍ଭ କରିଛନ୍ତି । ସେହିପରି ଆଜି ମୃତଦେହକୁ ବ୍ୟବଚ୍ଛେଦ ପରେ ହାତୀ ତାକୁ ପୋତା ଯିବ । ତେବେ ହାତୀଙ୍କୁ କେଉଁ କାରଣରୁ ମୃତ୍ୟୁ ହୋଇଛି । ତାହା ବର୍ତ୍ତମାନ ପର୍ଯ୍ୟନ୍ତ କିଛି ସ୍ପଷ୍ଟ ହୋଇନାହିଁ । ଶବ ବ୍ୟବଚ୍ଛେଦ ପରେ ପ୍ରକୃତ ତଥ୍ୟ ସାମ୍ନାକୁ ଆସିବ ବୋଲି ଜଣାପଡିଛି ।